Ֆրանսիայի նախագահ Էմանուել Մակրոնը հայտարարել է, որ բանակցություններ վերսկսելու վերաբերյալ ԱՄՆ-ի և եվրոպական երկրների առաջարկների՝ Մոսկվայի մերժումից հետո «Մեծ յոթնյակի» (G7) առաջնորդները հանգել են այն եզրակացության, որ Ռուսաստանը Ուկրաինայում խաղաղ կարգավորման «իրական պատրաստակամություն» չունի, հաղորդում է Ֆրանսպրես գործակալությունը։
Ըստ Մակրոնի՝ «նախագահ Թրամփը, ինչպես և բոլորս, պարզապես ընդունեց, որ Ռուսաստանն այսօր խաղաղություն քննարկելու անկեղծ ցանկություն չունի»։
Հայտարարությունն արվել է Ֆրանսիայում G7 գագաթնաժողովի վերջին օրը անցկացված մամուլի ասուլիսի ժամանակ։