Իսրայելական զինվորականները հայտնել են Լիբանանում «Հըզբոլլահ» շարժման օբյեկտներին հասցված զանգվածային հարվածների մասին։
Իսրայելի պաշտպանության բանակի (ՑԱԽԱԼ) տվյալներով՝ ի պատասխան հրադադարի ռեժիմի խախտումների, ավելի քան 150 հարված է հասցվել խմբավորման հրամանատարական կենտրոններին, արձակման դիրքերին և ենթակառուցվածքներին Նաբատիայի, Բեկաայի շրջաններում և Լիբանանի հարավում։ Հաղորդվում է նաև տասնյակ գրոհայինների ոչնչացման մասին։
Բանակում պնդում են, որ հարվածներն ուղղված են եղել այն օբյեկտների դեմ, որտեղ, իրենց տվյալներով, շարունակվում էր «Հըզբոլլահի» գործունեությունը, ներառյալ հրամանատարական կետերը և զինված կազմավորումները։
Առանձին հաղորդվում է Բոֆորի շրջանում ստորգետնյա ենթակառուցվածքների խոցման և իսրայելական ուժերի ուղղությամբ արձանագրված գնդակոծությունից հետո մի քանի արձակման կայանքների ոչնչացման մասին։