Իրանի և ԱՄՆ-ի միջև բանակցությունները չեն վերսկսվի, քանի դեռ Իսրայելը չի դադարեցրել Լիբանանում իր ռազմական գործողությունները, հայտարարել է Իրանի բանակցային պատվիրակության անդամ Հոսեյն Կորբանզադեն։
«Լիբանանը բանակցություններում ամենաշատ քննարկվող թեման է։ Եթե Լիբանանում պատերազմը չդադարի, բանակցությունները չեն շարունակվի», – ասել է Կորբանզադեն, մեջբերում է իրանական «Մեհր» լրատվական գործակալությունը։
Ավելի վաղ իրանական Tasnim լրատվական գործակալությունը, հղում անելով իրանական բանակցային թիմի աղբյուրին, հաղորդել էր, որ իրանական պատվիրակությունը լքել է Շվեյցարիայում ԱՄՆ-ի հետ բանակցությունների վայրը՝ ի նշան ԱՄՆ նախագահ Դոնալդ Թրամփի սպառնալիքների դեմ բողոքի։