Մեծ Բրիտանիայի վարչապետ Քիր Սթարմերը հայտարարել է, որ հրաժարական է տալիս կառավարության ղեկավարի պաշտոնից, հրաժարվում է Լեյբորիստական կուսակցության առաջնորդությունից, հաղորդում է Sky News-ը։
«Այսօր առավոտյան խոսել եմ Նորին Մեծություն թագավորի հետ՝ նրան իմ որոշման մասին տեղեկացնելու համար»,- ասել է նա՝ հավելելով, որ կշարունակի պաշտոնավարել որպես վարչապետ մինչև իրավահաջորդի ընտրությունը։
Նրա դիրքերը թուլացան, երբ Մանչեստրի քաղաքապետ Էնդրյու Բըրնհեմը, որը նախատեսում էր առաջադրվել Լեյբորիստական կուսակցության առաջնորդի և, հետևաբար, վարչապետի պաշտոնի համար, հաղթեց հունիսի 18-ի ընտրություններում Մեյքերֆիլդ ընտրատարածքում։ Դրանից առաջ մոտ 100 պատգամավորներ հրապարակավ կոչ արեցին Սթարմերին հրաժարական տալ։
Սթարմերի խնդիրները սրվեցին Լեյբորիստական կուսակցության Անգլիայի տեղական խորհուրդների ընտրություններում վատ արդյունքներից հետո, ինչպես նաև մայիսին Ուելսի և Շոտլանդիայի խորհրդարանական ընտրություններում, որոնց ընթացքում կուսակցությունը կորցրեց ավելի քան 1500 տեղ։ Դրանից հետո կուսակցության շատ անդամներ կոչ արեցին վարչապետին հրաժարական տալ։