Ադրբեջանի պետական մաքսային կոմիտեն պարզաբանել է 2026 թվականի մարտին Հայաստանից 960 դոլար արժողությամբ ապրանքների ներմուծման վերաբերյալ տեղեկատվությունը։
Պետական մաքսային կոմիտեն հայտարարել է, որ ներմուծումը վերաբերում է Նիդեռլանդներից Հայաստան, ապա Ադրբեջան ներմուծված վարդերին։ Արտաքին առևտրի վիճակագրության հրապարակման կանոնների համաձայն՝ ապրանքներ ներմուծելիս որպես գործընկեր երկիր նշվում է ծագման երկիրը։
Այս դեպքում ծաղիկները (վարդերը) մաքսային վիճակագրության մեջ արտացոլվել են որպես Հայաստանից ներմուծում։
Ավելի վաղ ադրբեջանակական լրատվամիջոցները, հղում անելով իրենց երկրի մաքսային կոմիտեին գրել էին, որ այս տարվա մարտին Ադրբեջանը Հայաստանից առաջին անգամ ներմուծել է 960 դոլար արժողությամբ ապրանքներ։
Հայաստանի Պետական Կոմիտեն հերքել է այս տեղեկությունը՝ պնդելով, որ Հայաստանից Ադրբեջան արտահանման որևէ դեպք մաքսային մարմնի կողմից չի արձանագրվել։