Բասկետբոլի Հայաստանի կանանց ազգային հավաքականը Փոքր երկրների Եվրոպայի առաջնության խմբային փուլի վերջին խաղում 63:54 հաշվով հաղթել է Անդորրայի հավաքականին և ապահովել իր տեղը մրցաշարի կիսաեզրափակչում։ Այս մասին հայտնում է ֆեդերացիան։
Հանդիպման լավագույն խաղացողը Լիա Կրումյանն է, ով գրանցել է 25 միավոր, 7 ռեբաունդ, 5 ասիստ։
Հայաստանի հավաքականը կիսաեզրափակչում կհանդիպի Մալթայի հավաքականին։ Հանդիպումը կկայանա հունիսի 27-ին։