Չեմպիոնների լիգայի 2025/26 թթ. խաղարկության քառորդ եզրափակիչի պատասխան խաղում Լոնդոնի «Արսենալը» սեփական հարկի տակ ընդունեց Լիսաբոնի «Սպորտինգին»: «Էմիրեյթս» մարզադաշտում կայացած հանդիպումն ավարտվեց գոլազուրկ ոչ-ոքի՝ 0-0 հաշվով:
Թիմերի միջև կայացած առաջին խաղում լոնդոնյան ակումբը հյուրընկալվելիս նվազագույն հաշվով հաղթանակ էր տարել: Այսպիսով, երկու խաղերի ընդհանուր 1-0 արդյունքի շնորհիվ Միկել Արտետայի գլխավորած թիմը պահպանեց առավելությունը և նվաճեց մրցաշարի կիսաեզրափակիչի ուղեգիր:
Կիսաեզրափակիչում «զինագործները» ուժերը կչափեն Մադրիդի «Ատլետիկոյի» հետ: Թիմերի միջև առաջին հանդիպումը կկայանա ապրիլի 29-ին, իսկ պատասխան խաղը՝ մայիսի 5-ին: