Ռուսաստանում անկախ բենզալցակայանները առաջին անգամ սկսել են բենզին վաճառել մեկ լիտրի դիմաց ավելի քան 100 ռուբլով։ Պատճառը նավթավերամշակման գործարանների աշխատանքի խափանումներն ու վառելիքի պակասն են։
Reuters-ի փոխանցմամբ՝ վերջին ամիսներին մի շարք նավթավերամշակման գործարաններ վնասվել են անօդաչու թռչող սարքերի հարվածների հետևանքով, ինչի պատճառով ներքին շուկայում զգալիորեն նվազել է բենզինի և դիզելային վառելիքի առաջարկը։
Անկախ լցակայանների ներկայացուցիչները նշում են, որ մեծածախ շուկայում գների կտրուկ աճն արդեն ստիպում է վերանայել մանրածախ վաճառքի սակագները։ Վերլուծաբանները զգուշացնում են, որ եթե արտադրության վերականգնումը ձգձգվի, վառելիքի գները կարող են շարունակել աճել նաև առաջիկա շաբաթներին։