Հունիսի 30-ին ավարտված եռամսյակի արդյունքներով նավթի համաշխարհային գները գրանցել են ամենակտրուկ եռամսյակային անկումը՝ սկսած 2020 թվականի համավարակի շրջանից։ Այս մասին հայտնում է Reuters-ը։
Brent տեսակի նավթի օգոստոսյան ֆյուչերսները հունիս ամսվա ընթացքում ընդհանուր առմամբ նվազել են մոտ 20%-ով, իսկ ամերիկյան WTI տեսակի նավթը կորցրել է իր արժեքի շուրջ 19%-ը։ Շուկայի նման վարքագիծը վերլուծաբանները պայմանավորում են Դոհայում ԱՄՆ-ի և Իրանի միջև հնարավոր բանակցությունների սպասումներով և Հորմուզի նեղուցով տանկերների երթևեկության աստիճանական վերականգնմամբ։