Սիրված հումորիստ, «Դեմք շոու» նախագծի անդամ Լևոն Տեր-Պետրոսյանի անժամանակ մահը մեծ ցավ է պատճառել նրա մտերիմ ընկերներին։
Կորստի ծանրության մասին սոցիալական հարթակներում իր հույզերով է կիսվել երգիչ և դերասան Արամ MP3-ն։
Արամ MP3-ը, ով երկար տարիների ընկերական և ստեղծագործական կապ է ունեցել Լևոնի հետ, հրապարակել է հուզիչ գրառում՝ նշելով, որ դեռևս չի կարողանում ընդունել դաժան իրականությունը. «Ընկերներ կորցնելը շատ ծանր բան ա։ Մտքերս մշուշոտ են, իրականության հետ չեմ կարողանում ոչ մի կերպ հաշտվել։ Լյով ջան, Փիղ ջան, ամենամեծ ու բարի սիրտ ունեցող ախպեր ջան։ Շատ եմ քեզ կարոտելու»,- գրել է արտիստը։
Լևոն Տեր-Պետրոսյանը կյանքից հեռացել է ԱՄՆ-ում՝ 45 տարեկան հասակում։ Հումորիստը շուրջ մեկ տարի պայքարում էր քաղցկեղի դեմ, որն ախտորոշվել էր 2025 թվականի օգոստոսին։
Ցավոք, հիվանդությունն ավելի ուժեղ գտնվեց, և Լևոնը հեռացավ՝ թողնելով անփոխարինելի դատարկություն իր ընկերների սրտերում։ Արամ MP3-ի և մյուս գործընկերների համար Լևոնը կմնա ոչ միայն որպես տաղանդավոր հումորիստ, այլև որպես բացառիկ ջերմության և մեծ հոգու տեր մարդ, ում կերպարը միշտ ժպիտ ու լույս է սփռել շրջապատում։