Նյու Յորքում չորեքշաբթի կեսօրին երկու հոգի հայտնվել են Էմփայր Սթեյթ Բիլդինգ երկնաքերի գագաթին։ Դրա մասին հայտնել են տեղական լրատվամիջոցները՝ հղում անելով NBC New York-ի ուղղաթիռից արված կադրերին։
Հրապարակված պատկերներում երևում են մուգ հագուստով երկու հոգի, որոնք գտնվում են շենքի վերին հատվածում և ձեռքերում պահում են սպիտակ գրությամբ սև դրոշ։
Դրոշի վրա նշված էր հետևյալ արտահայտությունը.
«Երբ սիրո ուժը գերազանցում է իշխանության հանդեպ սերը, աշխարհը ճանաչում է խաղաղությունը»։
Այն հանգամանքները, թե հատկապես ինչպես է այդ մարդկանց հաջողվել հայտնվել շենքի գագաթին, այս պահին պարզված չեն։
Իշխանություններն ու անվտանգության ծառայությունները միջադեպի վերաբերյալ հավելյալ մանրամասներ չեն հայտնում։