Իսրայելի կառավարությունը պատերազմներից կախվածություն է ձեռք բերել․ РИА Новости-ի փոխանցմամբ՝ հայտարարել է Թուրքիայի նախագահ Ռեջեփ Թայիփ Էրդողանը շաբաթ օրը։
«Իսրայելի օկուպացիոն ուժերը շարունակում են իրենց անօրինական և անմարդկային հարձակումները Գազայի հատվածի ճնշված բնակիչների վրա․ մենք չպետք է հնարավորություն տանք պատերազմից կախված դարձած Իսրայելի կառավարությանը կրկին մեր տարածաշրջանը խեղդելու վառոդի և արյան հոտով։
Թուրքիան ցանկանում է մի միջավայր, որտեղ տարածաշրջանի բոլոր բնակիչները, անկախ իրենց կրոնից, կապրեն խաղաղության և անվտանգության մեջ», – հայտարարել է Էրդողանը։