Թեհրանը հավերժ կմնա Հորմուզի նեղուցի պահապանը` հայտարարել է Իրանի արտաքին գործերի նախարար Աբբաս Արաղչին։ Ավելի վաղ ԱՄՆ նախագահ Դոնալդ Թրամփը նմանատիպ հայտարարություն է արել Միացյալ Նահանգների մասին՝ հայտնելով տարանցիկ վճարներ սահմանելու մտադրության մասին։
«Միացյալ Նահանգների նախագահը բացարձակապես ճիշտ է։ Ով ապահովում է առևտրային նավերի անվտանգ անցումը Հորմուզի նեղուցով, նա պետք է փոխհատուցում ստանա իր ծառայությունների համար։ Իրանը միշտ եղել է նեղուցի պահապանը և միշտ կմնա այդպիսին», – գրել է Արաղչին սոցիալական ցանցերում։
Ավելի վաղ Թրամփը հայտարարել էր Հորմուզի ծովային շրջափակման վերսկսման մասին, որը, նրա պնդմամբ, կվերաբերի միայն իրանական նավերին և բեռներին: Անցումը կմնա բաց այլ երկրների համար, սակայն Վաշինգտոնը մտադիր է գանձել 20 տոկոս անվտանգության վճար: Իրանի արտաքին գործերի նախարարը, ի պատասխան այդ հայտարարության, խոստացել է սահմանել ավելի արդարացի վճար։
Ավելին, Սպիտակ տան ղեկավարը սպառնացել է «շատ կոշտ» հարձակումներով՝ պնդելով, որ Թեհրանը խախտել է խաղաղության համաձայնագիրը