Oragir.News-ի տեղեկություներով՝ ձերբակալվել է Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն Սմբատ Լպուտյանը։
Լպուտյանի ձերբակալությունը կապված է Մանկավարժական համալսարանի շուրջ հարուցված քրեական վարույթների հետ։ Ձերբակալվել են նաև Մանկավարժական համալսարանի պրոռեկտորն ու նրա որդին:
Հիշեցնենք՝ քրեական վարույթով պարզվել էր, որ Խաչատուր Աբովյանի անվան հայկական պետական մանկավարժական համալսարանի պաշտոնատար անձինք, օգտագործելով իրենց ծառայողական լիազորությունները, խմբի կազմում, նախնական համաձայնությամբ ստացել են առանձնապես խոշոր չափերի կաշառք: Այս մասին հայտնել էր ՀՀ Հակակոռուպցիոն կոմիտեն։