Ես Ուկրաինային կաջակցեմ հարյուր տոկոսով՝ ճիշտ այնպես, ինչպես դա անում էր Քիր Սթարմերը։ Այս մասին ասել է Բըրնհեմը Sky News հեռուստաալիքին տված հարցազրույցում, հաղորդում է ՏԱՍՍ-ը:
«Ոչ մի փոփոխություն չկա»,- ասել է Բըրնհեմը ՝ խոստանալով արդեն հուլիսի 20-ին հեռախոսազրույց անցկացնել Վլադիմիր Զելենսկու հետ։
«Ես նրան կաջակցեմ հարյուր տոկոսով՝ ճիշտ այնպես, ինչպես դա անում էր Քիր Սթարմերը», – հավաստիացրել է Բըրնհեմը։
Նրա խոսքով՝ Զելենսկու մոտ չեն մնա նույնիսկ ամենափոքր կասկածներն այն մասին, որ Մեծ Բրիտանիայի աջակցությունը մնում է անսասան և հաստատուն։
«Մենք կլինենք նրա կողքին, և անձամբ ես նույնպես կլինեմ նրա կողքին»,- խոստացել է կառավարության նոր ղեկավարը: Հարցազրույցը ձայնագրվել էր պաշտոնը ստանձնելուց մի քանի ժամ առաջ:
Արդեն փոխարինելով Սթարմերին՝ իր առաջին ճառում Բըրնհեմն ամբողջությամբ շրջանցել էր Ուկրաինային աջակցության և արտաքին քաղաքականության հարցերը, սակայն խոստացել էր շարունակել նախորդ կառավարության կուրսը դեպի միլիտարիզացիա։