Կիևը պետք է անվերապահորեն ընդունի Կասպից ծովում իրանական առևտրային նավի վրա հարձակման պատասխանատվությունը, իսկ հարվածի ոչ միտումնավոր լինելու մասին հայտարարություններն անհամոզիչ են։ Այս մասին Եվրոպական դիվանագիտության ղեկավար Կայա Կալասի հետ հեռախոսազրույցի ընթացքում հայտարարել է Իրանի արտգործնախարար Աբբաս Արաղչին։
Ավելի վաղ Արաղչին հայտնել էր, որ Ուկրաինայի ԱԳՆ ղեկավարի ժամանակավոր պաշտոնակատար Անդրեյ Սիբիգան իր հետ հեռախոսազրույցում Ուկրաինայի կողմից իրանական նավի վրա հարձակումն անվանել է «ոչ միտումնավոր»։
«Մեր երկրի արտգործնախարարը հայտարարել է, որ, հաշվի առնելով Զելենսկու հստակ հայտարարությունները, որով նա ընդունել է իրանական առևտրային նավի վրա հարձակման պատասխանատվությունը, այս հարձակման ոչ միտումնավոր լինելու մասին պնդումն անհամոզիչ է։ Կիևը պետք է անվերապահորեն պատասխանատվություն կրի սույն հանցագործության համար, որը հանգեցրել է Իրանի քաղաքացիների զոհվելուն ու վիրավորվելուն և իրանական առևտրային նավի ոչնչացմանը», — ասված է Իրանի ԱԳՆ-ի Telegram-ալիքում հրապարակված հայտարարության մեջ։