Սաուդյան Արաբիայի, Թուրքիայի և Պակիստանի միջև կնքված «Մեքքայի համաձայնագիրը» ցույց է տալիս, որ տարածաշրջանի երկրները հիասթափվել են ԱՄՆ-ից և անվտանգության հարցերում որոշել են ապավինել սեփական ուժերին։ Այս մասին հայտարարել է Իրանի ԱԳՆ պաշտոնական ներկայացուցիչ Էսմայիլ Բաղային։
Նրա խոսքով՝ Թեհրանը մտահոգվելու որևէ հիմք չունի, քանի որ այս երեք երկրների հետ Իրանն ունի խորը կրոնական, պատմական ու մշակութային կապեր, և համաձայնագրի նպատակը ուղղված չէ Իրանի դեմ։
Բաղային ընդգծել է, որ օգոստոսի 7-ին ստորագրված պաշտպանական այս նոր եռակողմ պայմանագիրն ապացուցում է՝ տարածաշրջանի պետությունները եկել են այն եզրակացության, որ անհնար է հույս դնել անվտանգության հարցում ԱՄՆ-ի տված խոստումների վրա։