ՀՀ կառավարության որդեգրած զինծառայողների սոցիալական ապահովության բարելավման քաղաքականության շրջանակներում Հայաստանի Հանրապետության պետական պահպանության ծառայությունում արդեն երկրորդ տարին է, ինչ անցկացվում է ծառայողների համար բնակարան ձեռք բերելու պետական աջակցության ծրագրի վիճակահանությունը։ Վիճակահանության ընթացքին հետևել է ՀՀ ՊՊԾ ղեկավարությունը։
Միջոցառման մեկնարկին ՀՀ ՊՊԾ պետի տեղակալ Գ․ Առաքելյանը ներկայացրել է վիճակահանության ընթացակարգը և հաջողություն մաղթել մասնակիցներին։
Վիճակահանության արդյունքներով հաջողակ 10 զինծառայող հնարավորություն են ստացել 2026 թվականին Հայաստանի Հանրապետության տարածքում արտոնյալ պայմաններով երկարաժամկետ հիփոթեքային վարկավորման միջոցով ձեռք բերել բնակարան։
Միջոցառման ավարտին ՀՀ ՊՊԾ ղեկավարությունը շնորհավորել է շահառու ճանաչված զինծառայողներին՝ ընդգծելով, որ ծրագիրը շարունակական բնույթ է կրում։
