ԿԲ նախագահ Մարտին Գալստյանի անդրադարձը ֆինանսական համակարգում նորարությունների իրականացման առաջնահերթություններին ՀՀ ԱԺ ֆինանսավարկային և բյուջետային հարցերի մշտական հանձնաժողովի նիստում։
Մարտին Գալստյանը նշել է, որ ֆինանսական շուկայում մրցակցային բարենպաստ միջավայր ձևավորելու, նորարարությունը խթանելու և հաճախորդների համար ծառայություններից օգտվելու ճկուն պայմաններ ապահովելու նպատակով Կենտրոնական բանկը նախատեսում է աշխատանքներ իրականացնել այսպես կոչված «Լեգո-Բանկ» լիցենզիաների և Բաց բանկային համակարգի (Open-Banking) կանոնների ներդրման ուղղությամբ։
ԿԲ նախագահի խոսքով՝ արդյունավետ և մրցունակ ֆինանսական համակարգի ձևավորման համար կարևոր է ոչ այնքան շուկայի մասնակիցների քանակը, որքան հստակ և հավասար խաղի կանոնների առկայությունը։ Նա ընդգծել է, որ նշված ուղղությամբ աշխատանքները սպառողներին կտան ավելի մեծ բանակցային ուժ՝ հնարավորություն ընձեռելով առավել ճկուն կերպով օգտվել ֆինանսական ծառայություններից՝ առանց լրացուցիչ ծախսերի։
⬇️Մանրամասները տեսանյութում: