Ձերբակալման որոշմամբ՝ Հակակոռուպցիոն կոմիտե են տարել ԱԺ նախկին պատգամավոր Մարտուն Գրիգորյանին։
Տեղեկությունը հայտնել է Գյումրու ավագանու «Մեր քաղաքը» խմբակցության ղեկավար Լիզա Գասպարյանը։
Նա գրել է․ «Տեղեկացնեմ, որ քիչ առաջ ձերբակալման որոշմամբ Հակակոռուպցիոն կոմիտե են տարել ԱԺ նախկին պատգամավոր Մարտուն Գրիգորյանին»։
Իր հերթին փաստաբան Արսեն Բաբայանը նշել է. «Դատարան ներկայացնելու նպատակով քիչ առաջ ձերբակալվել է ՀՀ ԱԺ նախորդ գումարման պատգամավոր Մարտուն Գրիգորյանը։ Ձերբակալման որոշումը կայացրել է Հակակոռուպցիոն կոմիտեի քննիչը։
Այս պահին քրեական վարույթից այլ տեղեկություններ հայտնի չեն»: