Երկու մարդ զոհվել է ԱՄՆ Տեխաս նահանգի կենտրոնական հատվածում գտնվող դաշտում ռազմական ուղղաթիռի կործանման հետևանքով։
Այս մասին հայտնել է Բելլ շրջանի շերիֆի գրասենյակի խոսնակը, հաղորդում է CNN-ը։
Ըստ հաղորդագրության, Ֆորտ Հուդից թռչող Apache դասի ուղղաթիռը վթարի է ենթարկվել տեղական ժամանակով մոտավորապես ժամը 13:35-ին։ Երկու օդաչուներն էլ զոհվել են։
Ուղղաթիռի կործանումից հետո բռնկվել է մեծ, անվերահսկելի հրդեհ։
Շերիֆի գրասենյակի խոսնակը հայտնել է, որ հրդեհի պատճառով տարհանում է հայտարարվել։
Վթարի հանգամանքները դեռևս պարզված չեն։