Հայաստանից գյուղատնտեսական արտադրանքի արտահանումն աստիճանաբար տարանջատվում (դիվերսիֆիկացվում) է ավելի մեծ թվով երկրների միջև՝ աստիճանաբար նվազեցնելով կախվածությունը կոնկրետ առանձին շուկաներից։ Այս մասին Կառավարության նիստի ընթացքում հայտնել է Էկոնոմիկայի նախարարի տեղակալ Արման Խոջոյանը։
Փոխնախարարի փոխանցմամբ՝ 2026 թվականի հուլիսին գրանցվել է արտահանման աշխարհագրության զգալի ընդլայնում.
- Ծաղիկներն արտահանվել են 26 երկիր,
- Միրգը՝ 21 երկիր,
- Բանջարեղենը՝ 14 երկիր։
Ինչ վերաբերում է հուլիս ամսվա ծավալներին, Հայաստանից արտահանվել է.
- Ծիրան — 7010 տոննա,
- Պղպեղ — 2325 տոննա,
- Կեռաս — 1715 տոննա,
- Դեղձ և նեկտարին — 1645 տոննա,
- Լոլիկ — 1579 տոննա,
- Սալոր — 430 տոննա,
- Ծաղիկներ — շուրջ 3.6 միլիոն հատ։