Author: Julbaz

Ապրիլի 14-ին ՀՀ ԱԳ նախարար Արարատ Միրզոյանն աշխատանքային այցով կգտնվի Բրյուսելում։

Այս մասին հայտնում են ՀՀ ԱԳՆ-ից:

Ծրագրված են հանդիպումներ ԵՄ գործընկերների, այդ թվում՝ ԱԳԱՔ բարձր ներկայացուցիչ Կայա Կալասի հետ։

Թուրքիայի արտգործնախարար Հաքան Ֆիդանը հյուրընկալվել է պետական «Anadolu» լրատվական գործակալության «Խմբագրի սեղան» հաղորդմանը, որի ընթացքում անդրադարձել է Հարավային Կովկասին և հայ-ադրբեջանական գործընթացին։

«Մեր հարավային սահմանները դարպաս են դեպի Մերձավոր Արևելք և Մերձավոր Արևելքի ցանկացած անապահով վիճակ եթե հասնի մեզ, ապա պիտի փնտրենք Մերձավոր Արևելքի անվտանգության հարցում կայուն կարգավորում, այնպես չէ՞։ Մենք էլ հենց այդ գործընթացի մեջ ենք»,- նշել է նա։

Անդրադառնալով Հարավային Կովկասին՝ Ֆիդանը նշել է, որ Թուրքիան սահման ունի նաև Կովկասի հետ ու ընդգծել. «Կովկասի պատերազմներն ու անկանոնությունը գալիս մեզ է հասնում։ Այդ պատճառով մենք այնտեղ շատ լուրջ ջանքեր ենք գործադրում կարգուկանոնի և անվտանգության ապահովման, ինչպես նաև անվտանգության համակարգի հարցերում։ Ադրբեջանի ու Հայաստանի միջև խաղաղության հասնելու գործում մենք հսկայական ջանքեր են գործադրել, սկսած ուժի չափավոր կիրառումից մինչև հմուտ դիվանագիտություն, որպեսզի այդ թեժ բախումը չազդի Թուրքիայի վրա։ Մենք հաշվի ենք առնում նաև տարածաշրջանային երկրներին, համաշխարհային տերություններին և բազում այլ գործոններ»։

Ֆիդանը նաև հավելել է, որ Թուրքիան անվտանգության առումով շատ մեծ ռազմավարական գոտի ունի ինչպես Մերձավոր Արևելքում, Կովկասում, Սև ծովում և Միջերկրական ծովում, այնպես էլ՝ Եվրոպայում։

Ermenihaber

Այսօր՝ ապրիլի 13-ին, ավտովթար է տեղի ունեցել Արագածոտնի մարզում։ Ժամը 13։30-ի սահմաններում Երևան-Գյումրի ավտոճանապարհի 52 կմ հատվածում բախվել են Շիրակի մարզի բնակիչներ 35-ամյա Բարսեղ Գ․-ի վարած «Toyota Camry» մակնիշի, 58-ամյա Գագիկ Բ․-ի վարած «Volkswagen» մակնիշի և 43-ամյա Էդուարդ Գ․-ի վարած «Mercedes Vito» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 5 հոգի տեղափոխվել են «Թալին» բժշկական կենտրոն։

Վթարի մասին ՊԾ Արագածոտնի մարզի գումարտակից տեղեկությունը փոխանցել են ՀՀ Քննչական կոմիտեի Արագածոտնի մարզային քննչական վարչության Թալինի քննչական բաժին, որտեղից ժամանել է քննչական խումբը՝ օրվա պատասխանատու հերթապահ քննիչի գլխավորությամբ։

Վթարի փաստով Թալինի քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի և վիրավորների ինքնությունը։

Մանրամասները՝ սկզբնաղբյուրում:

Քաղաքական վերլուծաբան Ստեփան Դանիելյանի գնահատմամբ՝ Իրանը չի գնա այնպիսի զիջումների, որոնք կվտանգեն իր ինքնիշխանությունը, իսկ Վաշինգտոնի առաջ քաշվող պահանջների զգալի մասը Թեհրանի համար ընդունելի չէ։

Oragir.News-ի հետ զրույցում Դանիելյանը, անդրադառնալով Իրանի նախագահի հայտարարությանը, թե Թեհրանը պատրաստ է «հավասարակշռված և արդար գործարքի» ԱՄՆ-ի հետ, ընդգծեց, որ խոսքը, ըստ էության, չի կարող վերաբերել ինքնիշխանության զիջմանը։

«Ի՞նչ է նշանակում զիջել․ որևէ երկիր չի կարող համաձայնել իր ինքնիշխանության սահմանափակմանը։ Իրանը ունի իր խաղաղ միջուկային ծրագիրը զարգացնելու իրավունք, և այն դիտարկում է որպես սուվերեն իրավունք»,– նշեց նա։

Դանիելյանի խոսքով՝ այն պահանջները, որոնք պարբերաբար առաջադրվում են Իրանի նկատմամբ՝ կապված միջուկային ծրագրի կամ ռազմական կարողությունների սահմանափակման հետ, դժվար է դիտարկել որպես փոխշահավետ գործարքի հիմք։

«Այս պահին խոսքը ոչ թե զիջումների մասին է, այլ այն մասին, թե ինչ չափով են կողմերը պատրաստ միմյանց պահանջները հաշվի առնել։ Բայց եթե պահանջները դրվում են որպես պարտադրանք, ապա դա արդեն բանակցություն չէ», – ընդգծեց վերլուծաբանը։

Նրա գնահատմամբ՝ Իրանում քաղաքական համակարգը նույնպես սահմանափակումներ ունի ընտրական գործընթացների նկատմամբ. նախագահի թեկնածուների մասնակցությունը, ըստ էության, հաստատվում է Սահմանադրական խորհրդի կողմից։ Իսկ երկրի իրական ուժային և անվտանգային առանցքում առանցքային դեր ունի Իսլամական հեղափոխության պահապանների կորպուսը, որը մեծ ազդեցություն ունի թե՛ ներքաղաքական, թե՛ տարածաշրջանային քաղաքականության վրա.

«Իրանի քաղաքական համակարգը փակ կառուցվածք ունի, և այնտեղ ընտրական գործընթացները ամբողջությամբ բաց դաշտում չեն ընթանում․ այդ մեխանիզմները կանխորոշում են նաև քաղաքական դաշտի սահմանները», – ասաց նա։

Միաժամանակ նա նշեց, որ նախկին շահի որդու՝ Ռեզա Փահլավիի վերադարձի կամ քաղաքական գործընթացներում ներգրավման վերաբերյալ քննարկումները ավելի շատ տեսական բնույթ ունեն, քանի որ գործող համակարգը նման զարգացումների համար գործնական հարթակ չի ապահովում։

Դանիելյանի խոսքով՝ ներկայիս փուլում կողմերի միջև իրական հավասարակշռված համաձայնության հասնելը բարդ է, քանի որ կողմերից յուրաքանչյուրն առաջ է մղում իր ռազմավարական պահանջները։

«Եթե Իրանի վրա նորից ճնշումներ կամ ռազմական գործողություններ լինեն, դժվար է պատկերացնել, որ իշխանությունը կհրաժարվի իր ներկայիս դիրքերից», – ընդգծեց նա։

Նշենք, որ ԱՄՆ նախագահի հրամանագրի համաձայն, ԱՄՆ Կենտրոնական հրամանատարության ուժերը ապրիլի 13-ին, արևելյան ժամանակով ժամը 10:00-ից սկսել են արգելափակել իրանական նավահանգիստներ մտնող և այնտեղից դուրս եկող բոլոր նավերը:

Մերի Հակոբյան

«Պետք է լինի պատշաճ իրավական համակարգ, այսինքն՝ պետք է հանցագործությունները պատշաճ ձևով հետաքննվեն, պատժվեն»,- ասաց փաստաբան Հովհաննես Խուդոյանը։

Անդրադառնալով երկրում հանցավորության աճի, իրավապահ համակարգի խնդիրների և Էջմիածնում ապրիլի 11-ին տեղի ունեցած աղմկահարույց դեպքի վերբերյալ Oragir.News-ի հարցերին՝ փաստաբանը բացատրեց, որ նույնիսկ ամենաիդեալական աշխատող իրավապահ համակարգն այնպես չէ, որ միշտ կարող է բոլոր հանցագործությունները կանխել։

Նրա խոսքով՝ հանցագործությունների կանխման համար էական է հասկանալ դրանց բնույթը, քանի որ որոշ դեպքեր կարող են լինել պատահական կամ կենցաղային հողի վրա, որոնք նույնիսկ նախապես պլանավորված չեն լինում։

Նշեց նաև, որ հանցավոր միջավայրի վատթարացմանը նպաստում են մի շարք գործոններ, այդ թվում՝ հասարակության ընդհանուր լարված մթնոլորտը, ներընտանեկան վիճակը և համացանցը, որտեղ անընդհատ առկա են բռնության տեսարաններ։

Անչափահասների կողմից կատարվող հանցագործությունների թիվը ևս աճել է, այստեղ Խուդոյանը կարևորեց կրթական համակարգի դերը։

«Կրթական պրոցեսն է կարևոր, դպրոցներում իրավապահների ներկայությունը։ Ու ոչ թե վախեցնող ներկայությունն, այլ փոխադարձ արձագանքի մթնոլորտում աշխատանքը, որը և՛ վստահությունն է բարձրացնելու իրավապահների նկատմամբ, և՛ պատկերացում կտա, որ կրթական ոլորտում պետք է ճիշտ դաստիարակություն կազմակերպվի»,- ընդգծեց նա։

Այն հարցին, թե ամեն քայլափոխի հանդիպող պարեկները ինչո՞ւ չեն կարողանում կանխել նման միջադեպերը, Խուդոյանը պատասխանեց.

«Ոստիկանությունը պետք է իր ուժերը կենտրոնացնի հանցագործությունների կանխման և նախականխման վրա։ Մի քիչ ավելի քիչ զբաղվի կողմնակի բաներով, որը ոստիկանության ֆունկցիաներում չէ, և ավելի շատ կատարի իր պարտականությունները»։

Հիշեցնենք, որ ապրիլի 11-ին կրակոցներ էին հնչել Էջմիածին քաղաքի կենտրոնում՝ գլխավոր հրապարակում։ Դեպքի վայրում հայտնաբերվել էր արտասահմանյան մակնիշի ավտոմեքենա՝ կրակոցի բազմաթիվ հետքերով, և ինքնաձիգից արձակված մոտ 15 պարկուճ։ ՆԳՆ խոսնակը հայտնել էր, որ, բարեբախտաբար, տուժածներ չկան, իսկ դեպքի առնչությամբ արդեն կա ձերբակալված անձ։

«Եթե մենք կարողանանք այդ համալիր լուծումները գտնել, ապա․․․ ֆանտաստիկ կլինի։ ․․․Էս առումով ես լավատես եմ»,- երեկ «Լուրջ քասթ» հաղորդման 35-րդ րոպեին հայտարարեց Բարձր տեխնոլոգիական արդյունաբերության նախարար Մխիթար Հայրապետյանը։

Այս հաղորդման մեջ «եթե»-ով սկսվող այլ մտքեր ևս ավարտվում էին խոստումնալից ապագա ցնցող հաջողությունների նկարագրություններով։ Բնավ չնսեմացնելով տեխնոլոգիական այն առաջընթացը, որի ուղղությամբ արվել են որոշակի քայլեր, ձեռք են բերվել պայմանավորություններ, նշենք, որ այս զրույցում ԲՏԱ նախարարն էլ իր մասով իր ոլորտի «նախընտրական ասֆալտ» ցույց տալու խնդիր էր լուծում։

Անդրադառնալով Էկոնոմիկայի նախարարի արտահայտությանը, թե եթե ՔՊ-ն չընտրվի, արհեստական բանականություն էլ չի լինի՝ Հայրապետյանն ասում է․

«Գործընկերս՝ Գևորգ Պապոյանը ենթադրում եմ, որ ուղղակի չի կարծել, թե տառացի պիտի հասկացվի էդ ձևակերպումը» (11։25),- և բացատրում է, որ ԱԺ ընտրություններում եթե ընտրվեն պրոռոսական ուժեր, ապա, հավանաբար, ամերիկյան կողմը կդադարեցնի Արհեստական Բանականության մասշտաբային ծրագրի շրջանակում համագործակցությունը։

Սակայն քիչ անց՝ 27-րդ րոպեին նախարարն ասում է, որ ծրագրի առաջին փուլի գրաֆիկական պրոցեսորների գնումները մասամբ արդեն կատարվել են։ Ստացվում է, որ պայմանավորությունը, որ պետական մակարդակում արդեն սկսվել է կատարվել, ավելին, «Արհեստական բանականության գործարանը պատրաստ կլինի արդեն այս տարվա ընթացքում» (26։20), սակայն եթե ՔՊ-ն չվերընտրվի․․․ այս ամենը կփլուզվի։

Ու չի հասկացվում՝ ինչ կարվեն արդեն ձեռք բերված պրոցեսորները, և այն բազմաթիվ գործերը, պայմանավորությունները էներգարտադրող և այլ ընկերությունների հետ, որ պետական մակարդակում ձեռք են բերվել, և որոնց մասին Մխիթար Հայրապետյանը պատմում էր ավելի քան 30 րոպե։

Ստացվում է, որ պայմանավորություններ են ձեռք բերվել ոչ թե ՀՀ կառավարության, այլ՝ ՔՊ ղեկավարության հետ։

Հաղորդավարն ասում է, որ Փաշինյանի՝ Մոսկվա այցի ժամանակ «մեզ սպառնացին 600 դրամանոց գազով», նախարարը պատասխանում է․ «Յուրաքանչյուր անգամ բարդ խոսակցություն, դրա մոտիվը, նպատակը, որ հաղթահարվեն տարատեսակ չպարզաբանված հարցեր։

Այս իմաստով ես էդտեղ որեւէ ռիսկ չեմ տեսնում» (38:20), «Եթե հունիսի 7-ին մեր քաղաքացիները մեզ իրենց վստահության քվեն տան, կարող են վստահ լինել, որ Ռուսաստանի Դաշնության հետ մեր հարաբերությունները լրիվ չեն թարսվելու»։

Նկատենք՝ սփոփիչ է հնչում։ 54-րդ րոպեին նախարարը տեղեկացնում է, որ մայիսին կլինի ElevateAi ընկերության բացումը․ դե ինչպե՞ս չասես «ոլորտային ասֆալտապատում» ընտրություններից մեկ-երկու շաբաթ առաջ։ 8 տարի չկար-չկար, և ահա։

Եվ իհարկե, խոսվում է նաև սպառազինության ցուցադրության մասին, որ կրկին ներկայացվում է որպես «հաշվետվություն քաղաքացիներին», իսկ դա արդեն մայիսի 28-ին է լինելու՝ ընտրություններից օրեր առաջ։

Եվ վերջում մի փոքրիկ ուփս․ «Կիսահաղորդչային ինդուստրիայում, օրինակ, ում գիտեք, խոշորներից՝ Nvidia, Sinopsys, բոլոր էդ նախագծային աշխատանքները, սիմուլյացիաները, էդ ամբողջ պրոցեսներն անում են արհեստական բանականությամբ» (56։07),- ասում է նախարարը․ ես պատկերացնում եմ ճարտարագետների կլորացած աչքերը սա լսելիս։

Այսօր որքան էլ, որ արհեստական բանականությունը մասնագետներին օգնի, մի փոքր արագացնի աշխատանքային մի քանի պրոցեսներ, բացառվում է, որ այն կատարի ողջ գործը՝ «նախագծային աշխատանքները, սիմուլյացիաները, էդ ամբողջ պրոցեսները»։

Սա էլ վերագրենք նախարարի՝ նախընտրական ասֆալտակերակրման անփորձությանը։

Մարտիկ Մինասյան

Կարևոր հանդիպում՝ Հայաստանի խոշոր գործատուների ներկայացուցիչների հետ:

Այս մասին Ֆեյսբուքի իր էջում գրել է վարչապետ Նիկոլ Փաշինյանը և հրապարակել տեսանյութ՝ հանդիպումից:

«Հայաստանն իր պատմության ընթացքում չի ունեցել այսպիսի աննախադեպ հնարավորությունների ժամանակաշրջան։ Մեզ հարկավոր է կարողանալ այս իրավիճակը շարունակական, անընդհատ օգտագործել»,- գրել է նա։

Տեսանյութը՝ այստեղ:

«Այո, Դավիթ Մինասյանի համար է, որ արդարությունը վերջապես վերականգնվի, լսելի լինենք, և խափանման միջոցը փոխվի։ Շատ ավելի վատ է, որ շատերը տեղյակ չեն, անտարբեր են։ Անտարբերությունն է հասցրել նրան, որ ով ինչ ուզում է, ում հանդեպ ուզում է՝ անում է։ Պետք է ավելի հետաքրքրված լինենք և միահամուռ լինենք որպես ազգ»,- Oragir.News-ի հետ զրույցում ասաց Դավիթ Մինասյանի ազատման պահանջով նստացույցի մասնակից Նուբար Դանիելյանը։

Նրա խոսքով՝ ակցիայի նկատմամբ քաղաքացիների արձագանքը դեռևս մեծ չէ, ինչը պայմանավորված է նաև այն հանգամանքով, որ այսօր առաջին օրն է։

«Արձագանքը քիչ է, բայց ընդհանուր առմամբ դրական։ Սակայն կարծում եմ՝ մարդիկ պետք է ավելի հետաքրքրված լինեն, քանի որ սա մեզ բոլորիս է վերաբերում»,- նշեց նա։

Դանիելյանը նաև կոչ արեց քաղաքացիներին հաղթահարել անտարբերությունը։

«Ես հիմա և միշտ կոչ եմ անում քաղաքացիներին՝ չլինել այսքան էգոիստ, լինել միահամուռ, ցավալ մեկը մյուսի համար, աջակցել միմյանց։ Այս անտարբերությունը մեզ չի սազում, մենք կորցնում ենք մարդու հատկանիշները»,- ասաց նա՝ հավելելով, որ ունի երեք անչափահաս երեխա և չի ցանկանա, որ նրանք ապրեն նման միջավայրում։

Մանրամասները՝ տեսանյութում։

«Այո, Դավիթ Մինասյանի համար է, որ արդարությունը վերջապես վերականգնվի, լսելի լինենք, և խափանման միջոցը փոխվի։ Շատ ավելի վատ է, որ շատերը տեղյակ չեն, անտարբեր են։ Անտարբերությունն է հասցրել նրան, որ ով ինչ ուզում է, ում հանդեպ ուզում է՝ անում է։ Պետք է ավելի հետաքրքրված լինենք և միահամուռ լինենք որպես ազգ»,- Oragir.News-ի հետ զրույցում ասաց Դավիթ Մինասյանի ազատման պահանջով նստացույցի մասնակից Նուբար Դանիելյանը։

Նրա խոսքով՝ ակցիայի նկատմամբ քաղաքացիների արձագանքը դեռևս մեծ չէ, ինչը պայմանավորված է նաև այն հանգամանքով, որ այսօր առաջին օրն է։

«Արձագանքը քիչ է, բայց ընդհանուր առմամբ դրական։ Սակայն կարծում եմ՝ մարդիկ պետք է ավելի հետաքրքրված լինեն, քանի որ սա մեզ բոլորիս է վերաբերում»,- նշեց նա։

Դանիելյանը նաև կոչ արեց քաղաքացիներին հաղթահարել անտարբերությունը։

«Ես հիմա և միշտ կոչ եմ անում քաղաքացիներին՝ չլինել այսքան էգոիստ, լինել միահամուռ, ցավալ մեկը մյուսի համար, աջակցել միմյանց։ Այս անտարբերությունը մեզ չի սազում, մենք կորցնում ենք մարդու հատկանիշները»,- ասաց նա՝ հավելելով, որ ունի երեք անչափահաս երեխա և չի ցանկանա, որ նրանք ապրեն նման միջավայրում։

Մանրամասները՝ տեսանյութում։

Ներքին
Տեսանյութ
21:57 27-04-2022

Մենք նմանվել ենք որբ երեխայի, որին ոչ ոք չի սիրում. Վազգեն Պետրոսյան

«ԱՍԱԼԱ»-ի նախկին անդամ  Վազգեն Պետրոսյանն ասաց, որ այլասերվածությունն այն է, երբ մարդ մոռանում է իր անձնական արժեքների մասին։