Author: Julbaz

«Ես հաշվել եմ` մոտավորապես 70-ից ավել Արարատի նկար կա նոր անձնագրի մեջ, բոլոր տեղերում զինանշանն է Արարատով տեղադրված»,- այս մասին Հանրային հեռուստաընկերության եթերում հայտարարել է ԱԺ նախագահ Ալեն Սիմոնյանը։

«Չեմ հասկանում այն մարդկանց, ովքեր ֆանտոմային ցավերի վրա փորձում են քաղաքական դիվիդենտներ շահել։ Ես, օրինակ, ծանր եմ տանում, որ 44-օրյա զոհերի թիվը ավելացնում են․․․»,- հավելեց ԱԺ նախագահը։

Անդրադառնալով քննադատություններին, որ իշխանությունն ուրանում է Ցեղասպանությունը, Սիմոնյանը նշեց․ «Ո՞նց ենք ուրանում, Հայաստանի Հանրապետությունը այս ժամանակահատվածում բոլոր քայլերն արել է․․ Ուրացման որևէ օրինակ չեն կարող բերել, ուրացման։ 1915 թվականին, 44-օրյա պատերազմի ժամանակ բոլոր զոհերը եղել են մի բանի մասին, որ հայը պետք է ապրի։ Մենք ուզում ենք, որ հայը ապրի, ՀՀ-ն լինի հավետ, ուժեղ, ունենա լավ հարաբերություններ իր հարևանների հետ»,- նշել է Սիմոնյանը։

Պատմաբան Արեգ Սավգուլյանի ֆեյսբուքյան գրառումը՝ կից տեսանյութով. «Կիսաբաց լուսամուտների երբեմնի մուսան, ՔՊ-ական քրմուհիներից, «Նիկոլի վերջին օրերի կեղծ սրբերի եկեղեցու» անվերապահ հետևորդ Ժասմինա Յակովնա (Հասմիկ Հակոբյան), դու ի՞նչ կապ ունես մեր պետականության, ազգային ինքնության հետ։
     ՀՀ պետական զինանշանի վրա տեղյա՞կ չես, թե ի՞նչ է պատկերված, թե՞ նախապատրաստում եք մեզ, որ այդ էլ եք շուտով պղծելու։ Լուսինը ո՞ւմն է, այ քաղաքական լուսնոտ (գիշերաշրջիկ)։

«Հայաստանի Հանրապետության նկատմամբ փորձ է կատարվում իրականացնել քաղաքական օպերացիա՝ այստեղ իշխանություն փոխելու համար»-այս մասին Հանրային հեռուստաընկերության եթերում ասել է ԱԺ նախագահ Ալեն Սիմոնյանը՝ անդրադառնալով ընդդիմության գործունեությանը և ՌԴ-ի հետ հարաբերություններին։

«Եթե Ուկրաինայում փորձում են զինվորական ձևով իրենց շահերն առաջ տանել և լուծել, ՀՀ-ում քաղաքական օպերացիայի փորձ է տեղի ունենում, իշխանությունը զավթելու փորձ է տեղի ունենում։ Մեր ժողովրդավար լինելը հիմա իրենք փորձում են օգտագործել մեր դեմ, ասում են՝ ձեզ մոտ ինտերնետը բաց է, մենք այդ ինտերնետում մեր ռուբլիով այնքան գովազդ կանենք, որ ամեն ինչը մերը կլինի․․․ Լրատվականների 95 տոկոսը ընդդիմադիր են, դրանց մի մասին կառնենք և կօգտագործենք ձեր դեմ։ Չենք թողնելու, որ ՀՀ-ն դարձնեն «գուբեռնիա», մենք չենք ղեկավարվելու Բելառուսի պես»,-ասել է Սիմոնյանը։