ԱՄՆ գործերի ժամանակավոր հավատարմատար Փիթեր Անդրեոլին ծաղիկներ է դրել Ծիծեռնակաբերդի հուշահամալիրի անմար կրակի մոտ՝ հարգանքի տուրք մատուցելով 1,5 միլիոն հայերի հիշատակին: Այս մասին տեղեկացնում են ՀՀ-ում ԱՄՆ դեսպանատնից։
Author: Julbaz
Անկեղծորեն կիսում ենք հայ ժողովրդի վիշտը՝ նախնիների կրած տառապանքների համար. Մարիկե Մոնրոյ-Վինթեր
ՀՀ-ում Նիդերլանդների Թագավորության դեսպան Մարիկե Մոնրոյ-Վինթերը
այցելել է Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության
զոհերի հիշատակին։
«Այսօր՝ ապրիլի 24-ին, մենք հիշատակում ենք 1915-1917 թվականներին
հայերի նկատմամբ իրականացված զանգվածային ոճրագործությունը։ Անկեղծորեն կիսում ենք
հայ ժողովրդի վիշտը՝ նախնիների կրած տառապանքների համար։ Միանում ենք հայերին և հարգանքի
տուրք ենք մատուցում այս ողբերգության բոլոր զոհերին և վերապրածներին»,— նշել է դեսպանը։
Հայաստանում Կանադայի դեսպանն այցելել է Ծիծեռնակաբերդ
Հայաստանում Կանադայի դեսպան Էնդրյու Թըրներն այցելել է Ծիծեռնակաբերդ և կատարել հետևյալ գրառումը. «Ինձ համար մեծ պատիվ է ներկայացնել Կանադան՝ այսօր Ծիծեռնակաբերդում կայացած Հայոց ցեղասպանության հիշատակի օրվան նվիրված միջոցառմանը։ Հզոր և հուզիչ արարողություն»։
Այսօր Ադրբեջանի տարածքով Հայաստան կուղարկվի հացահատիկով բեռնված 5 վագոն
Այսօր Ադրբեջանի տարածքով տարանցիկ եղանակով դեպի Հայաստան կուղարկվի հացահատիկով բեռնված 5 վագոն։
«Չայնիի» ոլորաններում «Porsche Cayenne»-ը մխրճվել է երկաթե արգելապատնեշի մեջ․ վարորդը, ով եղել է ոչ սթափ, տեղում մահացել է
Այսօր՝ ապրիլի 24-ին, խոշոր ու ողբերգական ավտովթար է տեղի ունեցել Կոտայքի մարզում։ Ժամը 07։00-ի սահմաններում Երևանի բնակիչ 45-ամյա Սարիբեկ Ա․-ն իր վարած ռուսական համարանիշներով «Porsche Cayenne» մակնիշի ավտոմեքենայով Երևան-Սևան-Իջևան ավտոճանապարհի 25 կմ հատվածում, «Չայնիի» երկրորդ ոլորաններում դուրս է եկել երթևեկելի գոտուց, մխրճվել բաժանարար գոտում տեղադրված երկաթե արգելապատնեշի մեջ և մոտ 80 մետր առաջ ընթացել։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը տեղում մահացել է։ Նրա մարմինը հայտնաբերվել է ավտոմեքենայից դուրս, մոտ 10 մետր հեռավորության վրա։
Վթարի փաստով Աբովյանի քննչական բաժնում նախաձեռնվել է քրեական վարույթ։
Բախման հետևանքով ավտոմեքենայից գազաբալոնը ու անվահեծաններից մեկը կոտրվել ու շպրտվել էին։
Քննիչի հանձնարարականով ավտոմեքենան տեղափոխվել է ոստիկանության Կոտաքի բաժնի պահպանվող հատուկ տարածք։
Օպերատիվորեն ժամանել են նաև ճանապարհն սպասարկող «Կոտայքի» ճանշինի աշխատակիցները, ովքեր շատ արագ ճանապարհից հեռացրեցին երկաթե արգելապատնեշները, այնուհետև փրկարարների հետ ավտոմեքենայի մեջից դուրս բերեցին երկաթե արգելապատնեշը և ավտոմեքենան քարշակով տեղափոխեցին։
Ֆոտոլրագրողը հայտնում է, վարորդը զրկված է եղել ավտոմեքենա վարելու իրավունքից, իսկ վթարից ժամեր առաջ հերթական անգամ պարեկի կողմից ենթարկվել է վարչական պատասխանատվության՝ ոչ սթափ (խմած) վիճակում ավտոմեքենա վարելու համար, իսկ հետո, օրենքի շրջանակում պարեկը ավտոմեքենան ի պահ է հանձնել նրա համար ժամանած ազգականին, ով պարտավորվել է ավտոմեքենան ինքը վարել, մինչ դեռ ժամեր անց Սարիբեկ Ա․-ն վթարի է ենթարկվում ու մահանում։ Այնպես որ այս վթարի մեջ իր մեղավորությունը ունի նաև այն ազգականը, ում ավտոմեքենան հանձնվել էր։
Մանրամասները՝ սկզբնաղբյուրում:
Կեղծ և մանիպուլյատիվ. վարչապետի խոսնակը՝ Փաշինյան-Թրամփ հեռախոսազրույցի լուրի մասին
X սոցիալական հարթակում որոշ օգտահաշիվների կողմից տարածվում է ակնհայտ կեղծ և մանիպուլյատիվ տեղեկություն այն մասին, թե իբր ԱՄՆ նախագահ Դոնալդ Թրամփը Truth Social հարթակում գրառում է կատարել՝ հայտնելով Հայաստանի Հանրապետության վարչապետ Նիկոլ Փաշինյանի հետ հեռախոսազրույցի մասին։ Այս մասին ֆեյսբուքյան իր էջում գրել է վարչապետի մամուլի քարտուղար Նազելի Բաղդասարյանը։
«Հայտնում եմ, որ նման հեռախոսազրույց տեղի չի ունեցել։ Հայաստանի Հանրապետության վարչապետ Նիկոլ Փաշինյանի և ԱՄՆ նախագահ Դոնալդ Թրամփի միջև նման բովանդակությամբ քննարկում չի եղել։ Տարածվող տեղեկությունը կեղծ է և չի համապատասխանում իրականությանը։
Նշված պնդումն ունի օտարերկրյա տեղեկատվական մանիպուլյացիայի և միջամտության՝ FIMI-ի բնորոշ հատկանիշներ։ Մասնավորապես, հաշվի առնելով դրա տարածման մեթոդաբանությունը՝ X հարթակում մի շարք օգտահաշիվների կողմից նույնաբովանդակ կամ փոխկապակցված ձևակերպումներով ամպլիֆիկացված տարածումը, չստուգված աղբյուրի վրա հիմնված պնդման շրջանառումը, դիտարկում ենք որպես համակարգված տեղեկատվական մանիպուլյացիայի փորձ։
Հորդորում ենք լրատվամիջոցներին, հանրային դերակատարներին և սոցիալական ցանցերի օգտատերերին զերծ մնալ չստուգված տեղեկությունների տարածումից, հատկապես այն դեպքերում, երբ դրանք վերաբերում են Հայաստանի Հանրապետության ազգային անվտանգությանը, արտաքին քաղաքականությանը և տարածաշրջանային կայունությանը»,- գրել է Բաղդասարյանը։
Աննա Հակոբյանը թիկնապահների ուղեկցությամբ Ծիծեռնակաբերդ է այցելել
Նիկոլ Փաշինյանի հետ վերամիավորված Աննա Հակոբյանը այսօր՝ ապրիլի 24-ին, թիկնապահների հետ այցելել է Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին:
Նրա այցի ժամանակ իրավիճակը լարվել է. թիկնապահները թույլ չեն տվել լրագրողներին մոտենալ Աննա Հակոբյանին ու հարցեր տալ:
Հալածանքներն ու ճնշումները չբուժվող վերք դարձան հայերի բազմաթիվ սերունդների համար. Պուտինի ուղերձը
Ռուսաստանի նախագահ Վլադիմիր Պուտինը ուղերձ է հղել Հայոց ցեղասպանության
111-րդ տարելիցի հիշատակի միջոցառումների մասնակիցներին՝ նշելով, որ այդ ողբերգությունը
միավորել է ժողովրդին և ընդգծել նրա իմաստությունն ու քաջությունը։
«Այսօր մենք գլուխ ենք խոնարհում 20-րդ դարի ամենասարսափելի ողբերգություններից
մեկի՝ Հայոց ցեղասպանության հարյուր հազարավոր զոհերի հիշատակի առջև։ Այդ տարիների
հալածանքներն ու ճնշումները ծանր վերք դարձան հայ ժողովրդի համար, սակայն նրանք ցուցաբերեցին
անսասան նվիրվածություն ավանդույթներին, իմաստությանը և քաջությանը», — ասված է Կրեմլի
կայքում հրապարակված ուղերձում։
Պուտինի խոսքով՝ անպաշտպան մարդկանց նկատմամբ իրականացված բռնությունները
ցնցել են քաղաքակիրթ աշխարհը և ցույց են տվել կրոնական ատելության, ազգայնականության
և քսենոֆոբիայի վտանգավոր հետևանքները։
Նա նշել է, որ Ռուսաստանի դիրքորոշումն այս հարցում մնացել է անփոփոխ՝
հիշեցնելով 1915 թվականի միջազգային հռչակագիրը և 1995 թվականի Պետդումայի հայտարարությունը,
որոնք դատապարտում էին հայ ժողովրդի նկատմամբ իրականացված բռնությունները։
Պուտինը ընդգծել է, որ էթնիկ պատկանելության հիմքով զանգվածային
բռնությունները չեն կարող արդարացվել, և միջազգային հանրությունը պետք է համատեղ ջանքերով
կանխի նման ողբերգությունների կրկնությունը։
Նա նաև բարեկեցություն և բարգավաճում է մաղթել հայ ժողովրդին։
Սգում ենք հայ ժողովրդի հետ Հայոց ցեղասպանության զոհերի հիշատակի օրը. ՌԴ դեսպանություն
Ներքին 12:55 24-04-2026
Անընդունելի է Նիկոլ Փաշինյանն ու նրա՝ ժողովրդի կամքը կոտրելու ցանկացած դրսևորում. Ավետիք Չալաբյան (տեսանյութ)
Մենք պետք է դուրս մղենք բոլոր նրանց, ովքեր փորձում են համոզել, որ պետք է համակերպվենք այդ թշնամական պարտադրանքի հետ:
Երևան-Սևան-Իջևան ճանապարհին «Shacman» բետոնախառնիչը բախվել է հողաթմբին և կողաշրջված հայտնվել ճանապարհի երթևեկելի գոտում
Այսօր՝ ապրիլի 24-ին, ավտովթար է տեղի ունեցել Տավուշի մարզում։ Ժամը 10։00-ի սահմաններում Երևան-Սևան-Իջևան ավտոճանապարհին՝ Դիլիջանի ոլորաններում «Shacman» մակնիշի բետոնախառնիչը բախվել է հողաթմբին և կողաշրջված հայտնվել ճանապարհի երթևեկելի գոտում։
Shamshyan.com-ի տեղեկություններով, վթարի հետևանքով, ըստ նախնական տեղեկությունների բարեբախտաբար տուժածներ չկան։
Վթարի փաստով ՊԾ Տավուշի մարզի գումարտակի 2-րդ վաշտում փաստաթղթեր են ձևակերպվում, որտեղ էլ պարզվում է վարորդի ինքնությունը։