Author: Julbaz

ՀՀ Կենտրոնական ընտրական հանձնաժողովն այսօր՝ ապրիլի 14-ին, հյուրընկալել է ԱԺ ընտրություններին մասնակցելու համար օգտահաշիվ ստանալու հայտ ներկայացրած և նման մտադրություն ունեցող բոլոր կուսակցություններին/դաշինքներին։

ԿԳՀ-ից հայտնում են, որ մասնակիցներին ողջունել է ԿԸՀ նախագահ Վահագն Հովակիմյանը և հայտնել, որ նման նախաձեռնության նպատակը ընտրություններին մասնակցել ցանկացող կուսակցություններին/դաշինքներին ԿԸՀ ներդրած թվային նոր գործիքակազմերը ներկայացնելն է։

Ընտրություններին մասնակցել ցանկացող կուսակցությունները, դաշինքները մինչ ապրիլի 23-ը պետք է էլեկտրոնային եղանակով դիմեն հանձնաժողովին, որպեսզի ստանան օգտահաշիվ։ Այն հնարավորություն է ընձեռում քաղաքական ուժին իր անհատական օգտահաշվում ներբեռնել ընտրողների ցուցակները, նախընտրական ծրագիրը, կուսակցության և թեկնածուների գույքի և եկամուտների հայտարարագրերը և այլ տեղեկատվություն։

ԿԸՀ Տեղեկատվական տեխնոլոգիաների և տեղեկատվության վերլուծության վարչության պետ Ելենա Այվազյանը ներկայացրել է օգտահաշվի տեխնիկական հնարավորությունները։ ԿԸՀ Վերահսկիչ վերստուգիչ ծառայության ղեկավար Տիգրան Բաբիկյանը իրազեկել է հրավիրյալներին, որ կուսակցության/դաշինքի, ինչպես նաև թեկնածուների գույքի և եկամուտների հայտարարագիր չներկայացնելու պարագայում, օրենսդրական փոփոխությունների հետևանքով, սահմանվել է վարչական պատասխանատվություն։

ԿԸՀ քարտուղար Արմեն Սմբատյանը տեղեկացրել է, որ ԿԸՀ-ն մտադիր է ընտրությունների մասնակից քաղաքական ուժերի վստահված անձանց դասընթացավարների համար դասընթաց իրականացնել։

Հանդիպմանը մասնակցել է նաև ԿԸՀ նախագահի տեղակալ Նունե Հովհաննիսյանը, ով պատասխանել է ներկաների՝ օրենսդրությանն առնչվող հարցերին։

Մադրիդի «Ռեալի» իսպանացի հարձակվող Գոնսալո Գարսիան մոտ է ակումբը լքելուն: Այս մասին հայտնում է The Athletic-ը։ Սպասվում է, որ 22-ամյա ֆուտբոլիստը կվաճառվի արդեն առաջիկա ամռանը, քանի որ այլևս չի մտնում մադրիդյան թիմի ղեկավարության ծրագրերի մեջ:

«Արքայական» ակումբում վստահ են, որ իրենց սանը կզրկվի կանոնավոր խաղային պրակտիկայից բրազիլացի հարձակվող Էնդրիկի վերադարձից հետո, որն այժմ վարձավճարով հանդես է գալիս ֆրանսիական «Լիոնում»: Մրցակցության մեծացման ֆոնին ակումբը նպատակահարմար է գտնում վաճառել երիտասարդ ֆուտբոլիստի տրանսֆերը:

Չնայած սպասվող հեռացմանը՝ Գարսիան ընթացիկ մրցաշրջանում դրական արդյունքներ է գրանցել: Անցկացրած 33 հանդիպումներում նա դարձել է 6 գոլի և 2 արդյունավետ փոխանցման հեղինակ:

Այս ցուցանիշով երիտասարդ հարձակվողը Մադրիդի «Ռեալի» չորրորդ լավագույն ռմբարկուն է ընթացիկ մրցաշրջանում՝ զիջելով միայն ակումբի գլխավոր աստղերին.

1. Կիլիան Մբապե (39 գոլ)
2. Վինիսիուս Ժունիոր (17 գոլ)
3. Ֆեդերիկո Վալվերդե (9 գոլ)

Ներկայումս ֆուտբոլիստի տրանսֆերային արժեքը գնահատվում է մոտ 30 միլիոն եվրո: Ավելի վաղ Գարսիայի ծառայություններով ակտիվորեն հետաքրքրվում էին Անգլիայի Պրեմիեր լիգան և Գերմանիայի Բունդեսլիգան ներկայացնող ակումբները, ինչը հուշում է, որ իսպանացին ամռանը նոր թիմ գտնելու խնդիր չի ունենա: