Author: Julbaz

Իրանն այսօրվանից փակում է Հորմուզի նեղուցը մինչև ԱՄՆ-ի ծովային շրջափակման ամբողջական վերացումը

Իրանն այսօրվանից փակում է Հորմուզի նեղուցը մինչև ԱՄՆ-ի ծովային շրջափակման ամբողջական վերացումը. այս մասին հայտարարել է ԻՀՊԿ ռազմածովային ուժերը:

Նավերին արգելվում է լքել խարիսխի կայանատեղերը Պարսից և Օմանի ծոցերում, իսկ Հորմուզին մոտենալը Թեհրանը կդիտարկի որպես «թշնամու հետ համագործակցություն»։

Իրանի ԱԳՆ-ում հավելել են, որ դադարեցնում են Վաշինգտոնի հետ ուղիղ խաղաղ բանակցությունները, մինչև ԱՄՆ-ն չփոխի իր առավելապաշտական պայմանները։

Տեղումները բարձրացրել են հողի խոնավության պաշարները, դժվարացրել՝ դաշտային աշխատանքները

Ապրիլի առաջին տասնօրյակում դիտված տեղումները բարձրացրել են հողի խոնավության պաշարները, սակայն դժվարացրել են դաշտային աշխատանքների իրականացումը․ տեղեկացնում է «Հիդրոօդերևութաբանության և մոնիթորինգի կենտրոն»-ը։

«Հովտային շրջաններում դիտվել է դեղձենու մասսայական ծաղկում, սկսվել է ծիրանենու պտուղների ձևավորումը։

Լեռնային որոշ շրջաններում աշնանացան ցորենը շարունակվել է գտնվել հանգույցային արմատների առաջացման և թփակալման փուլերում, տեղ-տեղ հնդավորները թույլ բողբոջել են։ Նախալեռնային շրջաններում աշնանացանը դեռ ցողունակալման փուլում է, իսկ Արարատյան դաշտում երևացել են ծեղացողունի ներքին հանգույցները»,- ասված է հաղորդագրությունում։

 

«Ուժեղ Հայաստան»-ի համակիրների մասնակցությամբ տեղի ունեցած միջադեպի առթիվ նախաձեռնվել է քրեական վարույթ․ 17 անձ ձերբակալվել է․ ՔԿ


Քաղաքականություն


Ապրիլի 17-ին Հակակոռուպցիոն դատարանի դիմաց «Ուժեղ Հայաստան» կուսակցության համակիրների մասնակցությամբ տեղի ունեցած միջադեպի առթիվ նախաձեռնվել է քրեական վարույթ՝ մի խումբ անձանց կողմից խուլիգանություն կատարելու և պաշտոնատար անձի օրինական ծառայողական գործունեությանը միջամտելու հոդվածների հատկանիշներով:

Ինչպես հայտնում են քննչական կոմիտեից, քրեական վարույթի նախաքննության ընթացքում 17 անձ ձերբակալվել է:

Կատարվում են քննչական և վարութային անհրաժեշտ գործողություններ:



Իրանը մասամբ բացել է օդային տարածքը


Հարեվաններ


Իրանը մասամբ բացել է օդային տարածքը և սկսել ավիահաղորդակցության աստիճանական վերականգնումը։

Լրատվամիջոցների փոխանցմամբ՝ Իրանի քաղաքացիական ավիացիայի կազմակերպության ներկայացուցիչը հայտնել է, որ շաբաթ օրվանից արևելյան օդային տարածքի մի մասը պաշտոնապես բացվել է: Գերատեսչության հայտարարության համաձայն՝ երկրի արևելյան շրջանների օդանավակայանները վերսկսել են աշխատանքը բնականոն ռեժիմով, և դրանցից թռիչքներ իրականացնելու հնարավորությունն ամբողջությամբ ապահովված է:



Թուրքիայում ձերբակալվել են դպրոցների վրա հարձակումների սպառնալիքի համար կասկածվող անձինք


Հարեվաններ


Անթալիայում ձերբակալվել է 19-ամյա անձ, որը Քահրամանմարաշի ուսումնական հաստատություններում հարձակումներ կազմակերպելու սպառնալիքներ է հրապարակել սոցցանցերում։

Սամսունում ձերբակալվել է ևս 7 անձ, որոնցից 6-ն անչափահասներ է։ Նրանց մեղադրում են նախապատրաստվող հարձակումների մասին կեղծ տեղեկատվության և միջնակարգ դպրոցի պատերին սպառնալից գրություններ կատարելու համար։

Ավելի վաղ Թուրքիայի Քահրամանմարաշ նահանգի միջնակարգ դպրոցում կրակոցների հետևանքով հաղորդվել էր 9 զոհի և 13 վիրավորի մասին: Կրակողը, որը 13 տարեկան էր, նույնպես մահացել է:



Դատախազությունը պահանջում է ԱԺ նախկին պատգամավոր Մխիթար Զաքարյանից բռնագանձել 12 անշարժ գույք, շուրջ 960 մլն դրամ

Դատախազությունը պահանջում է Ազգային ժողովի նախկին պատգամավոր Մխիթար Զաքարյանից հօգուտ պետության բռնագանձել 12 անշարժ գույք, շուրջ 960 մլն դրամ: Այս մասին հայտնում…

ԱՄՆ-ում ՀՀ դեսպանը հանդիպել է Յոսրի Բարսումի հետ․ քննարկվել է ԹՐԻՓՓ-ի իրականացման գործընթացը


Աշխարհ


Դեսպան Նարեկ Մկրտչյանը հանդիպում է ունեցել MITRE կազմակերպության ներքին անվտանգության ապահովման կենտրոնի (Center for Securing Homeland) փոխնախագահ և տնօրեն Յոսրի Բարսումի հետ՝ հայտնում են դեսպանությունից։

 

Քննարկվել են մի շարք հարցեր՝ ՀՀ–ԱՄՆ օրակարգի, ԹՐԻՓՓ նախաձեռնության տարածաշրջանային նշանակության, դրա իրականացման գործընթացի, ինչպես նաև ԱԲ-ի և կիսահաղորդիչների ոլորտում նորարարական գործընկերության մասին փոխըմբռման հուշագրի վերաբերյալ։ 

 

Դիտարկվել են կիբեռանվտանգության և կրիտիկական ենթակառուցվածքների պաշտպանության ոլորտներում համագործակցության ընդլայնման հնարավորությունները։