Author: Julbaz

Իսրայելի պաշտպանության նախարար Իսրայել Կացը հայտարարել է, որ «Հեզբոլլահը» ռեկորդային կորուստներ ունի։

««Հավերժական խավար» գործողությունը հզոր հարված էր «Հեզբոլլահին», որը ցնցված և շփոթված էր ներթափանցման խորությամբ և հարձակման մասշտաբով։

Երեկ սպանվել է ավելի քան 200 ահաբեկիչ։ «Հեզբոլլահը» հուսահատորեն ցանկանում է հրադադար, և նրա իրանցի կողմնակիցները նույնպես ճնշում և սպառնալիք են գործադրում նրա վրա՝ խորը վախից ելնելով, որ Իսրայելը կջախջախի «Հեզբոլլահին»։

Իսրայելի պաշտպանության բանակը լիովին պատրաստ է և զինված է գործելու ամբողջ ուժով, եթե Իրանը կրակ բացի Իսրայելի վրա»,- ասել է Իսրայել Կացը։

ԱՄՆ ազգային հակաահաբեկչական կենտրոնի նախկին տնօրեն Ջո Քենթը հայտարարել է, որ ԱՄՆ-ի՝ ՆԱՏՕ-ից հնարավոր դուրս գալու իրական պատճառը կարող է լինել Թուրքիա–Իսրայել լարվածությունը, ոչ թե արտաքին միջամտություններից խուսափելու ցանկությունը։

Քենթն այս հայտարարությունն արել է` արձագանքելով ԱՄՆ նախագահ Դոնալդ Թրամփի՝ ՆԱՏՕ-ի հասցեին հնչեցրած քննադատությանը։ Նրա խոսքով՝ եթե Թուրքիան և Իսրայելը Սիրիայում ռազմական առճակատման մեջ մտնեն, Վաշինգտոնն Իսրայելին աջակցելու համար կարող է նույնիսկ դուրս գալ ՆԱՏՕ-ից:

Նախկին պաշտոնյան նաև քննադատել է ԱՄՆ-ի Մերձավոր Արևելքի քաղաքականությունը՝ այն անվանելով անհետևողական և ոչ կայուն։ Նրա գնահատմամբ՝ ԱՄՆ-ն հաճախ միաժամանակ հանդես է գալիս որպես ճգնաժամեր ստեղծող և դրանք լուծող կողմ, ինչը վնասում է ինչպես երկրի միջազգային հեղինակությանը, այնպես էլ տարածաշրջանային կայունությանը։

Քենթը կոչ է արել վերանայել Մերձավոր Արևելքում վարած ռազմավարությունը՝ նշելով, որ ներկայիս մոտեցումը հանգեցնում է մարդկային կորուստների և ռազմավարական սխալների։ Վերլուծաբանների կարծիքով՝ այս հայտարարությունները կարող են նոր քննարկումներ առաջացնել ԱՄՆ-ի դաշնակցային պարտավորությունների և տարածաշրջանային քաղաքականության վերաբերյալ։

Ermenihaber

Ռուսաստանն Ուկրաինային է փոխանցել զոհված զինվորականների 1000 մարմին և ստացել 41 զոհվածի մարմին։ Այս մասին հայտնում է ՌԻԱ Նովոստին՝ վկայակոչելով իրազեկ աղբյուրին։

«Կարող եմ հաստատել, որ ամեն ինչ այդպես է»,- ասել է գործակալության զրուցակիցը՝ ի պատասխան խնդրանքի՝ հաստատել Ուկրաինային զոհված զինվորականների 1000 մարմինների փոխանակումը զոհված ռուսաստանցիների 41 մարմինների հետ, որը տեղի է ունեցել այսօր:

Զոհվածների մարմինների նախորդ փոխանակումը տեղի էր ունեցել փետրվարի 26-ին. 1000 մարմին հանձնվել էր Ուկրաինային, 35-ը՝ Ռուսաստանին:

ՌԴ ԱԳ նախարար Սերգեյ Լավրովը հեռախոսազրույց է ունեցել Իրանի ԱԳ նախարար Արաղչիի հետ։

Ռուսաստանի արտաքին գործերի նախարարությունը հայտարարել է, որ Արաղչիի հետ հեռախոսազրույցում Լավրովը հույս է հայտնել բանակցային գործընթացի հաջողության վերաբերյալ։

Լավրովը ողջունել է ԱՄՆ-ի և Իրանի միջև ռազմական գործողությունների երկշաբաթյա դադարեցման վերաբերյալ համաձայնագիրը։

Արաղչին շնորհակալություն է հայտնել Մոսկվային ՄԱԿ-ի Անվտանգության խորհրդում Պարսից ծոցի իրավիճակի քննարկման ժամանակ զբաղեցրած սկզբունքային դիրքորոշման համար։

Մոսկվան վստահ է, որ Իրանի շուրջ հակամարտության մեջ հրադադարի մասին համաձայնագիրը վերաբերում է նաև Լիբանանին։