Author: Julbaz

«Ռուսաստանի հետ հարաբերությունների խզման դեպքում «Հայաստանը կդադարի գոյություն ունենալուց, ես դեռ չեմ խոսում ռազմական բաղադրիչի մասին, եթե Գյումրիի ռազմաբազան դուրս բերվի»,- այս մասին «Նյուզ»-ի հետ զրույցում հայտարարել է ՀՀ նախկին վարչապետ Հրանտ Բագրատյանը։

Նա պարզաբանել է, որ Ռուսաստանի հետ հարաբերությունների խզման դեպքում Հայաստանի ՀՆԱ-ն կնվազի առնվազն 24%-ով, իսկ կենսամակարդակը կնվազի 36%-ով, և մենք Եվրոպայից որևէ փոխհատուցում չենք ստանա։

Բագրատյանի գնահատմաբ՝ հայ բնակչությունը թանկ կվճարի Ռուսաստանի վրա Փաշինյանի «թքելու» համար։ «Դա գիտակցված արկածախնդրություն է»,- հավելել է Բագրատյանը։

Իրանագետ Վարդան Ոսկանյանի թելեգրամյան գրառումը․

«Իրանի ԱԳ նախարար Արաղչին «X» սոցիալական ցանցում գրառմամբ հայտարարել է, որ Հորմուզի նեղուցը բացվում է բոլոր առևտրական նավերի համար, սակայն դրանք պետք է նավարկեն բացառապես իրանական Նավահանգիստների և Նավագնացության կազմակերպության նախանշած ուղով։

Իրանն այս քայլին է գնացել միայն այն բանից հետո, երբ հրադադար է հաստատվել Լիբանանում, և նեղուցով նավարկության շարունակականությունը ուղղակիորեն կապել է այդ հրադադարի հետ։

Իրականում այս քայլով պաշտոնական Թեհրանը հստակորեն ցույց է տալիս, որ նախ՝ ամբողջությամբ կառավարում է Հորմուզի նեղուցը, երկրորդը՝ իր դաշնակից լիբանանյան «Հիզբալլահի» շահերի պաշտպանությունը համարում է «կարմիր գիծ», և չի պատրաստվում նրան թողնել միայնակ, և ի վերջո՝ հստակորեն կատարում է իր պարտավորությունները ԱՄՆ-ի հետ հրադադարի համատեքստում, և նեղուցը բացում է, ըստ նախօրոք պայմանավորվածության՝ միայն բոլոր ճակատներում հրադադարի հաստատման դեպքում։

Միևնույն ժամանակ Հորմուզի նեղուցը փակ է մնում բոլոր ոչ իրանական ռազմանավերի համար»։