Author: Julbaz

ԱՄՆ նախագահ Դոնալդ Թրամփը հայտարարել է, որ Իրանում ռազմական գործողությունները և դրան հաջորդող Հորմուզի նեղուցի շրջափակումը հարված կհասցնեն համաշխարհային տնտեսությանը, բայց այն հետագայում լիովին կվերականգնվի։ 

«Հարված կհասցվի։ Մենք արդեն վեց շաբաթ է՝ անցնում ենք այս ամենի միջով։ Հարված (տնտեսությանը) կլինի, բայց այն, կարծում եմ, լիովին կվերականգնվի», – ասել է նա Fox Business հեռուստաալիքին տված հարցազրույցում։ Թրամփը նաև համոզված է, որ նավթի ու գազի գները կնվազեն մինչև նոյեմբերին կայանալիք ԱՄՆ միջանկյալ ընտրությունները: «Ես կարծում եմ՝ մինչև միջանկյալ ընտրությունները դրանք կլինեն այնքան, որքան մինչև այս, գուցե՝ ավելի ցածր», – նշել է Միացյալ Նահանգների նախագահը։

Չեմպիոնների լիգայի քառորդ եզրափակչի պատասխան հանդիպումում ՊՍԺ-ն արտագնա խաղում առավելության հասավ անգլիական «Լիվերպուլի» նկատմամբ: «Էնֆիլդում» կայացած դիմակայությունն ավարտվեց փարիզյան ակումբի՝ 2:0 հաշվով հաղթանակով:

Այս փուլում Լուիս Էնրիկեի գլխավորած թիմը կմրցի Մադրիդի «Ռեալ» – Մյունխենի «Բավարիա» զույգի հաղթողի հետ: Հիշեցնենք, որ այդ թիմերի միջև կայացած առաջին հանդիպումն ավարտվել է գերմանական ակումբի հաղթանակով՝ 2:1 հաշվով:

Քրեական ոստիկանության Կոտայքի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում հայտնաբերել են սպանության համար մեղադրվող Մրգաշեն գյուղի բնակիչ 20-ամյա երիտասարդին և նրա 17-ամյա եղբորը։ Նրանք ձերբակալվել և ներկայացվել են վարույթն իրականացնող մարմին։ Կատարվում է նախաքննություն։

ԿԳՄՍ նախարար Ժաննա Անդրեասյանը ֆեյսբուքյան իր էջում անդրադարձել է երեկ Մարզահամերգային համալիրում տեղի ունեցած աշխարհահռչակ դաշնակահար Լանգ Լանգի համերգին։

Նախարարը նշել է, որ դասական երաժշտության համերգը կարող է հազարավոր հանդիսատես հավաքել եւ ընդգծել է նման միջոցառման բարձր հետաքրքրությունը հանրության շրջանում։

«Այո, դասական երաժշտության համերգը կարող է 7000 հանդիսատես հավաքել մարզահամերգային համալիրի մեծ դահլիճում»,- գրել է նա։

Նախարարը նաեւ շնորհակալություն է հայտնել Հայաստանի պետական սիմֆոնիկ նվագախմբին՝ նշելով, որ պետական աջակցությամբ գործող նվագախումբը իր 20-ամյակին նվիրված գլխավոր համերգում հանդես է եկել Լանգ Լանգի հետ։

Համերգը կայացել է ՄՀՀ-ում՝ մեծ հետաքրքրություն առաջացնելով դասական երաժշտության սիրահարների շրջանում։