Author: Julbaz

Դոնալդ Թրամփի վարչակազմը պատերազմի դադարեցման վերաբերյալ Իրանի թարմացված առաջարկը անբավարար է համարել և զգուշացրել, որ Թեհրանի լուրջ զիջումների բացակայությունը կարող է հանգեցնել ռազմական գործողությունների վերսկսմանը։

Ինչպես գրում է Axios-ը՝ հղում անելով ամերիկյան բարձրաստիճան պաշտոնյայի, իրանական կողմը համաձայնագրի նոր տարբերակը փոխանցել է պակիստանցի միջնորդների միջոցով կիրակի երեկոյան։ Սակայն Սպիտակ տանը փաստաթուղթը նախորդ առաջարկի միայն չնչին չափով բարելավված տարբերակ են համարել։

Ըստ աղբյուրների՝ Թեհրանն ավելի շատ ձևակերպումներ է ավելացրել միջուկային զենք չստեղծելու իր պատրաստակամության մասին, սակայն միևնույն ժամանակ չի առաջարկել որևէ կոնկրետ պարտավորություն ուրանի հարստացումը դադարեցնելու կամ բարձր հարստացված նյութի արդեն կուտակված պաշարները հանձնելու վերաբերյալ։

Վաշինգտոնում ընդգծում են, որ պատժամիջոցների մեղմացում չի տրամադրվի առանց Իրանի իրական փոխադարձ քայլերի։ Չնայած նավթային պատժամիջոցների հնարավոր մեղմացումների մասին իրանական պետական լրատվամիջոցների հաղորդումներին, ամերիկյան կողմը պնդում է՝ «ձրի» ոչ մի զիջում չի լինելու։

Ակնկալվում է, որ նախագահ Թրամփը երեքշաբթի Սպիտակ տան Իրավիճակային սենյակում խորհրդակցություն կանցկացնի իր ազգային անվտանգության թիմի հիմնական անդամների հետ, որտեղ կքննարկվեն հնարավոր ռազմական սցենարները։ Ամերիկացի պաշտոնյաները հայտարարում են, որ նախագահը դեռ շահագրգռված է գործարքի կնքմամբ, սակայն եթե Իրանը չփոխի իր դիրքորոշումը, բանակցությունները կարող են շարունակվել արդեն «ռումբերի միջոցով»։

«Ժամացույցը տկտկում է»,- ավելի վաղ զգուշացրել էր Թրամփը՝ հավելելով, որ Թեհրանի հետագա կոշտության դեպքում վերջինս կբախվի շատ ավելի լուրջ հարվածների։

Սպիտակ տան գնահատմամբ՝ նոր փոխադարձ առաջարկի բուն փաստը վկայում է, որ իրանական ղեկավարությունը վախենում է հետագա էսկալացիայից և ամերիկյան ռազմական արշավի պոտենցիալ ընդլայնումից։

«Ուժեղ Հայաստանին պետք են առողջ և ամուր քաղաքացիներ, ուստի մենք պետք է ընդմիշտ փակենք ամոթի էջը, որպեսզի պետության գլուխ կանգնեն լուրջ մարդիկ, որոնց համար ստիպված չենք լինի ամաչել»։ Մայիսի 18-ին Երևանի Էրեբունի վարչական շրջանում ընտրողների հետ հանդիպման ժամանակ այդ մասին հայտարարել է «Ուժեղ Հայաստան» կուսակցությունների դաշինքի պատգամավորության թեկնածուների համամասնական ցուցակը գլխավորող Նարեկ Կարապետյանը։

Քաղաքական գործիչը մայրաքաղաքի բնակիչներին հաղորդակից է դրաձրել ակտիվ շփումներից ստացած տպավորությունները՝ նշելով, որ այսօր Երևանի վարչական շրջաններում կատարած շրջայցերի ընթացքում դաշինքի թիմն ամենուր զգացել է հզոր դրական էներգիա և փոփոխությունների հասնելու քաղաքացիների մեծ ձգտում։ Կարապետյանն ընդգծել է, որ հայրենակիցների այս հույսերը իր թիմի վրա հսկայական պատասխանատվություն են դնում երկրի ապագայի համար։ Նրա համոզմամբ՝ հասարակությունն այլևս չի կարող և չպետք է հանդուրժի դիլետանտությունն իշխանության մեջ, քանի որ ներկայիս ղեկավարությունը ժողովրդին որևէ լավ բան սովորեցնելու ընդունակ չէ։

Նարեկ Կարապետյանը հատուկ շեշտադրում է արել պետության ճակատագրում յուրաքանչյուր քաղաքացիական անձնական մասնակցության կարևորության վրա։ Նա երևանցիներին կոչ է արել խնայել առողջությունը, պահպանել ոգու արիությունը և ակտիվ բացատրական աշխատանք տանել իրենց բակերում՝ շփվելով ընկերների, հարևանների և հարազատների հետ։ Քաղաքական գործիչն ընդգծել է, որ իշխանափոխության վերջնական որոշումը կախված է բացառապես հենց մարդկանց կամքից, ովքեր պատրաստ են համախմբվել հանուն ընդհանուր նպատակի։

Հանդիպման վերջում Կարապետյանը խորին շնորհակալություն է հայտնել Էրեբունու բնակիչներին ջերմ ընդունելության և վճռական տրամադրվածության համար։ Նա նշել է, որ երևանցիների կամքը և այսօր ամբիոններից հնչող յուրաքանչյուր խոսք վերածվում են միասնական, կործանարար ուժի, որն ընդունակ է փոխել պատմության ընթացքը։ «Փոփոխություններն արդեն շատ մոտ են, և մենք միասին կառուցելու ենք իսկապես ուժեղ, առողջ և բարեկեցիկ հայրենիք»,- եզրափակել է դաշինքի համամասնական ցուցակի առաջնորդը։

Գրենլանդիայի վերաբերյալ ԱՄՆ դիրքորոշումը չի փոխվել կղզու հարցերով Դոնալդ Թրամփի հատուկ ներկայացուցիչ Ջեֆ Լենդրիի հետ հանդիպումից հետո, հայտնել է Գրենլանդիայի վարչապետ Իենս-Ֆրեդերիկ Նիլսենը։

Ինչպես հայտնել է Նիլսենը Կոպենհագենում անցկացված Ժողովրդավարության գագաթնաժողովի շրջանակում, բանակցությունները եղել են «կառուցողական», սակայն դրանք ցույց են տվել, որ «որևէ նշան չկա, թե ինչ-որ բան է փոխվել» տարածքի նկատմամբ վերահսկողության վերաբերյալ ամերիկյան ծրագրերում, հայտնում է Ֆրանսպրես գործակալությունը:

«Մենք հստակ հայտարարել ենք, որ Գրենլանդիայի ժողովուրդը վաճառքի ենթակա չէ, և որ գրենլանդացիներն ինքնորոշման իրավունք ունեն։ Դա բանակցությունների առարկա չէ»,- ընդգծել է վարչապետը։

Գրենլանդիայի արտգործնախարար Մուտե Բ․ Էգեդեն ևս հանդիպումից հետո լրագրողներին հայտարարել է, որ ԱՄՆ-ը չի հրաժարվել տարածքի նկատմամբ իր մտադրություններից։ «Մենք ունենք կարմիր գիծ։ Ամերիկացիների մեկնարկային դիրքորոշումը նույնպես չի փոխվել»,- նշել է նա։

Նիլսենը հայտնել է, որ ԱՄՆ-ի հետ երկխոսությունը կշարունակվի, սակայն ցանկացած ավելի սերտ համագործակցություն հնարավոր է միայն այն պայմանով, որ Վաշինգտոնը հարգի Գրենլանդիայի ինքնիշխանությունն ու նրա «կարմիր գծերը»։

Գրենլանդիայի վերաբերյալ ԱՄՆ դիրքորոշումը չի փոխվել կղզու հարցերով Դոնալդ Թրամփի հատուկ ներկայացուցիչ Ջեֆ Լենդրիի հետ հանդիպումից հետո, հայտնել է Գրենլանդիայի վարչապետ Իենս-Ֆրեդերիկ Նիլսենը։

Ինչպես հայտնել է Նիլսենը Կոպենհագենում անցկացված Ժողովրդավարության գագաթնաժողովի շրջանակում, բանակցությունները եղել են «կառուցողական», սակայն դրանք ցույց են տվել, որ «որևէ նշան չկա, թե ինչ-որ բան է փոխվել» տարածքի նկատմամբ վերահսկողության վերաբերյալ ամերիկյան ծրագրերում, հայտնում է Ֆրանսպրես գործակալությունը:

«Մենք հստակ հայտարարել ենք, որ Գրենլանդիայի ժողովուրդը վաճառքի ենթակա չէ, և որ գրենլանդացիներն ինքնորոշման իրավունք ունեն։ Դա բանակցությունների առարկա չէ»,- ընդգծել է վարչապետը։

Գրենլանդիայի արտգործնախարար Մուտե Բ․ Էգեդեն ևս հանդիպումից հետո լրագրողներին հայտարարել է, որ ԱՄՆ-ը չի հրաժարվել տարածքի նկատմամբ իր մտադրություններից։ «Մենք ունենք կարմիր գիծ։ Ամերիկացիների մեկնարկային դիրքորոշումը նույնպես չի փոխվել»,- նշել է նա։

Նիլսենը հայտնել է, որ ԱՄՆ-ի հետ երկխոսությունը կշարունակվի, սակայն ցանկացած ավելի սերտ համագործակցություն հնարավոր է միայն այն պայմանով, որ Վաշինգտոնը հարգի Գրենլանդիայի ինքնիշխանությունն ու նրա «կարմիր գծերը»։