Author: Julbaz

Վրաստանի Բաթում քաղաքում ընթացող ծանրամարտի Եվրոպայի առաջնության մրցումային վերջին օրը մրցահարթակ դուրս եկան կանանց գերծանր քաշային մարզիկները:

Հայաստանի հավաքականի անդամ Տաթև Հակոբյանը պոկում վարժությունում բարձրացրեց 102 կգ ու 106 կգ: Հրումում նա գլխավերևում պահեց 125 կգ: Երկամարտի 231 կգ արդյունքով` Տաթև Հակոբյանը Եվրոպայի առաջնությունում զբաղեցրեց 12-րդ հորիզոնականը:

Տաթև Հակոբյանը վերջին մոտեցման ժամանակ հանեց մարզակոշիկները` թողնելով այն մրցահարթակին` այդ կերպ ազդարարելով պրոֆեսիոնալ կարիերայի ավարտի մասին:

Մալիի պաշտպանության նախարար Սադիո Կամարան և նրա ընտանիքի մի քանի անդամներ սպանվել են ապրիլի 25-ին մի քանի քաղաքների, այդ թվում՝ մայրաքաղաք Բամակոյի վրա իրականացված զինյալ հարձակումների արդյունքում, կիրակի օրը հաղորդել է Le Figaro-ն՝ հղում անելով տեղեկացված աղբյուրին։

Նախորդ օրը Մալիի բանակը հայտնել էր, որ Բամակոյում և երկրի ներսում գտնվող մի քանի քաղաքներում մարտեր են սկսվել ազգային զինված ուժերի անդամների և Սահել շրջանի ամենամեծ կազմակերպության՝ «Ալ-Քաիդայի» հետ կապված JNIM-ի (Ջամաաթ Նուսրաթ ալ-Իսլամ վալ-Մուսլիմին) զինյալների միջև։

Թերթի տվյալներով՝ JNIM-ը ստանձնել է տուարեգ ապստամբների հետ համակարգված մի շարք հարձակումների պատասխանատվությունը Մալիում ռազմական հեղաշրջման միջոցով իշխանության եկած իշխող կառավարության դեմ։

JNIM-ի հայտարարության մեջ նշվում են, ի թիվս այլ թիրախների, Մալիի նախագահի նստավայրի, Պաշտպանության նախարարության գլխավոր գրասենյակի և Բամակոյի միջազգային օդանավակայանի վրա հարձակումները։

Ըստ Le Figaro-ի՝ այս հարձակումները վերջին տարիներին JNIM-ի և տուարեգ անջատողական խմբավորման՝ Ազավադի ազատագրման ճակատի (FLA) կողմից Մալիի զինվորականների դեմ իրականացված ամենալուրջ հարձակումներն են։

Ինչպես նշում է ֆրանսիական թերթը, JNIM-ը ընդլայնում է իր ազդեցությունը Սահելում։ ՄԱԿ-ի տվյալներով՝ այն ներկայում ամենաազդեցիկ ջիհադիստական ​​խմբավորումն է և Սահելում ամենակարևոր սպառնալիքը։ Դրա մարտիկների թիվը գնահատելը դժվար է։

Լրատվամիջոցների հաղորդագրությունների համաձայն՝ Ռուսաստանի կողմից աջակցվող «Աֆրիկա կորպուսը» (նախկինում՝ «Վագներ» ՊՄԿ) համաձայնության է եկել ապստամբների հետ անվտանգ նահանջի վերաբերյալ և լքում է քաղաքը, մինչդեռ լքված մալիական զորքերը զանգվածաբար հանձնվում են։

WP-ի տվյալներով՝ ուժեղ կրակոցներ և պայթյուններ են տեղի ունեցել նաև Կաթի քաղաքում, որտեղ գտնվում է երկրի գլխավոր ռազմական բազան։ Բախումներ են տեղի ունեցել նաև Գաոյի նախկին ՄԱԿ-ի բազայում։