Oragir.News-ի «Օրակարգ» հաղորդաշարի հյուրը «Հայաստան» դաշինքի անդամ Արա Վարդանյանն է։
Հաղորդաշարի շրջանակներում Արա Վարդանյանի հետ զրուցել ենք Ադրբեջանի փոխվարչապետ Շահին Մուսթաֆաևի՝ Հայաստան կատարած այցի, դրա հնարավոր օրակարգի, Թուրքիայի և Ադրբեջանի հետ հարաբերությունների կարգավորման գործընթացներում առաջընթացի բացակայության պատճառների, սպասվող խորհրդարանական ընտրությունների, իշխանափոխության հավանականության, դրանում «Հայաստան» դաշինքի դերակատարության, ընդդիմադիր այլ դերակատարների կողմից թիրախավորվելու պատճառների, հետընտրական հնարավոր զարգացումների, հայ-ռուսական հարաբերություններում առկա լարվածության պատճառների, ինչպես նաև օրակարգային մի շարք այլ հարցերի վերաբերյալ։
Արա Վարդանյանը շեշտում է՝ Նիկոլ Փաշինյանը խոստացել է, որ սեպտեմբերին տարածքներ է տալու։
«Տեսեք, թեթև վերլուծության դեպքում պետք է նաև հասկանալ, որ Նիկոլը փաստացի ասում է, որ սեպտեմբերին սպասվում է տարածքային զիջում: Այսինքն՝ եթե թարգմանենք «նիկոլերենից» հայերեն, ապա ինքն ասում է, որ «ես խոստացել եմ, որ սեպտեմբերին տալու եմ տարածք և եթե ես պարտվեմ, ու հաղթողը չտա այդ տարածքը՝ Ադրբեջանը կսկսի պատերազմ»։ Ես էլ՝ որպես ընդդիմադիր գործիչ՝ ասում եմ՝ գլուխը պատին կտա Ալիևը, եթե Հայաստանում լինի իշխանափոխություն, որ ինքը կհարձակվի Հայաստանի վրա: Դա բացառված է: Ալիևը հարձակվում է միայն այն ժամանակ, երբ որ վստահ է, որ դիմացի կողմը չի պաշտպանվելու կամ նախահարձակ չի լինելու»,- ասաց նա՝ համոզմունք հայտնելով, որ Ալիևն այն վիճակում չէ, որ հարձակվի:
«Հայաստան» դաշինքի անդամը վստահ է՝ Ռոբերտ Քոչարյանի առաջ Իլհամ Ալիևը գլուխը կախելու է։
Մանրամասները՝ հարցազրույցում․
