Author: Julbaz

Թուրքիայի արտգործնախարար Հաքան Ֆիդանը հարցազրույց է տվել պետական «Anadolu» լրատվական գործակալությանը։

Ի թիվս այլ հարցերի՝ նա անդրադարձել է Թուրքիա-Իսրայել հարաբերություններին։ Ֆիդանը նշել է, որ Իսրայելի քաղաքականության մեջ հակաթուրքական հռետորաբանությունը դառնում է ավելի տարածված։

Ֆիդանը մասնավորապես նշել է. «Իսրայելն առանց թշնամու չի ապրում ու Իրանից հետո նոր թշնամի է փնտրում»։

Թուրքիայի արտգործնախարարը նաև նշել է, որ Նեթանյահուի վարչակազմից բացի, ընդդիմության որոշ գործիչներ նույնպես փորձում են Թուրքիային դիտարկել որպես նոր թշնամի։ Ֆիդանը հայտնել է, որ նման մոտեցումն Իսրայելում սկսկում է վերածվել պետական ռազմավարության։

Նշենք, որ Թուրքիայի ու Իսրայելի հարաբերություններն սրվել են 2023-ի հոկտեմբերի 7-ից հետո, երբ սկսվել է Իսրայել-Պաղեստին հակամարտությունը։

Աղբյուր՝ Ermenihaber

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ։

Այդ մասին հայտնում է Թուրքիայի նախագահականի հանրային կապերի վարչությունը։ Կողմերը քննարկել են թուրք-ֆրանսիական հարաբերությունները, իրավիճակը Գազայում, Լիբանանում, Իրանում և Հորմուզի նեղուցում։

Նախագահները նաև քննարկել են Կովկասում խաղաղության գործընթացին աջակցությունը, ինչպես նաև Ուկրաինայի ու Ռուսաստանի միջև մնայուն խաղաղության որոնումը և բանակցությունների վերսկսումը։

Աղբյուր՝ Ermenihaber