Category: ABCNews

Ադրբեջանի մաքսային կոմիտեն հայտնել է, որ Հայաստանից ներմուծվել են 960 դոլարի վարդեր․ գրում են ադրբեջանական լրատվամիջոցները։

Այս տարվա մարտին Նիդեռլանդներից ներմուծվել են 960 դոլարի վարդեր։

Հաղորդվում է, որ «Արտաքին առևտրի մաքսային վիճակագրության հրապարակման կանոնների» 3.3 կետի համաձայն՝ գործընկեր երկիրն է համարվում ներմուծվող ապրանքների ծագման երկիր։

Հետևաբար, այս վարդերը արտաքին առևտրի մաքսային վիճակագրության մեջ արտացոլվել են որպես Հայաստանից ներմուծված։

ՄԻԵԴ-ն Ադրբեջանին պարտավորեցրել է մինչև օգոստոսի 31-ը տրամադրել գերիների դատավճիռները, հայտնում են «Միջազգային և համեմատական իրավունքի կենտրոն» ՀԿ-ից։

«Ադրբեջանը շարունակաբար դիմում է ներկայացնում Մարդու իրավունքների եվրոպական դատարան՝ խնդրելով վերացնել միջանկյալ միջոցը, որով Ադրբեջանը պարտավորվում է պարբերաբար հաշվետվություն ներկայացնել Ադրբեջանում պահվող հայ գերիների պահման պայմանների, նրանց առողջական վիճակի մասին։ Ադրբեջանը հավաստիացնում է, որ բոլոր գործընթացներն ընթանում են թափանցիկ և հրապարակային։

ՄԻԵԴ-ը 2026 թ․ ապրիլի 9-ին մերժել է Ադրբեջանի հերթական դիմումը՝ Ադրբեջանի կառավարությանը կրկին պարտավորեցնելով շարունակել տրամադրել տեղեկություններ կալանավորվածների պահման պայմանների, ինչպես նաև նրանց վերջին բժշկական քարտերի ու իրականացված բժշկական հետազոտությունների և բուժման վերաբերյալ այլ փաստաթղթերի մասին: ՄԻԵԴ-ը պարտավորեցրել է նաև ներկայացնել հայ գերիների դեմ հարուցված քրեական վարույթի շրջանակներում կայացված դատավճիռների պատճենները կամ այդ դատավճիռների ամփոփագրերը, որոնք պետք է ներառեն դատավճիռ կայացրած դատավորների հիմնավորումները՝ գործում առկա ապացույցների վրա հիմնված։

Զեկույցի ներկայացման հաջորդ վերջնաժամկետը 2026 թ․ օգոստոսի 31-ն է»,- ասվում է հաղորդագրությունում։

Ռուս գործարարները հետաքրքրված են «Ադրբեջանի ազատագրված տարածքներում» շինարարական աշխատանքներին մասնակցելու հարցում․ ադրբեջանական ԶԼՄ-ների հաղորդմամբ՝ Ռուսաստանի փոխվարչապետ Ալեքսեյ Օվերչուկն այս մասին հայտարարել է ադրբեջանա-ռուսական միջկառավարական հանձնաժողովի 24-րդ նիստում։

«Մենք խրախուսում ենք ռուսական բիզնեսին ակտիվորեն մասնակցել այստեղ իրականացվող շինարարական նախագծերին», – նշել է նա։

Ռուսաստանի Դաշնության փոխվարչապետն աշխատանքային այցով ժամանել է Ադրբեջան՝ մասնակցելու Տնտեսական համագործակցության միջկառավարական հանձնաժողովի նիստին, որը տեղի է ունենում ապրիլի 16-ին։

 

ԱՄՆ-ն, պահպանելով Իրանի ծովային շրջափակումը, կարող է հարվածել նրա էներգետիկ օբյեկտներին, եթե Թեհրանը սխալ որոշում կայացնի. հայտարարել է Պենտագոնի ղեկավար Փիթ Հեգսեթը։

«Իսկ մինչ այդ մենք կպահպանենք այս շրջափակումը՝ հաջող շրջափակումը, այնքան ժամանակ, որքան անհրաժեշտ է»,- ասել է նա։

Նա նաև նշել է, որ ԱՄՆ-ն շրջափակում է իրանական նավահանգիստները, այլ ոչ թե Հորմուզի նեղուցը, և մտադիր է բաց ծովում կանգնեցնել իրանական նավերը, այդ թվում՝ տանկերները։

 

Հայաստանը միակ պետությունն է, որի հետ Եվրամիությունն այս պահին ակտիվ երկխոսություն է վարում վիզաների ազատականացման թեմայով. ԱԺ-ում հայտարարել է ՆԳ նախարար Արփինե Սարգսյանը։

«Հայաստանը ռեկորդային ժամանակահատվածում երկխոսությունից հետո ստացել է գործողությունների ծրագիրը։ Այս ծրագիրը նաև վերաբերում է այն ոլորտներին, որոնք հենց Կառավարության բարեփոխումների օրակարգում են։ Խոսքը միգրացիոն, ապաստանի հարցերի, հանրային անվտանգության, մարդու իրավունքների, սահմանների համալիր կառավարման ոլորտների, կազմակերպված հանցավորության դեմ պայքարի մասին է և այսպես շարունակ»,- նշել է նախարարը։

Հարցին՝ չկա՞ մտավախություն, որ վիզաների ազատականացման դեպքում դեպի ԵՄ արտագաղթ կլինի, Արփինե Սարգսյանը պատասխանել է․ «Նմանատիպ մտավախություն Հայաստանը չունի, որովհետև Հայաստանում հաստատված խաղաղության, ինչպես նաև ոլորտային բարեփոխումների արդյունքում է, որ արտագաղթը վերածվել է ներգաղթի, և այս պայմանների խնամքով պահպանման պայմաններում ներգաղթի միտումները, վստահաբար, գնալով ավելի կշատանան»։

 

Ապրիլի 16-ին նշվում է հայ կինոյի օրը։

Փաստեր՝ հայ կինոյի մասին

• Հայկական կինոարվեստը սկզբնավորվել է ռուս և եվրոպացի կինոօպերատորների նկարահանած փաստավավերագրական ֆիլմերով։ Հայկական կինեմատոգրաֆի առաջին կադրերն ստեղծել է Ալեքսանդր Դիգմելյովը 1911 թվականին Սբ Էջմիածնում՝ նկարահանելով Ամենայն հայոց կաթողիկոս Մատթեոս Բ Կոստանդնուպոլսեցու թաղման արարողությունը։
• Հայաստանում կինոթատրոնները բացվել են 1924 թվականից՝ Երևանում, Ղարաքիլիսայում (այժմյան Վանաձորը), Նոր Բայազետում (այժմյան Գավառը), Ստեփանավանում։
• 1935 թվականին նկարահանվել է հայկական առաջին հնչուն ֆիլմը՝ «Պեպոն», որի ռեժիսորը Համո Բեկնազարյանն է։
• Հետպատերազմյան առաջին տարիներին հայկական կինոյում առաջընթաց չի նկատվել։
• Իսկ 1960-ականներին կինոն նոր արտահայտչամիջոցներով է արտացոլել ազգային խառնվածքի և ինքնագիտակցության ժամանակակից մակարդակը։ Նկարահանվել են «Նվագախմբի տղաները», «Տժվժիկ» և այլ ֆիլմեր։ Կինոյում շարունակել են նկարահանվել թատրոնի հայտնի դերասաններ Հրաչյա Ներսիսյանը, Ավետ Ավետիսյանը, Վաղարշ Վաղարշյանը, Գուրգեն Ջանիբեկյանը, Դավիթ Մալյանը, ուրիշներ։
• Հայկական կինոյի նոր փուլը սկզբնավորվել է Ֆրունզե Դովլաթյանի «Բարև, ես եմ» ֆիլմով, որտեղ ռեժիսորը հետևել է համաշխարհային առաջադեմ կինոարվեստի ոճաբանական ուղղություններին։ Այնուհետև էկրան են բարձրացել «Եռանկյունի» (1967), «Մենք ենք, մեր սարերը» (1969, երկուսն էլ՝ ռեժ.՝ Հենրիկ Մալյան), «Սարոյան եղբայրներ» (1968, ռեժիսորներ՝ Խորեն Աբրահամյան, Արկադի Հայրապետյան), «Նռան գույնը» (1969, ռեժ.՝ Սերգեյ Փարաջանով) կինոնկարները, որոնք արժանացել են միութենական և միջազգային կինոփառատոների մրցանակների և ներկայացնում են հայկական կինոյի «նոր ալիքը»։
• Խորհրդային կարգերի փլուզումից հետո կինոն հայտնվել է նոր որոնումների բեկումնային փուլում։
• Անկախության առաջին տասնամյակում ՀՀ-ում նկարահանվել է 30-ից ավելի լիամետրաժ ու կարճամետրաժ գեղարվեստական ֆիլմ։ Հիմնվել են մի շարք անկախ կինոստուդիաներ, որոնց մի մասը տնտեսական անբարենպաստ պայմանների պատճառով փակվել է։ Հայկական կինոյի ավանդական հիմքի վրա ստեղծվել են Դավիթ Սաֆարյանի «Կորսված դրախտ» (1991), Սերգեյ Իսրայելյանի «Պատանդներ» (1991), Առնոլդ Աղաբաբյանի «Որտե՞ղ էիր, մարդ Աստծո» (1992), Արման Մանարյանի «Ընկեր Փանջունի» (1992), Դմիտրի Կեսայանցի «Անիծվածները» (1991) և «Աղետ» (1993), Ալեքսանդր Քաջվորյանի «Հին աստվածներ» (1993), Ալբերտ Մկրտչյանի «Ուրախ ավտոբուս» (2000) և այլ ֆիլմեր։
• Անկախության 2-րդ տասնամյակում ՀՀ-ում նկարահանվել է մոտ 60 լիամետրաժ և կարճամետրաժ գեղարվեստական ֆիլմ։
• Վերջին շրջանում նկարահանվել են «Սպանված աղավնի» (ըստ Նար-Դոսի, 2008), «Խաչագողի հիշատակարանը» (ըստ Րաֆֆու, 2010, երկուսն էլ՝ ռեժ.՝ Հրաչ Քեշիշյան) և այլ գեղարվեստական կինոնկարներ, նաև մի շարք հեռուստասերիալներ։
• 2004 թվականից անցկացվում է «Ոսկե ծիրան» ամենամյա կինոփառատոնը։

Ապրիլի 16-ին նշվում է հայ կինոյի օրը։

Փաստեր՝ հայ կինոյի մասին

• Հայկական կինոարվեստը սկզբնավորվել է ռուս և եվրոպացի կինոօպերատորների նկարահանած փաստավավերագրական ֆիլմերով։ Հայկական կինեմատոգրաֆի առաջին կադրերն ստեղծել է Ալեքսանդր Դիգմելյովը 1911 թվականին Սբ Էջմիածնում՝ նկարահանելով Ամենայն հայոց կաթողիկոս Մատթեոս Բ Կոստանդնուպոլսեցու թաղման արարողությունը։
• Հայաստանում կինոթատրոնները բացվել են 1924 թվականից՝ Երևանում, Ղարաքիլիսայում (այժմյան Վանաձորը), Նոր Բայազետում (այժմյան Գավառը), Ստեփանավանում։
• 1935 թվականին նկարահանվել է հայկական առաջին հնչուն ֆիլմը՝ «Պեպոն», որի ռեժիսորը Համո Բեկնազարյանն է։
• Հետպատերազմյան առաջին տարիներին հայկական կինոյում առաջընթաց չի նկատվել։
• Իսկ 1960-ականներին կինոն նոր արտահայտչամիջոցներով է արտացոլել ազգային խառնվածքի և ինքնագիտակցության ժամանակակից մակարդակը։ Նկարահանվել են «Նվագախմբի տղաները», «Տժվժիկ» և այլ ֆիլմեր։ Կինոյում շարունակել են նկարահանվել թատրոնի հայտնի դերասաններ Հրաչյա Ներսիսյանը, Ավետ Ավետիսյանը, Վաղարշ Վաղարշյանը, Գուրգեն Ջանիբեկյանը, Դավիթ Մալյանը, ուրիշներ։
• Հայկական կինոյի նոր փուլը սկզբնավորվել է Ֆրունզե Դովլաթյանի «Բարև, ես եմ» ֆիլմով, որտեղ ռեժիսորը հետևել է համաշխարհային առաջադեմ կինոարվեստի ոճաբանական ուղղություններին։ Այնուհետև էկրան են բարձրացել «Եռանկյունի» (1967), «Մենք ենք, մեր սարերը» (1969, երկուսն էլ՝ ռեժ.՝ Հենրիկ Մալյան), «Սարոյան եղբայրներ» (1968, ռեժիսորներ՝ Խորեն Աբրահամյան, Արկադի Հայրապետյան), «Նռան գույնը» (1969, ռեժ.՝ Սերգեյ Փարաջանով) կինոնկարները, որոնք արժանացել են միութենական և միջազգային կինոփառատոների մրցանակների և ներկայացնում են հայկական կինոյի «նոր ալիքը»։
• Խորհրդային կարգերի փլուզումից հետո կինոն հայտնվել է նոր որոնումների բեկումնային փուլում։
• Անկախության առաջին տասնամյակում ՀՀ-ում նկարահանվել է 30-ից ավելի լիամետրաժ ու կարճամետրաժ գեղարվեստական ֆիլմ։ Հիմնվել են մի շարք անկախ կինոստուդիաներ, որոնց մի մասը տնտեսական անբարենպաստ պայմանների պատճառով փակվել է։ Հայկական կինոյի ավանդական հիմքի վրա ստեղծվել են Դավիթ Սաֆարյանի «Կորսված դրախտ» (1991), Սերգեյ Իսրայելյանի «Պատանդներ» (1991), Առնոլդ Աղաբաբյանի «Որտե՞ղ էիր, մարդ Աստծո» (1992), Արման Մանարյանի «Ընկեր Փանջունի» (1992), Դմիտրի Կեսայանցի «Անիծվածները» (1991) և «Աղետ» (1993), Ալեքսանդր Քաջվորյանի «Հին աստվածներ» (1993), Ալբերտ Մկրտչյանի «Ուրախ ավտոբուս» (2000) և այլ ֆիլմեր։
• Անկախության 2-րդ տասնամյակում ՀՀ-ում նկարահանվել է մոտ 60 լիամետրաժ և կարճամետրաժ գեղարվեստական ֆիլմ։
• Վերջին շրջանում նկարահանվել են «Սպանված աղավնի» (ըստ Նար-Դոսի, 2008), «Խաչագողի հիշատակարանը» (ըստ Րաֆֆու, 2010, երկուսն էլ՝ ռեժ.՝ Հրաչ Քեշիշյան) և այլ գեղարվեստական կինոնկարներ, նաև մի շարք հեռուստասերիալներ։
• 2004 թվականից անցկացվում է «Ոսկե ծիրան» ամենամյա կինոփառատոնը։

Բեռլինն այս ամռանը ցանկանում է ցույց տալ իր լավագույն կողմը և կոչ է անում զբոսաշրջիկներին իրենց ներդրումն ունենալ․ գրում է Euronews-ը։

Յուրաքանչյուր ոք, ով կմասնակցի ակցիային, օրինակ՝ աղբ հավաքելով կամ սոցիալական նախագծերին աջակցելով, կստանա արտոնություններ թանգարաններում և ռեստորաններում:

BerlinPay նախաձեռնությունը կմեկնարկի 2026 թվականի ամռանը։

Նախաձեռնությունը որպես օրինակ Բեռլինը վերցրել է Կոպենհագենից։

Հակակոռուպցիոն կոմիտեի կողմից իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության անդամների և նրանց հետ համագործակցող հասարակական կազմակերպությունում որպես աշխատակից գրանցված մի խումբ անձանց կողմից Արարատի մարզի Արտաշատ համայնքի մի շարք ընտրողների ընտրակաշառք է բաժանվել․ հայտնում է Հակակոռուպցիոն կոմիտեն։

«Հանցավոր գործունեությունը քողարկելու և չբացահայտվելու նպատակով հանցավոր խմբի անդամները միմյանց հետ կապ են հաստատել ինտերնետ-հավելվածների միջոցով:

Դեպքի առթիվ ՀՀ քրեական օրենսգրքի համապատասխան հոդվածներով նախաձեռնվել է քրեական վարույթ, կատարվել են բազմաթիվ խուզարկություններ, ձերբակալվել են մեկ տասնյակից ավել անձինք»,- ասված է հայտարարության մեջ։

Մանրամասները՝  ձայնագրությունում:

 

ԱՄՆ նախագահ Դոնալդ Թրամփը սոցցանցերում հայտարարել է Իսրայելի և Լիբանանի առաջնորդների միջև սպասվող զրույցի մասին՝ առանց նշելու, թե ովքեր կմասնակցեն կամ ինչ ձևաչափով այն կարող է տեղի ունենալ․ գրում է BBC-ն։

Իսրայելում ասում են, որ վարչապետ Բենիամին Նեթանյահուն կխոսի Լիբանանի նախագահ Ժոզեֆ Աունի հետ։

Բեյրութում նման ծրագրերի մասին տեղյակ չեն։

«Ես փորձում եմ Իսրայելին և Լիբանանին շունչ քաշելու ժամանակ տալ։ Նրանց առաջնորդները երկար ժամանակ չեն խոսել՝ մոտ 34 տարի։ Դա տեղի կունենա վաղը։ Հիանալի է», – չորեքշաբթի գրել է ԱՄՆ նախագահ Դոնալդ Թրամփն իր Truth Social կայքում։

Թրամփը չի նշել, թե կոնկրետ ով, որտեղ կամ ինչ ձևաչափով է տեղի ունենալու զրույցը։

Այս շաբաթվա սկզբին Վաշինգտոնում տեղի ունեցան Իսրայելի և Լիբանանի միջև երկար դադարից հետո առաջին ուղիղ բանակցությունները։

«Նման բանակցություններ չեն եղել ավելի քան 40 տարի։ Դրանք տեղի են ունենում հիմա, քանի որ մենք շատ ուժեղ ենք, և երկրները դիմում են մեզ՝ ոչ միայն Լիբանանը»,- նշել է Նեթանյահուն Վաշինգտոնում դեսպանների հանդիպման մասին։

Սակայն լիբանանցի պաշտոնյաները գործակալությանը հայտնել են, որ տեղյակ չեն նման ծրագրերի մասին։

Լիբանանի նախագահական գրասենյակի BBC-ի աղբյուրը նույնպես նշել է, որ Բեյրութը «տեղյակ չէ» Իսրայելի հետ առաջիկա շփումներից։

Պաշտոնական ուղիներով որևէ տեղեկատվություն չի ստացվել:

Իսրայելական աղբյուրի համաձայն՝ Իսրայելի անվտանգության կաբինետը չորեքշաբթի երեկոյան քննարկել է Լիբանանում հնարավոր հրադադարի հարցը։ Այլ իսրայելական և լիբանանյան աղբյուրներ գործակալությանը հայտնել են, որ ԱՄՆ կառավարությունը զգալի ճնշում է գործադրում Իսրայելի կառավարության վրա՝ Լիբանանում կրակը դադարեցնելու համար։

Նեթանյահուն չորեքշաբթի երեկոյան հայտարարել է, որ Իսրայելի պաշտպանության բանակը շարունակում է հարձակվել «Հեզբոլլահ»-ի վրա և գտնվում է Լիբանանի հարավային Բինտ Ջուբեյլ քաղաքը «գրավելու» եզրին։ Լիբանանը կասկածում է, որ Իսրայելը ցանկանում է գրավել քաղաքը նախքան դիվանագիտական ջանքերի առաջընթացը: