ԵՐԵՎԱՆ, 22 ապրիլի․/ԱՌԿԱ/․ ՀՀ արտարժույթի շուկայում 2026 թվականի ապրիլի 22-ի դրությամբ ձևավորված ԱՄՆ դոլարի միջին շուկայական փոխարժեքը հայկական դրամի նկատմամբ ապրիլի 21-ի համեմատ նվազել է 0.21 կետով՝ կազմելով 372.38 դրամ։
Կենտրոնական բանկի կայքէջի համաձայն՝ եվրոն նույնպես նվազել է 0.65 կետով՝ կազմելով 437.55 դրամ, իսկ ռուբլին՝ 0.0094 կետով՝ կազմելով 4.9558 դրամ։
| 22.04.2026 | 21.04.2026 | |
| ԱՄՆ դոլար-Դրամ | 372.38 | 372.59 |
| Եվրո-Դրամ | 437.55 | 438.2 |
| Ռուբլի-Դրամ | 4.9558 | 4.9652 |
ԵՐԵՎԱՆ, 22 ապրիլի․/ԱՌԿԱ/․ Հայաստանում նախատեսվում է կրկնապատկել կապիտալի շուկայի արժեքը՝ 2025թ․–ին 664 մլրդ դրամից մինչև 1,3 տրլն դրամ 2031թ․–ին, հայտարարել է ՀՀ վարչապետ Նիկոլ Փաշինյանը՝ ներկայացնելով «Քաղաքացիական պայմանագիր» կուսակցության նախընտրական ծրագիրը։
«Խոսքը արժեթղթերի շուկայի մասին է։ Մենք շատ ենք հետաքրքրված դրա զարգացմամբ, որպեսզի քաղաքացիները կարողանան խնայողությունները դնել ոչ միայն բանկերում, այլև արժեթղթերի շուկայում», – ասել է նա։
Վարչապետի խոսքով, բիզնեսի ներկայացուցիչները պետք է հնարավորություն ունենան ներգրավել ֆինանսական միջոցներ ոչ միայն բանկերից, այլև արժեթղթերի շուկայում թողարկումներ իրականացնելու միջոցով։
ԵՐԵՎԱՆ, 21 ապրիլի․/ԱՌԿԱ/․ 500 դրամ մետաղադրամները շարունակում են մնալ շրջանառության մեջ, շրջանառությունից դուրս եկած 2-րդ սերնդի մի շարք թղթադրամների վերաբերյալ որոշումը չի տարածվում 500 դրամ անվանական արժեքով մետաղադրամի վրա, հայտնում են Կենտրոնական բանկից։
«ՀՀ բոլոր մետաղադրամները, այդ թվում՝ 500 դրամ մետաղադրամը, շարունակում են մնալ շրջանառության մեջ և պահպանել իրենց՝ որպես օրինական վճարամիջոցի կարգավիճակը։ Քաղաքացիները կարող են ազատորեն օգտագործել դրանք առօրյա վճարումների համար՝ առանց որևէ սահմանափակման», – նշված է տարածած հաղորդագրության մեջ։
Նշենք, որ Կենտրոնական բանկի 2025 թվականի ապրիլի 28-ի որոշման համաձայն՝ շրջանառությունից են եկել հետևյալ 2-րդ սերնդի թղթադրամները.
– 500 դրամ (1999 թ., Ալեքսանդր Թամանյան)
– 1000 դրամ (1999, 2001, 2011, 2015 թթ., Եղիշե Չարենց)
– 5000 դրամ (1999, 2003, 2009, 2012 թթ., Հովհաննես Թումանյան)
– 10․000 դրամ (2003, 2006, 2008, 2012 թթ., Ավետիք Իսահակյան)
– 20․000 դրամ (1999, 2007, 2009, 2012 թթ., Մարտիրոս Սարյան)
Քաղաքացիները կարող են իրենց մոտ առկա «հին» թողարկման թղթադրամներն անվճար, անժամկետ և առանց սահմանափակումների փոխանակել ՀՀ տարածքում գործող առևտրային բանկերում և Կենտրոնական բանկում։
ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է Հայաստանի խոշորագույն բանկերի վարկանիշային աղյուսակը՝ ըստ համախառն ակտիվների ծավալի 2026 թվականի մարտի 31-ի դրությամբ:
Հայաստանի բանկերի համախառն ակտիվները 2026 թվականի առաջին եռամսյակի վերջի դրությամբ կազմել են 13,15 տրլն դրամ՝ 2025 թվականի առաջին եռամսյակի վերջի 11,27 տրլն դրամի համեմատ (աճը՝ 16,67%) և 2025 թվականի չորրորդ եռամսյակի վերջի 12,83 տրլն դրամի համեմատ (աճը՝ 2,51%):
Ըստ «ԱՌԿԱ» գործակալության վարկանիշի՝ ակտիվների ծավալով Հայաստանի խոշորագույն բանկերի հնգյակում ներառվել են Արդշինբանկը, Ամերիաբանկը, Ակբա բանկը, Ամիօ Բանկը և Ինեկոբանկը:
Հաշվետու ամսաթվի դրությամբ ակտիվների ծավալով Հայաստանի խոշորագույն բանկն է Արդշինբանկը: Բանկի ակտիվներն ընթացիկ տարվա մարտի վերջի դրությամբ կազմել են 2,81 տրլն դրամ (աճը նախորդ տարվա մարտի վերջի համեմատ՝ 21,35%, իսկ նախորդ տարվա դեկտեմբերի վերջի համեմատ՝ 5,16%):
Երկրորդ հորիզոնականում Ամերիաբանկն է՝ 2,42 տրլն դրամ ակտիվներով (աճը տարվա ընթացքում՝ 29,15%, եռամսյակի ընթացքում՝ 3,46%):
Վարկանիշի երրորդ հորիզոնականը զբաղեցնում է Ակբա բանկը՝ 1,09 տրլն դրամ ակտիվների չափով (աճը նախորդ տարվա I եռամսյակի համեմատ՝ 18,53%, իսկ նախորդ տարվա IV եռամսյակի համեմատ՝ 2,18%):
Չորրորդ հորիզոնականում է Ամիօ Բանկը՝ 974,3 մլրդ դրամ ակտիվների ծավալով (աճը նախորդ տարվա մարտի վերջի համեմատ՝ 5,45%, իսկ դեկտեմբերի վերջի համեմատ՝ 1,76%):
Ակտիվների մեծությամբ խոշորագույն բանկերի հնգյակը եզրափակում է Ինեկոբանկը, որի ակտիվները կազմել են 915,9 մլրդ դրամ՝ տարեկան 15,28% աճի և եռամսյակայի ընթացքում 0,33% անկման պայմաններում:
Բանկերի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:
Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):
ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է Հայաստանի խոշորագույն բանկերի վարկանիշային աղյուսակը՝ ըստ համախառն ակտիվների ծավալի 2026 թվականի մարտի 31-ի դրությամբ:
Հայաստանի բանկերի համախառն ակտիվները 2026 թվականի առաջին եռամսյակի վերջի դրությամբ կազմել են 13,15 տրլն դրամ՝ 2025 թվականի առաջին եռամսյակի վերջի 11,27 տրլն դրամի համեմատ (աճը՝ 16,67%) և 2025 թվականի չորրորդ եռամսյակի վերջի 12,83 տրլն դրամի համեմատ (աճը՝ 2,51%):
Ըստ «ԱՌԿԱ» գործակալության վարկանիշի՝ ակտիվների ծավալով Հայաստանի խոշորագույն բանկերի հնգյակում ներառվել են Արդշինբանկը, Ամերիաբանկը, Ակբա բանկը, Ամիօ Բանկը և Ինեկոբանկը:
Հաշվետու ամսաթվի դրությամբ ակտիվների ծավալով Հայաստանի խոշորագույն բանկն է Արդշինբանկը: Բանկի ակտիվներն ընթացիկ տարվա մարտի վերջի դրությամբ կազմել են 2,81 տրլն դրամ (աճը նախորդ տարվա մարտի վերջի համեմատ՝ 21,35%, իսկ նախորդ տարվա դեկտեմբերի վերջի համեմատ՝ 5,16%):
Երկրորդ հորիզոնականում Ամերիաբանկն է՝ 2,42 տրլն դրամ ակտիվներով (աճը տարվա ընթացքում՝ 29,15%, եռամսյակի ընթացքում՝ 3,46%):
Վարկանիշի երրորդ հորիզոնականը զբաղեցնում է Ակբա բանկը՝ 1,09 տրլն դրամ ակտիվների չափով (աճը նախորդ տարվա I եռամսյակի համեմատ՝ 18,53%, իսկ նախորդ տարվա IV եռամսյակի համեմատ՝ 2,18%):
Չորրորդ հորիզոնականում է Ամիօ Բանկը՝ 974,3 մլրդ դրամ ակտիվների ծավալով (աճը նախորդ տարվա մարտի վերջի համեմատ՝ 5,45%, իսկ դեկտեմբերի վերջի համեմատ՝ 1,76%):
Ակտիվների մեծությամբ խոշորագույն բանկերի հնգյակը եզրափակում է Ինեկոբանկը, որի ակտիվները կազմել են 915,9 մլրդ դրամ՝ տարեկան 15,28% աճի և եռամսյակայի ընթացքում 0,33% անկման պայմաններում:
Բանկերի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:
Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):
ԵՐԵՎԱՆ, 21 ապրիլի․/ԱՌԿԱ/․ «ԱՌԿԱ» գործակալությունը հրապարակում է 2026 թվականի I եռամսյակի արդյունքներով Հայաստանի ամենաշահութաբեր բանկերի վարկանիշային աղյուսակը: Հայաստանի բանկերի համախառն զուտ շահույթը 2026 թվականի հունվար-մարտ ամիսներին կազմել է 103,48 մլրդ դրամ՝ 2025 թվականի նույն ժամանակահատվածի 101,18 մլրդ դրամի համեմատ՝ աճելով 2,27%-ով:
Ըստ «ԱՌԿԱ» գործակալության վարկանիշի՝ 2026 թվականի I եռամսյակի արդյունքներով զուտ շահույթի ցուցանիշով (հարկումից հետո) առաջատարների հնգյակում են ներառվել Արդշինբանկը, Ամերիաբանկը, Ակբա բանկը, Արարատբանկը և Ինեկոբանկը:
2026 թվականի մարտի վերջի դրությամբ Հայաստանի ամենաշահութաբեր բանկն է դարձել Արդշինբանկը: Բանկի զուտ շահույթը կազմել է 33,12 մլրդ դրամ՝ նախորդ տարվա նույն ժամանակահատվածի համեմատ նվազելով 7,33%-ով:
Երկրորդ տեղում Ամերիաբանկն է՝ 19,22 մլրդ դրամ շահույթով, ինչը 19,99%-ով գերազանցում է 2025 թվականի մարտի վերջի արդյունքը:
Երրորդ հորիզոնականը զբաղեցնում է Ակբա բանկը, որը 2026 թվականի I եռամսյակի արդյունքներով ստացել է 7,59 մլրդ դրամի շահույթ, որը նախորդ տարվա I եռամսյակի համեմատ նվազել է 2,49%-ով:
Չորրորդ տեղում Արարատբանկն է՝ 5,12 մլրդ դրամ զուտ շահույթով, ինչը 64,07%-ով բարձր է 2025 թվականի նույն ժամանակահատվածի արդյունքից:
Առաջատարների հնգյակը եզրափակում է Ինեկոբանկը, որի շահույթը կազմել է 4,93 մլրդ դրամ, անկումը 2025 թվականի I եռամսյակի համեմատ՝ 33,96%:
Բանկերի շահույթի վարկանիշի կազմման աղբյուր է հանդիսանում «ԱՌԿԱ» գործակալության «Հայաստանի բանկերի գործունեության ցուցանիշները. 2026 թ. I եռամսյակի օպերատիվ տվյալներ» տեղեկագիրը, որը կազմվել է հայկական բանկերի կողմից ՖՀՄՍ միջազգային ստանդարտներին համապատասխան հրապարակվող հաշվետվությունների հիման վրա:
Սույն տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected]):
ԵՐԵՎԱՆ, 20 ապրիլի․/ԱՌԿԱ/․ Փետրվարին դեպի Հայաստան ոչ առևտրային դրամական փոխանցումների զուտ ներհոսքը տարեկան կտրվածքով աճել է 5,2%-ով՝ հունվարին արձանագրված 44% թռիչքից հետո։ Այս մասին նշվում է Համաշխարհային բանկի «Armenia Monthly Economic Update – April 2026» զեկույցում։
«Սա պայմանավորված էր Ռուսաստանից զուտ ներհոսքի 10% չափավոր աճով (որին բաժին է ընկնում ընդհանուր զուտ ներհոսքի 57%-ը), ինչպես նաև ԱՄՆ-ից ներհոսքի 9,6% աճով (ընդհանուր զուտ ներհոսքի 42%-ը)», – նշվում է հետազոտության մեջ։
Զեկույցի հեղինակները նաև մատնանշում են, որ այլ երկրներից զուտ ներհոսքը կրճատվել է 74,5%-ով, թեև դրանց բաժին է ընկնում ընդհանուր ծավալի ընդամենը 1,3%-ը։
ՀՀ Կենտրոնական բանկի տվյալներով՝ 2026 թվականի փետրվարին ՀՀ բանկային համակարգի միջոցով արտերկրից ստացված ֆիզիկական անձանց օգտին ոչ առևտրային անդրսահմանային փոխանցումների զուտ ներհոսքը կազմել է մոտ 47 մլն դոլար՝ 2025 թվականի փետրվարի 44,6 մլն դոլարի դիմաց։
ԵՐԵՎԱՆ, 20 ապրիլի․/ԱՌԿԱ/․ 2026 թվականի ապրիլի 20-ի դրությամբ ՀՀ արտարժույթի շուկայում ԱՄՆ դոլարի միջին փոխարժեքը հայկական դրամի նկատմամբ ապրիլի 18-ի համեմատ նվազել է 0.49 կետով՝ կազմելով 372.85 դրամ։
Կենտրոնական բանկի կայքէջի տվյալներով՝ եվրոն նույնպես նվազել է 1.47 կետով՝ կազմելով 438.88 դրամ, մինչդեռ ռուբլին աճել է 0.0651 կետով՝ կազմելով 4.9588 դրամ։
| 20.04.2026 | 18.2026 | |
| ԱՄՆ դոլար-Դրամ | 372.85 | 373.34 |
| Եվրո-Դրամ | 438.88 | 440.35 |
| Ռուբլի-Դրամ | 4.9588 | 4.8937 |
ԵՐԵՎԱՆ, 20 ապրիլի․/ԱՌԿԱ/․ 2026 թվականի ապրիլի 20-ի դրությամբ ՀՀ արտարժույթի շուկայում ԱՄՆ դոլարի միջին փոխարժեքը հայկական դրամի նկատմամբ ապրիլի 18-ի համեմատ նվազել է 0.49 կետով՝ կազմելով 372.85 դրամ։
Կենտրոնական բանկի կայքէջի տվյալներով՝ եվրոն նույնպես նվազել է 1.47 կետով՝ կազմելով 438.88 դրամ, մինչդեռ ռուբլին աճել է 0.0651 կետով՝ կազմելով 4.9588 դրամ։
| 20.04.2026 | 18.2026 | |
| ԱՄՆ դոլար-Դրամ | 372.85 | 373.34 |
| Եվրո-Դրամ | 438.88 | 440.35 |
| Ռուբլի-Դրամ | 4.9588 | 4.8937 |
ԵՐԵՎԱՆ, 20 ապրիլի․ /ԱՌԿԱ/․Յունիբանկը հայտարարում է 5 մլն ԱՄՆ դոլար ծավալով դոլարային պարտատոմսերի նոր թողարկման մասին։ Պարտատոմսերի արժեկտրոնի տոկոսադրույքը կազմում է 5.6% տարեկան, որը կվճարվի եռամսյակային պարբերականությամբ:
Պարտատոմսերի անվանական արժեքը կազմում է 100 ԱՄՆ դոլար, ձեռքբերման նվազագույն քանակը՝ 10 հատ, իսկ ծավալը՝ 1 000 ԱՄՆ դոլար։ Շրջանառության ժամկետը սահմանվել է 36 ամիս:
ԱՄՆ դոլարով պարտատոմսերը կարելի է ձեռք բերել Յունիբանկի ցանկացած մասնաճյուղում։ Թողարկման տեղաբաշխումը նախատեսվում է ավարտել մինչև 29.06.2026թ., որից հետո պարտատոմսերը կցուցակվեն AMX Հայաստանի ֆոնդային բորսայում:
Բանկի կողﬕց թողարկված անվանական արժեկտրոնային պարտատոմսերով ներգրավված դրամական ﬕջոցները երաշխավորված են Ավանդների հատուցումը երաշխավորող հիﬓադրաﬕ կողﬕց «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքով սահմանված չափով, կարգով և պայմաններով:
Ծրագրային ազդագիրը (գրանցված 08.04.2026թ. թիվ 1/156 Ա որոշմամ) և թողարկման վերջնական պայմանները հրապարակված են www.unibank.am կայքում։