Category: Armbanks

ԵՐԵՎԱՆ, 20 մայիսի․/ԱՌԿԱ/․ ԼԻԳԱ Ինշուրանսը հայտարարում է ընկերության բրենդային ինքնության թարմացման մասին, որը պայմանավորված է ընկերության զարգացման նոր փուլով և միջազգային ինտեգրման գործընթացով՝ միաժամանակ նշելով Հայաստանի ապահովագրական շուկայում գործունեության 18-ամյակը, հաղորդում է ընկերության մամուլի ծառայությունը։

Անցած 18 տարիների ընթացքում «ԼԻԳԱ Ինշուրանս»-ը ճանաչվել է որպես Հայաստանի ճանաչված ապահովագրական ընկերություն՝ հաճախորդների և գործընկերների հետ կառուցելով երկարաժամկետ հարաբերություններ՝ հիմնված վստահելիության, պրոֆեսիոնալիզմի և շարունակական զարգացման վրա։ Այսօր ընկերությունը մուտք է գործում զարգացման նոր փուլ՝ դառնալով միջազգային ապահովագրական և ֆինանսական էկոհամակարգի մաս։

Վերջին շրջանում ընկերության բաժնետոմսերի 100% ձեռք են բերել եվրոպական ֆինանսական խմբերը՝ GRAWE Group-ը և C-Quadrat Investment Group-ը, ինչի արդյունքում ԼԻԳԱ Ինշուրանսը տեղական ապահովագրական ընկերությունից վերափոխվել է միջազգային ապահովագրական և ֆինանսական էկոհամակարգի մասի։

GRAWE Group-ը Կենտրոնական և Արևելյան Եվրոպայի առաջատար ապահովագրական խմբերից է՝ շուրջ 200 տարվա պատմությամբ և գործունեությամբ եվրոպական մի շարք երկրներում, իսկ C-Quadrat Investment Group-ը միջազգային ներդրումային խումբ է՝ ակտիվների կառավարման ոլորտում բազմամյա փորձառությամբ։ Նրանց փորձառության, կառավարման մշակույթի և երկարաժամկետ ռազմավարական մոտեցումների համադրությունը ձևավորում է ԼԻԳԱ Ինշուրանս-ի զարգացման նոր հիմքը։

Ինտեգրման շրջանակում ընկերությունը թարմացրել է իր բրենդային ինքնությունը՝ պահպանելով բրենդի հիմնական և ճանաչելի տարրերը՝ անվանումը, վահան խորհրդանիշը և կորպորատիվ գունային լուծումները։ Միաժամանակ, ապրանքային նշանում ավելացվել է «Member of GRAWE Group», որն արտացոլում է ընկերության ինտեգրումը միջազգային ապահովագրական խմբի կազմ և զարգացման նոր մակարդակ։

Վիզուալ փոփոխություններն ընկերությունում ընթացող առավել լայն վերափոխումների արտաքին արտահայտությունն են։ ԼԻԳԱ Ինշուրանսը ներկայումս իրականացնում է կառավարման, գործառնական և պրոդուկտային ուղղություններով էական փոփոխություններ՝ նպատակ ունենալով ներդնել միջազգային լավագույն փորձը և բարձրացնել ապահովագրական ծառայությունների որակը հայկական շուկայում։ Ընկերությունում արդեն ձևավորվել է տնօրինություն՝ որպես կոլեգիալ կառավարման մարմին, ներդրվում են կորպորատիվ կառավարման նոր մոտեցումներ, ակտիվ աշխատանքներ են իրականացվում միջազգային փորձի և եվրոպական ապահովագրական ստանդարտների ներդրման ուղղությամբ։

Զարգացման հաջորդ փուլում ԼԻԳԱ Ինշուրանսը նախատեսում է շուկա ներկայացնել նոր, բարձրակարգ ապահովագրական պրոդուկտներ, ինչպես նաև ներդնել կյանքի ապահովագրություն ՝ Հայաստան բերելով եվրոպական ապահովագրական լավագույն փորձը, լուծումները և սպասարկման մշակույթը։

«Մեզ համար միջազգային խմբերին ինտեգրումը պարզապես կառուցվածքային փոփոխություն չէ։ Սա երկարաժամկետ ռազմավարական վերափոխում է, որի նպատակն է ձևավորել ապահովագրական ծառայությունների նոր որակ Հայաստանում։ Մենք արդեն իրականացնում ենք համակարգային փոփոխություններ՝ կառավարման, պրոդուկտների մշակման և հաճախորդների սպասարկման ուղղություններով՝ ներմուծելով միջազգային փորձն ու ստանդարտները։ Առաջիկայում մեր հաճախորդներին կառաջարկենք նոր սերնդի ապահովագրական լուծումներ, այդ թվում՝ կյանքի ապահովագրության ոլորտում։», — նշել է ԼԻԳԱ Ինշուրանս-ի Տնօրինության նախագահ – գործադիր տնօրեն Վահագն Աղավելյանը։

ԼԻԳԱ Ինշուրանս-ն իր զարգացումը դիտարկում է որպես Հայաստանի ապահովագրական շուկայի առավել լայն վերափոխման մաս՝ նպաստելով ոլորտում որակի, վստահության և պրոֆեսիոնալիզմի նոր չափանիշների ձևավորմանը։

ԵՐԵՎԱՆ, 20 մայիսի․/ԱՌԿԱ/․ ԼԻԳԱ Ինշուրանսը հայտարարում է ընկերության բրենդային ինքնության թարմացման մասին, որը պայմանավորված է ընկերության զարգացման նոր փուլով և միջազգային ինտեգրման գործընթացով՝ միաժամանակ նշելով Հայաստանի ապահովագրական շուկայում գործունեության 18-ամյակը, հաղորդում է ընկերության մամուլի ծառայությունը։

Անցած 18 տարիների ընթացքում «ԼԻԳԱ Ինշուրանս»-ը ճանաչվել է որպես Հայաստանի ճանաչված ապահովագրական ընկերություն՝ հաճախորդների և գործընկերների հետ կառուցելով երկարաժամկետ հարաբերություններ՝ հիմնված վստահելիության, պրոֆեսիոնալիզմի և շարունակական զարգացման վրա։ Այսօր ընկերությունը մուտք է գործում զարգացման նոր փուլ՝ դառնալով միջազգային ապահովագրական և ֆինանսական էկոհամակարգի մաս։

Վերջին շրջանում ընկերության բաժնետոմսերի 100% ձեռք են բերել եվրոպական ֆինանսական խմբերը՝ GRAWE Group-ը և C-Quadrat Investment Group-ը, ինչի արդյունքում ԼԻԳԱ Ինշուրանսը տեղական ապահովագրական ընկերությունից վերափոխվել է միջազգային ապահովագրական և ֆինանսական էկոհամակարգի մասի։

GRAWE Group-ը Կենտրոնական և Արևելյան Եվրոպայի առաջատար ապահովագրական խմբերից է՝ շուրջ 200 տարվա պատմությամբ և գործունեությամբ եվրոպական մի շարք երկրներում, իսկ C-Quadrat Investment Group-ը միջազգային ներդրումային խումբ է՝ ակտիվների կառավարման ոլորտում բազմամյա փորձառությամբ։ Նրանց փորձառության, կառավարման մշակույթի և երկարաժամկետ ռազմավարական մոտեցումների համադրությունը ձևավորում է ԼԻԳԱ Ինշուրանս-ի զարգացման նոր հիմքը։

Ինտեգրման շրջանակում ընկերությունը թարմացրել է իր բրենդային ինքնությունը՝ պահպանելով բրենդի հիմնական և ճանաչելի տարրերը՝ անվանումը, վահան խորհրդանիշը և կորպորատիվ գունային լուծումները։ Միաժամանակ, ապրանքային նշանում ավելացվել է «Member of GRAWE Group», որն արտացոլում է ընկերության ինտեգրումը միջազգային ապահովագրական խմբի կազմ և զարգացման նոր մակարդակ։

Վիզուալ փոփոխություններն ընկերությունում ընթացող առավել լայն վերափոխումների արտաքին արտահայտությունն են։ ԼԻԳԱ Ինշուրանսը ներկայումս իրականացնում է կառավարման, գործառնական և պրոդուկտային ուղղություններով էական փոփոխություններ՝ նպատակ ունենալով ներդնել միջազգային լավագույն փորձը և բարձրացնել ապահովագրական ծառայությունների որակը հայկական շուկայում։ Ընկերությունում արդեն ձևավորվել է տնօրինություն՝ որպես կոլեգիալ կառավարման մարմին, ներդրվում են կորպորատիվ կառավարման նոր մոտեցումներ, ակտիվ աշխատանքներ են իրականացվում միջազգային փորձի և եվրոպական ապահովագրական ստանդարտների ներդրման ուղղությամբ։

Զարգացման հաջորդ փուլում ԼԻԳԱ Ինշուրանսը նախատեսում է շուկա ներկայացնել նոր, բարձրակարգ ապահովագրական պրոդուկտներ, ինչպես նաև ներդնել կյանքի ապահովագրություն ՝ Հայաստան բերելով եվրոպական ապահովագրական լավագույն փորձը, լուծումները և սպասարկման մշակույթը։

«Մեզ համար միջազգային խմբերին ինտեգրումը պարզապես կառուցվածքային փոփոխություն չէ։ Սա երկարաժամկետ ռազմավարական վերափոխում է, որի նպատակն է ձևավորել ապահովագրական ծառայությունների նոր որակ Հայաստանում։ Մենք արդեն իրականացնում ենք համակարգային փոփոխություններ՝ կառավարման, պրոդուկտների մշակման և հաճախորդների սպասարկման ուղղություններով՝ ներմուծելով միջազգային փորձն ու ստանդարտները։ Առաջիկայում մեր հաճախորդներին կառաջարկենք նոր սերնդի ապահովագրական լուծումներ, այդ թվում՝ կյանքի ապահովագրության ոլորտում։», — նշել է ԼԻԳԱ Ինշուրանս-ի Տնօրինության նախագահ – գործադիր տնօրեն Վահագն Աղավելյանը։

ԼԻԳԱ Ինշուրանս-ն իր զարգացումը դիտարկում է որպես Հայաստանի ապահովագրական շուկայի առավել լայն վերափոխման մաս՝ նպաստելով ոլորտում որակի, վստահության և պրոֆեսիոնալիզմի նոր չափանիշների ձևավորմանը։

ԵՐԵՎԱՆ, 19 մայիսի․/ԱՌԿԱ/․ Հայաստանում գնաճը ապրիլին շարունակել է աճել Մերձավոր Արևելքում հակամարտության և մատակարարման շղթաներում առկա լարվածության ֆոնին, ասվում է Համաշխարհային բանկի «Armenia Monthly Economic Update – May 2026» ամփոփագրում։

«Ապրիլին գնաճն աճել է մինչև 5,3% տարեկան կտրվածքով և 1,3%՝ ամսական։ Դրան նպաստել է սննդամթերքի և ոչ ալկոհոլային խմիչքների թանկացումը 9,5%-ով (տ/տ), ինչն ապահովել է տարեկան գնաճի 70,3%-ը»,- ասվում է հետազոտության մեջ։

Նշվում է, որ ալկոհոլային խմիչքների և առողջապահության ոլորտի ծառայությունների գների աճը կազմել է համապատասխանաբար 7,7% և 4,2% տ/տ, իսկ տրանսպորտի ոլորտում գնաճը մնացել է չափավոր՝ 2% տ/տ մակարդակում, ինչին նպաստել է բենզինի գնի 7% նվազումը Ադրբեջանից վառելիքի ներկրման բացումից հետո։

«2026 թվականի մայիսի 5-ի նիստում Հայաստանի Կենտրոնական բանկը որոշել է վերաֆինանսավորման տոկոսադրույքը թողնել անփոփոխ՝ 6,5% մակարդակում, չնայած բարձր անորոշության պայմաններում գնաճի արագացմանը»,- ասվում է զեկույցում։

Հայաստանի 2026 թվականի պետական բյուջեում գնաճն ամրագրված է  3% (±1%) մակարդակում։ Ըստ ընթացիկ տարվա առաջին եռամսյակի դրամավարկային քաղաքականության վերաբերյալ ԿԲ-ի հաշվետվության՝ 2026 թվականի արդյունքներով Հայաստանում գնաճը, կախված սցենարից (A-B), ակնկալվում է 4,4-3,3%, 2027 թվականի կանխատեսումը՝ 3,5-3,1%, 2028 թվականի համար՝ 3,2-3,1%։

ԵՐԵՎԱՆ, 19 մայիսի․/ԱՌԿԱ/․ Այսուհետ Յունիբանկի հաճախորդ կարելի է դառնալ UNIMobile հավելվածի միջոցով՝ անցնելով կենսաչափական նույնականացում:

Առցանց գրանցվելու համար պարզապես պետք է ներբեռնել UNIMobile հավելվածը App Store-ից կամ Google Play-ից, լրացնել անհրաժեշտ տեղեկությունները և հետևել համակարգի հրահանգներին, հաղորդում է Յունիբանկի մամուլի ծառայությունը։

Ամբողջ գործընթացը տևում է ընդամենը մի քանի րոպե և պահանջում է միայն անձը հաստատող փաստաթուղթ և սմարթֆոն, հաղորդում է Յունիբանկի մամուլի ծառայությունը։

Կենսաչափական նույնականացումից հետո օգտատերերը ստանում են շուրջօրյա հասանելիություն ֆինանսական ծառայություններին՝ առանց բանկի մասնաճյուղ այցելելու:

UNIMobile հավելվածի միջոցով հաճախորդները կարող են բացել բանկային հաշիվ, ձևակերպել սպառողական վարկ, կատարել դրամական փոխանցումներ Հայաստանի ներսում և արտերկիր, համալրել ավանդները, ստեղծել թվային քարտեր, կատարել կոմունալ և այլ վճարումներ ու շատ ավելին: Առցանց գրանցումը հասանելի է ռեզիդենտ ֆիզիկական անձանց համար:

Թվային սպասարկման ուղիների զարգացումը Յունիբանկի առաջնահերթ ուղղություններից մեկն է: Հեռակա նույնականացման գործարկումը թույլ կտա դառնալ Յունիբանկի հաճախորդ և օգտվել մոբայլ հավելվածում առկա բանկային ծառայություններից ցանկացած վայրում:

Բացի այդ, UNIMobile մոբայլ հավելվածում գործարկվել են նոր հնարավորություններ: Օգտատերերը այժմ կարող են իրենց ֆիզիկական քարտի համար նոր PIN-կոդ սահմանել՝ առանց այն վերաթողարկելու անհրաժեշտության։

«Քարտեր» բաժնում ավելացվել է «Սահմանափակումներ» ենթաբաժինը, որը թույլ է տալիս սահմանել սահմանաչափեր ըստ գործարքի տեսակի (օնլայն և օֆլայն), ինչպես նաև ըստ տարածաշրջանի (բացառությամբ Հայաստանի Հանրապետության)։

Յունիբանկը կշարունակի զարգացնել իր թվային ծառայությունները, կատարելագործելով մոբայլ հավելվածը և ստեղծելով նոր հնարավորություններ: