Category: Armbanks

Արտերկրից Հայաստան կատարված դրամական փոխանցումների զուտ ներհոսքը առաջին եռամսյակում աճել է մոտ 3,2 անգամ

ԵՐԵՎԱՆ, 6 մայիսի․/ԱՌԿԱ/․ Հայաստանի բանկային համակարգի միջոցով արտերկրից ֆիզիկական անձանց անունով ստացված անդրսահմանային փոխանցումների զուտ ներհոսքը 2026 թվականի հունվար-մարտին կազմել է 458,2 մլն դոլար՝ 2025 թվականի հունվար-մարտի 143,7 մլն դոլարի դիմաց, նշվում է հանրապետության Կենտրոնական բանկի հաշվետվության մեջ։

Այսպիսով, տվյալ ցուցանիշը տարեկան կտրվածքով աճել է 3,19 անգամ։

Ընդ որում, միայն մարտին դրամական փոխանցումների զուտ ներհոսքը կազմել է 155,2 մլն դոլար՝ նախորդ տարվա մարտի 56,2 մլն դոլարի դիմաց։

Հայաստանի բանկային համակարգի միջոցով արտերկրից ֆիզիկական անձանց անունով ստացված անդրսահմանային փոխանցումների ներհոսքն այս տարվա առաջին եռամսյակում կազմել է 1,47 մլրդ դոլար՝ նախորդ տարվա առաջին եռամսյակի 1,27 մլրդ դոլարի դիմաց։

Դեպի Հայաստան փոխանցումների առաջատարների թվում են Ռուսաստանը՝ 945,3 մլն դոլարով և ԱՄՆ-ը՝ 187,4 մլն դոլարով։ Ընդ որում, Ռուսաստանը և ԱՄՆ-ը առաջատար են եղել դեպի Հայաստան փոխանցումներով նաև 2025 թվականի հաշվետու ժամանակաշրջանի արդյունքներով (համապատասխանաբար՝ 819,5 մլն դոլար և 157,7 մլն դոլար):

Միաժամանակ, ՀՀ բանկային համակարգի միջոցով ֆիզիկական անձանց կողմից Հայաստանից արտերկիր կատարված փոխանցումների արտահոսքը 2026 թվականի առաջին երեք ամիսներին կազմել է 1,01 մլրդ դոլար՝ 2025 թվականի նույն ժամանակահատվածի 1,13 մլրդ դոլարի դիմաց:

Հայաստանից արտերկիր կատարված փոխանցումներով հաշվետու ամիսներին առաջատար են եղել ԱՄՆ-ը (198,7 մլն դոլար) և ԱՄԷ-ն (143,4 մլն դոլար)։ 2025 թվականի առաջին եռամսյակում առաջատարներն էին Շվեյցարիան (289,6 մլն դոլար) և ԱՄԷ-ն (170 մլն դոլար)։

ԿԲ–ն չի նկատում կապիտալի արտահոսք Հայաստանից տարածաշրջանային անորոշության ֆոնին

ԵՐԵՎԱՆ, 6 մայիսի․/ԱՌԿԱ/․ Հայաստանի Կենտրոնական բանկը տարածաշրջանային անորոշության ֆոնին Հայաստանից կապիտալի արտահոսք չի նկատում, հայտարարել է ԿԲ նախագահի տեղակալ Հովհաննես Խաչատրյանը։

Նրա խոսքով՝ մարտին, Մերձավոր Արևելքում էսկալացիայի մեկնարկից երկու շաբաթ անց, ՀՀ ԿԲ-ն որոշակի վատատեսություն էր ցուցաբերում, օրինակ՝ ռիսկի հավելավճարի մասով և այն առումով, որ տարածաշրջանային խնդիրները կարող են հանգեցնել տարածաշրջանից, այդ թվում՝ Հայաստանից կապիտալի արտահոսքի։

«Այս պահին մենք նման դիտարկում չունենք, և այդ մասով մեղմացրել ենք մեր ձևակերպումը», — ասել է նա երեքշաբթի կայացած մամուլի ասուլիսի ժամանակ։

Ինչպես նշել է Խաչատրյանը, ֆիսկալ ցուցանիշները վկայում են, որ հնարավոր է՝ դեֆիցիտը չգերազանցի նախատեսված ցուցանիշը։

«Սոցիալական ծախսերի և ապահովագրական ծախսերի հետ կապված տարբեր տեսակի անորոշությունները մեզ համար ավելի կառավարելի են թվում», — ասել է նա։

Միևնույն ժամանակ, ԿԲ նախագահի տեղակալը հայտարարել է, որ չի տեսնում Հորմուզի նեղուցի շուրջ ստեղծված իրավիճակի, մասնավորապես՝ էներգակիրների գների շուտափույթ հանգուցալուծման հնարավորություն։

«Առայժմ մենք չենք տեսնում այն կետը, որտեղ գործընկեր երկրներում համաշխարհային տոկոսադրույքները էականորեն կնվազեն, ինչպես ակնկալվում էր նախկինում՝ մինչ պատերազմը», — ասել է Խաչատրյանը։

Ըստ դրամավարկային քաղաքականության վերաբերյալ ԿԲ հայտարարության՝ 2026 թվականի առաջին եռամսյակում աշխարհաքաղաքական անորոշության, էներգակիրների գների աճի և դրանց տատանողականության ֆոնին ուժեղացել են համաշխարհային տնտեսության մեջ և Հայաստանի գործընկեր երկրներում պահանջարկի թուլացման ռիսկերը։ ԱՄՆ-ում պահպանվում է սպառողական պահանջարկի թուլությունը, եվրագոտում աճը զսպում են կառուցվածքային խնդիրները և կախվածությունը էներգակիրներից, իսկ Ռուսաստանում արձանագրվում են տնտեսության և ներքին պահանջարկի դանդաղման նշաններ։ Միաժամանակ, լարվածությունը Մերձավոր Արևելքում մեծացնում է էներգակիրների և հումքի գների նոր աճի ռիսկերը, ինչը կարող է ստիպել առաջատար երկրների կենտրոնական բանկերին ավելի երկար պահպանել բարձր տոկոսադրույքը կամ նույնիսկ բարձրացնել դրանք։

Եվրոյի, դոլարի և ռուբլու փոխարժեքները հայկական դրամի նկատմամբ շարունակել են նվազել. ԿԲ

ԵՐԵՎԱՆ, 5 մայիսի․/ԱՌԿԱ/․  2026 թվականի մայիսի 5-ին Հայաստանի արտարժույթի շուկայում ձևավորված ԱՄՆ դոլարի միջին փոխարժեքը հայկական դրամի նկատմամբ ապրիլի 30-ի համեմատ նվազել է 0.34 կետով՝ հասնելով 370.44 դրամի։

Կենտրոնական բանկի կայքում նշվում է, որ եվրոն նույնպես նվազել է 1.51 կետով՝ հասնելով 432.9 դրամի, իսկ ռուբլին՝ 0.0372 կետով՝ հասնելով 4.9006 դրամի։

  05.05.2026 30.04.2026
ԱՄՆ դոլար-Դրամ 370.44 370.78
Եվրո-Դրամ 432.9 434.41
Ռուբլի-Դրամ 4.9006 4.9378

Հայաստանի վարկային պորտֆելը վերջին 3 տարիներին տարեկան աճում է շուրջ 20%-ով. ԿԲ նախագահ

ԵՐԵՎԱՆ, 5 մայիսի․/ԱՌԿԱ/․ Հայաստանի վարկային պորտֆելը վերջին երեք տարիներին տարեկան աճում է շուրջ 20%-ով, երեքշաբթի  ԱԺ նիստում հայտարարել է ՀՀ Կենտրոնական բանկի նախագահ Մարտին Գալստյանը:

«Եթե դիտարկենք կուտակային առումով, տեսնում ենք բարձր պահանջարկ: Պահանջարկի նման մակարդակի պայմաններում դժվար է պատկերացնել գների նվազում», – նշել է Գալստյանը:

Նրա խոսքով՝ բանկային համակարգում ներդրվել են կապիտալի բուֆերներ, ինչի հետևանքով բանկերի համար աճել է ռեսուրսների արժեքը:

Գալստյանը նաև հայտնել է, որ Հայաստանում սպառողական և հիփոթեքային վարկերը ներկայումս տրամադրվում են հիմնականում հայկական դրամով՝ առանց դոլարային բաղադրիչի:

Ըստ նրա՝ 2025 թվականի ընթացքում հիփոթեքային վարկավորման շուկայում շուրջ 9 հազար վարկերի դրույքաչափերը նվազել են, 3 հազարինը՝ աճել, իսկ մոտ 60 հազար վարկ մնացել է անփոփոխ:

Հայաստսանում կիրառում են կապիտալի չեզոք բուֆերի ձևավորման մոտեցում, որը միջազգայնորեն ընդունված պրակտիկա է․ ԿԲ

ԵՐԵՎԱՆ, 5 մայիսի․/ԱՌԿԱ/․ Հայաստանում սկսել են կիրառել կապիտալի չեզոք բուֆերի ձևավորման՝ աշխարհում առաջատար մոտեցումը, հայտարարել է ՀՀ Կենտրոնական բանկի նախագահ Մարտին Գալստյանը:

Նրա խոսքով՝ տվյալ մոտեցումը ենթադրում է տնտեսական համակարգի կողմից կապիտալի բավարար պաշարի կուտակում՝ նախքան համակարգային ռիսկերի ակտիվ աճի մեկնարկը։

«Կենտրոնական բանկի անտիցիկլիկ քաղաքականության արդյունքում համակարգն այս պահին կուտակել է կապիտալի և իրացվելիության զգալի պաշարներ», — նշել է Գալստյանը երեքշաբթի ԱԺ նիստում։

Նա տեղեկացրել է, որ բուֆերային կապիտալի ծավալն արդեն գերազանցում է 180 մլրդ դրամը, բարձր իրացվելի ակտիվները կազմում են շուրջ 2 տրլն դրամ՝ ազգային արժույթով, և 790 մլրդ դրամ՝ արտարժույթով:

ԿԲ նախագահը հավելել է, որ չաշխատող վարկերի տեսակարար կշիռը, որն աճել էր 2020–2022 թվականների լուրջ ցնցումներից հետո, ներկայումս գտնվում է պատմականորեն ցածր մակարդակում։

«Սա էապես բարձրացրել է ֆինանսական համակարգի դիմակայունությունը և թույլ է տվել ընդլայնել ֆինանսական ծառայությունների և վարկավորման ծավալները», — ասել է Գալստյանը:

Այսպես, նրա խոսքով, առևտրային բանկերի վարկերի և ակտիվների հարաբերակցությունը ՀՆԱ-ին 2025 թվականի արդյունքներով հասել է պատմականորեն բարձր ցուցանիշների՝ համապատասխանաբար 64% և 102%:

Ըստ «ԱՌԿԱ» գործակալության վարկանիշի՝ 2025 թվականի արդյունքներով Հայաստանի առևտրային բանկերի վարկային պորտֆելը կազմել է 7,7 տրլն դրամ, իսկ նրանց համախառն ակտիվները՝ 12,83 տրլն դրամ։

ՀՀ վիճակագրական կոմիտեի տվյալներով՝ Հայաստանի ՀՆԱ-ի անվանական ծավալը 2025 թվականին կազմել է 11,32 տրլն դրամ, իսկ ՀՆԱ-ի իրական աճը 2024 թվականի նկատմամբ կազմել է 7,2%: ($1 — 370.78 դրամ)

Մարտին Գալստյանը վերընտրվեց ԿԲ նախագահի պաշտոնում

ԵՐԵՎԱՆ, 5 մայիսի․/ԱՌԿԱ/․ Ազգային ժողովում կայացած փակ գաղտնի քվեարկության արդյունքում Մարտին Գալստյանը վերընտրվեց ՀՀ Կենտրոնական բանկի նախագահ։

107 պատգամավորից քվեարկությանը մասնակցեց 69-ը: Կողմ քվեարկեց 69 պատգամավոր, դեմ՝ 0։

Նշենք, որ Գալստյանի թեկնածությունն առաջադրել էր իշխող «Քաղաքացիական պայմանագիր» կուսակցությունը:

Նա ԿԲ նախագահի պաշտոնը զբաղեցնում է 2020թ․–ի հունիսից։

ԿԲ–ն վերաֆինանսավորման տոկոսադրույքըթողեց անփոփոխ՝ 6.5%

ԵՐԵՎԱՆ, 5 մայիսի․/ԱՌԿԱ/․ Կենտրոնական բանկի խորհուրդը երեքշաբթի կայացած նիստում չորրորդ անգամ անընդմեջ անփոփոխ է թողել վերաֆինանսավորման տոկոսադրույքը՝ 6.5%, հայտնում է ԿԲ մամուլի ծառայությունը:

Անփոփոխ են մնացել նաև լոմբարդային ռեպոյի տոկոսադրույքը՝ 8%, և դրամական միջոցների ներգրավման տոկոսադրույքը՝ 5%:

ՀՀ ԿԲ խորհուրդը 2023 թվականի հունիսից շարունակաբար իջեցնում էր վերաֆինանսավորման տոկոսադրույքն՝ աստիճանաբար այն 10.75%-ից հասցնելով 6.5%-ի 2025 թվականի դեկտեմբերին:

ԿԲ–ն վերաֆինանսավորման տոկոսադրույքըթողեց անփոփոխ՝ 6.5%

ԵՐԵՎԱՆ, 5 մայիսի․/ԱՌԿԱ/․ Կենտրոնական բանկի խորհուրդը երեքշաբթի կայացած նիստում չորրորդ անգամ անընդմեջ անփոփոխ է թողել վերաֆինանսավորման տոկոսադրույքը՝ 6.5%, հայտնում է ԿԲ մամուլի ծառայությունը:

Անփոփոխ են մնացել նաև լոմբարդային ռեպոյի տոկոսադրույքը՝ 8%, և դրամական միջոցների ներգրավման տոկոսադրույքը՝ 5%:

ՀՀ ԿԲ խորհուրդը 2023 թվականի հունիսից շարունակաբար իջեցնում էր վերաֆինանսավորման տոկոսադրույքն՝ աստիճանաբար այն 10.75%-ից հասցնելով 6.5%-ի 2025 թվականի դեկտեմբերին:

Armbanks Weekly Digest․ Հայաստանի ֆինանսական շուկայի առանցքային իրադարձությունները (ապրիլի 27–ից մայիսի 3–ը)

ԵՐԵՎԱՆ, 4 մայիսի․/ԱՌԿԱ/․ Անցած շաբաթ Հայաստանում ուշադրության կենտրոնում էին բանկերի հարկման փոփոխությունները, վճարային ծառայությունների մասին նոր օրենքի մշակումը և ներդրումային ընկերությունների տրանսֆորմացիոն գործընթացները: Տեղի են ունեցել նաև կադրային փոփոխություններ միջազգային ֆինանսական կառույցներում, արժութային դինամիկան եղել է չափավոր:

1. Բանկեր և հարկում. բանկերի բաժնետերերի շահաբաժինների հարկը նախատեսվում է բարձրացնել մինչև 15%

Հայաստանի կառավարությունը ապրիլի 30-ին հավանություն է տվել Հարկային օրենսգրքում և «Պետական տուրքի մասին» օրենքում փոփոխություններին, որոնք նախատեսում են, մասնավորապես, բանկային հատվածի հարկման փոփոխություն: Շահույթը բաժնետերերին բաշխելու դեպքում շահաբաժինների հարկի տոկոսադրույքը կկազմի ոչ թե ստանդարտ 5%, այլ 15%:

Բանկային հատվածի համար սա կարող է կապված լինել համակարգից կապիտալի արտահոսքի կարգավորման և ռեսուրսային բազայի պահպանման հետ և կազդի շահույթի բաշխման քաղաքականության, բանկերի կապիտալիզացիայի և ներդրումների եկամտաբերության կառավարման հարցում բաժնետերերի մոտեցումների վրա:

2. Վճարումներ և ֆինտեխ. ԿԲ-ն մշակում է վճարային ծառայությունների մասին նոր օրենք

 Հայաստանում մշակվում է վճարային ծառայությունների մասին նոր օրենք, հայտարարել է ՀՀ ԿԲ նախագահի տեղակալ Հովհաննես Խաչատրյանը ապրիլի 28-ին կայացած Fintech 360 ֆորումի ժամանակ: Թարմացված նորմատիվային բազան կոչված է ուժեղացնել կորպորատիվ կառավարման և վերահսկողության մեխանիզմները, ինչպես նաև բարձրացնել սպառողների պաշտպանվածության մակարդակը:

Օրենքը կհեշտացնի նոր մասնակիցների մուտքը շուկա և կնպաստի ռիսկերի վրա հիմնված կարգավորման ներդրմանը:

Նորմատիվային բազայի թարմացումը կարող է ֆիքսել վճարային շուկայի անցումը դեպի առավել տեխնոլոգիական մոդելի, որտեղ կարևոր նշանակություն ունեն հաշվարկների արագությունը, ռիսկերի վրա հիմնված կարգավորումը և հաճախորդների պաշտպանությունը:

3. Կապիտալի շուկա. AMX-ում տեղաբաշխվել են ավելի քան 112,5 մլրդ դրամի պետական պարտատոմսեր

Հայաստանի ֆոնդային բորսայում ապրիլի 29-ին տեղի են ունեցել ավելի քան 112,5 մլրդ դրամի պետական պարտատոմսերի տեղաբաշխման աճուրդներ: Տեղաբաշխվել են 1-ից 11 տարի մարման ժամկետով և 7,6-9% տարեկան արժեկտրոնային եկամտաբերությամբ պարտատոմսեր: Պետական պարտատոմսերը հասանելի են ինչպես AMX առևտրային հարթակում, այնպես էլ gp.minfin.am առցանց հարթակում:

Սա կարող է աջակցել պարտքային շուկայի իրացվելիությանը և ընդլայնել գործիքակազմը բանկերի, ինստիտուցիոնալ և մասնավոր ներդրողների համար:

4. Արժութային շուկա. դրամը շաբաթն ավարտեց դոլարի նկատմամբ չափավոր արժևորմամբ

Կենտրոնական բանկի տվյալներով՝ ապրիլի 27-ից 30-ը դոլարի փոխարժեքը 371,56 դրամից նվազել է մինչև 370,78 դրամ։ Եվրոյի փոխարժեքն այդ ժամանակահատվածում փոխվել է տարբեր ուղղություններով՝ 436,43-434,41 դրամի միջակայքում, իսկ ռուբլու փոխարժեքը նվազել է աննշան՝ 4,9449-ից մինչև 4,9378 դրամ։

Նման դինամիկան կարող է նշանակել պաշտոնական փոխարժեքների ամենօրյա ճշգրտման ռեժիմի պահպանում՝ առանց կտրուկ փոփոխությունների, ինչը նպաստում է հաշվարկների, վճարումների և ընկերությունների կարճաժամկետ արժութային պլանավորման կանխատեսելիությանը:

5. Ներդրումային հատված. «Արմբրոկը» ռեբրենդինգից հետո ներկայացված է որպես ROQ Capital

«Արմբրոկ» ներդրումային ընկերությունը ապրիլի 29-ին սկսել է իր գործունեությունը նոր բրենդի ներքո՝ ROQ Capital: Ընկերությունն իր հիմնական առաքելությունն է համարում միջազգային չափանիշներին համապատասխան ներդրումային ծառայությունների մատուցումը և ձգտում է լինել վստահելի գործընկեր ինչպես հայաստանյան, այնպես էլ միջազգային ներդրողների համար:

Այս տրանսֆորմացիան կարող է վկայել ընկերության պրոդուկտային գծի և կորպորատիվ ինքնության թարմացման, ինչպես նաև ներդրումային ծառայությունների շուկայի փոփոխվող պայմաններին հարմարվելու մասին:

6. Միջազգային կառույցներ. կադրային փոփոխություններ Հայաստանում ԱՄՀ-ում և ԱԶԲ-ում

Հայաստանում ԱՄՀ նոր մշտական ներկայացուցիչն օգոստոսից կլինի Նատալյա Նովտան՝ այդ պաշտոնում փոխարինելով Ումանգ Ռավաթին։ Ապրիլի 29-ին ՀՀ փոխվարչապետ Տիգրան Խաչատրյանի հետ կայացած հանդիպման ժամանակ նա վերահաստատել է իր մասնագիտական կարողությունները երկրի և ԱՄՀ-ի միջև արդյունավետ համագործակցության հետագա ամրապնդմանն ուղղելու պատրաստակամությունը։

Նույն օրը Ասիական զարգացման բանկը հայտնեց Լյազիզա Սաբիրովային Հայաստանում ԱԶԲ մշտական ներկայացուցչության ղեկավար նշանակելու մասին։ Նա հայտարարեց ՀՀ կառավարության և գործընկերների հետ սերտ համագործակցությունը շարունակելու մտադրության մասին՝ ի նպաստ կայուն, ներառական և դիմակայուն զարգացման։

Այս կադրային փոփոխությունները կարող են վկայել միջազգային ֆինանսական կազմակերպությունների հետ ինստիտուցիոնալ փոխգործակցության պահպանման մասին, այդ թվում՝ մակրոտնտեսական աջակցության ծրագրերը և ներդրումային նախագծերը:

Շաբաթվա ամփոփում

Շաբաթը ցույց տվեց, որ հիմնական շեշտադրումը կենտրոնացած էր բանկային կարգավորման փոփոխությունների, վճարային ենթակառուցվածքների զարգացման և ներդրումային հատվածի վերափոխման վրա:

Armbanks Weekly Digest․ Հայաստանի ֆինանսական շուկայի առանցքային իրադարձությունները (ապրիլի 27–ից մայիսի 3–ը)

ԵՐԵՎԱՆ, 4 մայիսի․/ԱՌԿԱ/․ Անցած շաբաթ Հայաստանում ուշադրության կենտրոնում էին բանկերի հարկման փոփոխությունները, վճարային ծառայությունների մասին նոր օրենքի մշակումը և ներդրումային ընկերությունների տրանսֆորմացիոն գործընթացները: Տեղի են ունեցել նաև կադրային փոփոխություններ միջազգային ֆինանսական կառույցներում, արժութային դինամիկան եղել է չափավոր:

1. Բանկեր և հարկում. բանկերի բաժնետերերի շահաբաժինների հարկը նախատեսվում է բարձրացնել մինչև 15%

Հայաստանի կառավարությունը ապրիլի 30-ին հավանություն է տվել Հարկային օրենսգրքում և «Պետական տուրքի մասին» օրենքում փոփոխություններին, որոնք նախատեսում են, մասնավորապես, բանկային հատվածի հարկման փոփոխություն: Շահույթը բաժնետերերին բաշխելու դեպքում շահաբաժինների հարկի տոկոսադրույքը կկազմի ոչ թե ստանդարտ 5%, այլ 15%:

Բանկային հատվածի համար սա կարող է կապված լինել համակարգից կապիտալի արտահոսքի կարգավորման և ռեսուրսային բազայի պահպանման հետ և կազդի շահույթի բաշխման քաղաքականության, բանկերի կապիտալիզացիայի և ներդրումների եկամտաբերության կառավարման հարցում բաժնետերերի մոտեցումների վրա:

2. Վճարումներ և ֆինտեխ. ԿԲ-ն մշակում է վճարային ծառայությունների մասին նոր օրենք

 Հայաստանում մշակվում է վճարային ծառայությունների մասին նոր օրենք, հայտարարել է ՀՀ ԿԲ նախագահի տեղակալ Հովհաննես Խաչատրյանը ապրիլի 28-ին կայացած Fintech 360 ֆորումի ժամանակ: Թարմացված նորմատիվային բազան կոչված է ուժեղացնել կորպորատիվ կառավարման և վերահսկողության մեխանիզմները, ինչպես նաև բարձրացնել սպառողների պաշտպանվածության մակարդակը:

Օրենքը կհեշտացնի նոր մասնակիցների մուտքը շուկա և կնպաստի ռիսկերի վրա հիմնված կարգավորման ներդրմանը:

Նորմատիվային բազայի թարմացումը կարող է ֆիքսել վճարային շուկայի անցումը դեպի առավել տեխնոլոգիական մոդելի, որտեղ կարևոր նշանակություն ունեն հաշվարկների արագությունը, ռիսկերի վրա հիմնված կարգավորումը և հաճախորդների պաշտպանությունը:

3. Կապիտալի շուկա. AMX-ում տեղաբաշխվել են ավելի քան 112,5 մլրդ դրամի պետական պարտատոմսեր

Հայաստանի ֆոնդային բորսայում ապրիլի 29-ին տեղի են ունեցել ավելի քան 112,5 մլրդ դրամի պետական պարտատոմսերի տեղաբաշխման աճուրդներ: Տեղաբաշխվել են 1-ից 11 տարի մարման ժամկետով և 7,6-9% տարեկան արժեկտրոնային եկամտաբերությամբ պարտատոմսեր: Պետական պարտատոմսերը հասանելի են ինչպես AMX առևտրային հարթակում, այնպես էլ gp.minfin.am առցանց հարթակում:

Սա կարող է աջակցել պարտքային շուկայի իրացվելիությանը և ընդլայնել գործիքակազմը բանկերի, ինստիտուցիոնալ և մասնավոր ներդրողների համար:

4. Արժութային շուկա. դրամը շաբաթն ավարտեց դոլարի նկատմամբ չափավոր արժևորմամբ

Կենտրոնական բանկի տվյալներով՝ ապրիլի 27-ից 30-ը դոլարի փոխարժեքը 371,56 դրամից նվազել է մինչև 370,78 դրամ։ Եվրոյի փոխարժեքն այդ ժամանակահատվածում փոխվել է տարբեր ուղղություններով՝ 436,43-434,41 դրամի միջակայքում, իսկ ռուբլու փոխարժեքը նվազել է աննշան՝ 4,9449-ից մինչև 4,9378 դրամ։

Նման դինամիկան կարող է նշանակել պաշտոնական փոխարժեքների ամենօրյա ճշգրտման ռեժիմի պահպանում՝ առանց կտրուկ փոփոխությունների, ինչը նպաստում է հաշվարկների, վճարումների և ընկերությունների կարճաժամկետ արժութային պլանավորման կանխատեսելիությանը:

5. Ներդրումային հատված. «Արմբրոկը» ռեբրենդինգից հետո ներկայացված է որպես ROQ Capital

«Արմբրոկ» ներդրումային ընկերությունը ապրիլի 29-ին սկսել է իր գործունեությունը նոր բրենդի ներքո՝ ROQ Capital: Ընկերությունն իր հիմնական առաքելությունն է համարում միջազգային չափանիշներին համապատասխան ներդրումային ծառայությունների մատուցումը և ձգտում է լինել վստահելի գործընկեր ինչպես հայաստանյան, այնպես էլ միջազգային ներդրողների համար:

Այս տրանսֆորմացիան կարող է վկայել ընկերության պրոդուկտային գծի և կորպորատիվ ինքնության թարմացման, ինչպես նաև ներդրումային ծառայությունների շուկայի փոփոխվող պայմաններին հարմարվելու մասին:

6. Միջազգային կառույցներ. կադրային փոփոխություններ Հայաստանում ԱՄՀ-ում և ԱԶԲ-ում

Հայաստանում ԱՄՀ նոր մշտական ներկայացուցիչն օգոստոսից կլինի Նատալյա Նովտան՝ այդ պաշտոնում փոխարինելով Ումանգ Ռավաթին։ Ապրիլի 29-ին ՀՀ փոխվարչապետ Տիգրան Խաչատրյանի հետ կայացած հանդիպման ժամանակ նա վերահաստատել է իր մասնագիտական կարողությունները երկրի և ԱՄՀ-ի միջև արդյունավետ համագործակցության հետագա ամրապնդմանն ուղղելու պատրաստակամությունը։

Նույն օրը Ասիական զարգացման բանկը հայտնեց Լյազիզա Սաբիրովային Հայաստանում ԱԶԲ մշտական ներկայացուցչության ղեկավար նշանակելու մասին։ Նա հայտարարեց ՀՀ կառավարության և գործընկերների հետ սերտ համագործակցությունը շարունակելու մտադրության մասին՝ ի նպաստ կայուն, ներառական և դիմակայուն զարգացման։

Այս կադրային փոփոխությունները կարող են վկայել միջազգային ֆինանսական կազմակերպությունների հետ ինստիտուցիոնալ փոխգործակցության պահպանման մասին, այդ թվում՝ մակրոտնտեսական աջակցության ծրագրերը և ներդրումային նախագծերը:

Շաբաթվա ամփոփում

Շաբաթը ցույց տվեց, որ հիմնական շեշտադրումը կենտրոնացած էր բանկային կարգավորման փոփոխությունների, վճարային ենթակառուցվածքների զարգացման և ներդրումային հատվածի վերափոխման վրա: