Ամառվա առաջին օրը Հայաստանում վաղուց արդեն դարձել է առանձնահատուկ օր՝ լի ուրախությամբ և հետաքրքիր իրադարձություններով։ Երեխաների պաշտպանության միջազգային օրը ամեն տարի վերածվում է երկրի ամենազգացմունքային, մասշտաբային և իսկապես ընտանեկան տոներից մեկի։
Ընտանեկան ժամանցի և մանկական տոնակատարությունների նկատմամբ աճող հետաքրքրության ֆոնին հենց հունիսի 1-ն է դառնում սպառողական ակտիվության կարևոր շարժիչ ուժ՝ ազդելով նաև էլեկտրոնային առևտրի շուկայի վրա։ Այս շրջանում հատկապես նկատելի է, թե որքան արագ են փոխվում ծնողների պահանջներն ու նախասիրությունները․ ուշադրության կենտրոնում են ոչ միայն նվերները, այլև անվտանգությունը, որակը, զարգացնող ձևաչափ ունեցող ապրանքներն ու այն տպավորությունները, որոնք երեխաները երկար կհիշեն։
Հայաստանը՝ ԱՊՀ երկրների շարքում Երեխաների պաշտպանության օրվա տոնակատարությունների ներգրավվածության առաջատար
RWB հետազոտական կենտրոնի տվյալներով՝ Հայաստանի բնակիչները ցուցաբերում են ամենաբարձր ներգրավվածությունը Երեխաների պաշտպանության միջազգային օրվա տոնակատարությունների նկատմամբ ԱՊՀ երկրների շարքում։
Տոնի վերաբերյալ իրազեկվածությունը երկրում հասել է 98%-ի, իսկ հարցվածների 96%-ը հունիսի 1-ն ընկալում է որպես կարևոր և լիարժեք ընտանեկան օր։ Բնակիչների 48%-ի համար այս օրը նախևառաջ ասոցացվում է երեխաների համար նվերների և հաճելի անակնկալների հետ, ևս 46%-ը տոնը կապում է ընտանեկան ակտիվ ժամանցի և քաղաքային միջոցառումների հետ։ Միաժամանակ հարցվածների մեկ երրորդը կարևորում է նաև օրվա սոցիալական նշանակությունը՝ կապված երեխաների իրավունքների պաշտպանության հետ։
Հայկական ընտանիքների տոնական ծրագրերը ևս արտացոլում են ներգրավվածության բարձր մակարդակը․ բնակիչների շուրջ 75%-ը պատրաստվում է նշել այս օրը, իսկ ընտանիքների գրեթե կեսը ծրագրում է մասնակցել քաղաքային տոնական միջոցառումներին։
Հետազոտությունը ցույց է տալիս նաև, որ Հայաստանում նվերների մշակույթը վաղուց արդեն դուրս է եկել միայն ամենամոտ ընտանիքի շրջանակներից։ Բացի սեփական երեխաներից, բնակիչները ակտիվորեն նվերներ են պատրաստում նաև զարմիկների, ընկերների և հարազատների երեխաների համար։
Նվերի միջին բյուջեն կազմում է մոտ 10 000 դրամ
Ապրանքների ընտրության հիմնական չափանիշներն են մնում անվտանգությունն ու սերտիֆիկացումը, որոնց ուշադրություն է դարձնում գնորդների 48%-ը։ Եվս 39%-ը կարևորում է նվերի զարգացնող արժեքը, իսկ 37%-ը՝ տեսողական գրավչությունն ու էմոցիոնալ ազդեցությունը։
«Մեզ համար հատկապես արժեքավոր է տեսնել, որ Հայաստանում Երեխաների պաշտպանության միջազգային օրը ընկալվում է ոչ թե որպես պարզապես օրացուցային ամսաթիվ, այլ որպես իսկապես կարևոր ընտանեկան տոն։ Հետազոտությունը ցույց է տալիս ընտանիքների ներգրավվածության շատ բարձր մակարդակ, իսկ հարթակի անալիտիկան հաստատում է որակյալ, անվտանգ և զարգացնող մանկական ապրանքների նկատմամբ աճող պահանջարկը», — նշել է Հայաստանում Wildberries-ի տարածաշրջանային տնօրեն Դավիթ Միրզոյանը։
Պահանջարկի դինամիկան և միտումները հունիսի 1-ի նախաշեմին
Wildberries-ի անալիտիկան արձանագրում է Հայաստանում սպառողական ակտիվության նկատելի աճ՝ Երեխաների պաշտպանության միջազգային օրվա նախաշեմին՝ նախորդ տարվա նույն ժամանակահատվածի համեմատ։ Սեզոնային պահանջարկը կենտրոնացած է մի քանի հիմնական ուղղությունների շուրջ՝ մանկական աքսեսուարներ, տոնական ապրանքներ, խաղալիքներ, գրքեր, հագուստ, ձեռագործության և սպորտային կատեգորիաներ։ Դրանք միասին ձևավորում են նախատոնական շրջանի կայուն հիմքը և արտացոլում ընտանիքների տրամադրվածությունը՝ հունիսի 1-ը նշելու որպես կարևոր ընտանեկան իրադարձություն։
Առանձին կատեգորիաներում հատկապես նկատվում են աճի բարձր տեմպեր։ Մանկական օծանելիքների պահանջարկը ցուցաբերում է կայուն աճ, բերմուդաների պահանջարկն աճել է 186%-ով, ստեղծագործական դեկորատիվ նյութերինը՝ 157%-ով։ Էական աճ են գրանցել նաև խաղային կահույքը՝ 83%, և ճոճվող խաղալիքները՝ 76%։ Զարգացման և ուսուցման ապրանքների սեգմենտում աճել է հետաքրքրությունը բառարանների նկատմամբ՝ 47%, և բուկինիստական գրքերի նկատմամբ՝ 31%։ Խաղալիքների շարքում աճում է նաև խաղային հավաքածուների և տեխնիկայի պահանջարկը՝ 43%, իսկ տիկնիկների սայլակներինը՝ 24%։
Այս դինամիկան արտացոլում է ավելի լայն միտում․ տոնն ավելի ու ավելի քիչ է ընկալվում բացառապես որպես նվեր գնելու առիթ և ավելի շատ՝ որպես երեխայի համար էմոցիաներ, փորձառություն և ներգրավվածություն ստեղծելու հնարավորություն։ Առաջին պլան են դուրս գալիս այն ապրանքները, որոնք միավորում են խաղը, զարգացումն ու ստեղծագործությունը՝ ձևավորելով մանկական գնումների նկատմամբ ավելի խորքային և բովանդակային մոտեցում նախատոնական շրջանում։
Wildberries-ն ընտանեկան միջոցառում կկազմակերպի Հաղթանակ զբոսայգում
Այս տարի Wildberries-ը որոշել է տոնական տրամադրությունը պահպանել ոչ միայն օնլայն, այլև օֆլայն ձևաչափում։
Հունիսի 1-ին ընկերությունը Հաղթանակի զբոսայգում կկազմակերպի մանկական ինտերակտիվ միջոցառում։ Միջոցառման շրջանակում այգում կտեղադրվի Wildberries-ի ինտերակտիվ տաղավար՝ երեխաների համար նախատեսված թեմատիկ գոտիներով։
Հյուրերի համար նախատեսված է հագեցած ժամանցային ծրագիր, որը ներառում է մանկական բոուլինգ, վարպետաց դասեր և ստեղծագործական ակտիվություններ, կոլեկտիվ գունազարդումներ, պրոֆեսիոնալ ակվագրիմ, ինչպես նաև մրցույթներ, խաղեր և նվերների խաղարկություններ։
«Մենք ցանկանում ենք, որ Հայաստանում Wildberries-ը ասոցացվի ոչ միայն օնլայն գնումների, այլև ընտանիքների և երեխաների համար իրական դրական էմոցիաների հետ։ Հենց այդ պատճառով այս տարի որոշեցինք դուրս գալ օֆլայն հարթակ և միանալ քաղաքի տոնական ավանդույթներին։ Մեզ համար կարևոր է դառնալ այն պահերի մի մասը, որոնք երեխաները տարիներ անց կհիշեն ժպիտով», — ընդգծել է Դավիթ Միրզոյանը։
Կազմակերպիչները նշում են, որ միջոցառման գլխավոր նպատակը երեխաների և նրանց ծնողների համար իսկական ընտանեկան տոնի մթնոլորտ ստեղծելն ու ամառվա առաջին օրը վառ էմոցիաներ պարգևելն է։
