Category: BanksNews.am

Ամենահետաքրքիր գաղափարները միշտ չէ, որ ծնվում են գրասենյակներում։ Երբեմն դրանք ծնվում են վրաններում, քննարկումների ու բազմաթիվ ստարտափների միջավայրում։ Seaside Startup Summit-ն այս տարի կրկին համախմբել է հարյուրավոր մարդկանց մեկ նպատակի շուրջ՝ ստեղծելու վաղվա տեխնոլոգիական լուծումները։

Նորարարական լուծումների շարքում իր հարթակը ներկայացրեց նաև IDBank-ը։ Summit-ի բեմում Rate.Trading-ի հնարավորությունների մասին խոսեց հարթակի կոմերցիոն ղեկավար Հմայակ Ավանեսյանը՝ ներկայացնելով արտարժույթի առքուվաճառքի նոր մոտեցումը Հայաստանում։

«Rate.Trading-ը Հայաստանում արտարժույթի փոխանակման նոր հարթակ է։ Այն հնարավորություն է տալիս գնել և վաճառել ինը տեսակի արտարժույթ՝ շահավետ փոխարժեքներով։ Հարթակը ֆիզիկական և իրավաբանական անձանց հնարավորություն է տալիս բանկին առաջարկել նաև իրենց փոխարժեքները, ինչը փոխարկման պայմանները դարձնում է ավելի շահավետ և ճկուն», – ընդգծեց Rate.Trading հարթակի կոմերցիոն ղեկավար Հմայակ Ավանեսյանը։

Rate.Trading-ն առաջարկում է մի շարք առավելություններ․

• Հարմարավետություն․ Հարթակն օգտատերերին հնարավորություն է տալիս ընտրել տվյալ պահին առաջարկվող լավագույն փոխարժեքը և կատարել գործարքը: Բացի այդ, կարելի է առաջարկել նաև սեփական գինը, հայտը բավարարելու դեպքում, Բանկի հետ գործարքը կկատարվի ավտոմատ կերպով:
• 9 արտարժույթ` մեկ հարթակում․ Գործարքներ կարելի է իրականացնել դրամով, դոլարով, եվրոյով, ինչպես նաև ֆունտով, դիրհամով, յուանով, իենով և շվեյցարական ֆրանկով։
• Անվտանգություն․Trading-ի աշխատանքը կառուցված է IDBank–ի թվային ենթակառուցվածքի հետ ինտեգրման հիման վրա: Օգտատերը պարզապես գրանցվում է Rate.Trading-ում, անվտանգ սինքրոնացնում իր բանկային և առևտրային հաշիվները և անմիջապես իրականացնում արտարժույթի գործարքներ։

Պարզ ինտերֆեյսի, ամբողջությամբ թվայնացված գործընթացների և առաջատար թվային բանկի աջակցման շնորհիվ Rate.Trading-ը դառնում է հարմար գործիք նրանց համար, ովքեր փնտրում են շահավետ փոխարժեքներ և գնահատում իրենց ժամանակը:

      ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

IDBank-ի աջակցությամբ բացվեց Khachaturian Rooftop-ը. ՏԵՍԱՆՅՈՒԹ

Բաժանորդագրվեք մեր ալիքին Telegram-ում

2026 թվականի հունվար-հունիս ամիսներին, նախորդ տարվա նույն ժամանակահատվածի համեմատ, Հայաստանի տնտեսական ակտիվության ցուցանիշը (ՏԱՑ) կազմել է 7,9%: Հուլիսի 30-ին կայացած Կառավարության նիստի ընթացքում այս մասին հայտնել է վարչապետ Նիկոլ Փաշինյանը։

Ոլորտային աճն ու իրավիճակը

Ըստ վարչապետի ներկայացրած տվյալների՝ տնտեսության հիմնական ճյուղերում արձանագրվել են հետևյալ ցուցանիշները․

• Շինարարություն — 24% աճ,
• Ծառայություններ — 11% աճ,
• Արդյունաբերություն — 10% աճ։

Նիկոլ Փաշինյանը նշել է նաև, որ 2026 թվականի հունիսին, 2025-ի հունիսի համեմատ, ՏԱՑ-ն աճել է 7,7%-ով, իսկ զբոսաշրջության ոլորտում նոր ռեկորդներ սահմանելու բարձր հավանականություն կա։ Միևնույն ժամանակ, վարչապետն ընդունել է, որ գյուղատնտեսության ոլորտում դեռևս առկա են որոշակի խնդիրներ։

Moody’s-ի գնահատականն ու աշխարհաքաղաքական գործոնները

Անդրադառնալով միջազգային գնահատականներին՝ կառավարության ղեկավարը հիշեցրել է, որ հուլիսի 28-ին Moody’s վարկանիշային գործակալությունը Հայաստանի սուվերեն վարկանիշի հեռանկարը «կայուն»-ից բարձրացրել է «դրական» մակարդակի՝ երկարաժամկետ վարկանիշը հաստատելով Ba3 աստիճանում։

Գործակալության դրական կանխատեսման հիմնական պատճառներն են․

• Աշխարհաքաղաքական ռիսկերի նվազումը (Ադրբեջանի հետ լայնամասշտաբ ռազմական հակամարտության հավանականության կրճատում),
• Թուրքիայի հետ հարաբերությունների կարգավորման ընթացքը,
• Արտաքին գործընկերների դիվերսիֆիկացիան։

«Գործակալությունը 2026-2027 թվականների համար Հայաստանում կանխատեսում է 5-5,5% տնտեսական աճ», — եզրափակել է վարչապետը։

Բաժանորդագրվեք մեր ալիքին Telegram-ում

Խորհրդատվական հսկա Boston Consulting Group (BCG)-ն հրապարակել է իր առաջին «Խելացի քաղաքների ինդեքսը»։

Ըստ timeout.com կայքի՝ աշխարհի 61 խոշորագույն քաղաքները գնահատվել են՝ հիմնվելով այն բանի վրա, թե որքան արդյունավետ են նրանք օգտագործում արհեստական ​​բանականությունը և թվային տեխնոլոգիաները իրենց բնակիչների կյանքը բարելավելու համար։

Ինդեքսը գնահատում է յուրաքանչյուր քաղաք հինգ չափանիշով, այդ թվում՝ արդյունքներ, ռազմավարություն, իրականացում, թե որքան լավ են կառավարությունները իրականում իրականացնում ծրագրերը, և ավելի լայն «գործոններ», ինչպիսիք են ֆինանսավորումը, տաղանդը և ենթակառուցվածքները։ Այս գնահատականների հիման վրա քաղաքները դասակարգվում են չորս մակարդակներից մեկի՝ առաջնորդներ, առաջադեմներ, զարգացածներ և զարգացողներ։

Ո՞վ է առաջնորդում ճանապարհը

Լոնդոնը գլխավորում է 2026 թվականի ցուցակը, որը, ըստ BCG-ի, ամենաբարձր միավորներն է ստացել բնակիչների բարեկեցության չափանիշներով՝ կյանքի որակից մինչև տնտեսական հնարավորություններ։ Նրան անմիջապես հաջորդում են Դուբայը, Նյու Յորքը, Վաշինգտոնը և Ամստերդամը՝ լրացնելով լավագույն հնգյակը։

Եզրակացություններ

Զեկույցը նաև ցույց է տալիս, որ արհեստական ​​բանականության նկատմամբ ոգևորությունը չի սահմանափակվում միայն աշխարհի ավանդական տեխնոլոգիական կենտրոններով։ Աֆրիկայի, Ասիայի և Մերձավոր Արևելքի քաղաքները հայտնել են բնակիչների շրջանում GenAI գործիքների ամենօրյա օգտագործման ամենամեծ ոգևորության մասին, ինչը ապացուցում է, որ սա միայն Սիլիկոնյան հովտի կամ Շենժենի պատմություն չէ։

Աշխարհի 20 ամենախելացի քաղաքները 2026 թվականին

1. Լոնդոն
2. Դուբայ
3. Նյու Յորք
4. Վաշինգտոն, Կոլումբիայի շրջան
5. Ամստերդամ
6. Բեռլին
7. Սան Ֆրանցիսկո
8. Շանհայ
9. Պեկին
10. Սեուլ
11. Սինգապուր
12. Վիեննա
13. Կոպենհագեն
14. Շենժեն
15. Բոստոն
16. Լոս Անջելես
17. Ստոկհոլմ
18. Ցյուրիխ
19. Մյունխեն
20. Աբու Դաբի

Բաժանորդագրվեք մեր ալիքին Telegram-ում

ՀՀ կառավարությունն այսօրվա նիստում որոշում է ընդունել 6 ամիս ժամկետով արգելել տոմատի մածուկի ներմուծումը Հայաստանի Հանրապետության տարածք։ Սահմանափակումը տարածվում է ինչպես երրորդ երկրներից, այնպես էլ ԵԱՏՄ անդամ պետություններից իրականացվող մատակարարումների վրա։

Ըստ որոշման հիմնավորման՝ այս քայլն ուղղված է տեղական արտադրողների պաշտպանությանն ու աջակցմանը։

«Սահմանափակման արդյունքում կավելանան տեղական արտադրության տոմատի մածուկի իրացման ծավալները և կմեծանա տեղական լոլիկի պահանջարկը։ Սա հնարավորություն կտա վերամշակող ընկերություններին ամբողջ ծավալով մթերել ֆերմերների առաջարկած բերքը»,- նշված է փաստաթղթում։

Բաժանորդագրվեք մեր ալիքին Telegram-ում

2026 թվականի առաջին կիսամյակի (հունվար-հունիս) տվյալներով՝ Հայաստանի 1000 խոշոր հարկ վճարողների ցանկում ներառվել են մի շարք առաջատար բարձրագույն ուսումնական հաստատություններ: BanksNews.am-ը, հիմնվելով Պետական եկամուտների կոմիտեի (ՊԵԿ) տրամադրած տվյալների վրա, ներկայացնում է ամենախոշոր հարկատու բուհերի վարկանիշային ցանկը:

Լավագույն եռյակը

• Երևանի պետական համալսարան (ԵՊՀ) – Ավանդաբար գլխավորում է ցանկը: ԵՊՀ-ն պետական բյուջե է վճարել 1 մլրդ 734 մլն 551 հազար դրամ՝ զբաղեցնելով 105-րդ հորիզոնականը:
• Երևանի Մ. Հերացու անվան պետական բժշկական համալսարան (ԵՊԲՀ) – Չնչին տարբերությամբ հետևում է առաջատարին: Բուհը վճարել է 1 մլրդ 732 մլն 145 հազար դրամ (106-րդ տեղ):
• Հայաստանի Ամերիկյան համալսարան (ՀԱՀ) – Եզրափակում է լավագույն եռյակը՝ 926 մլն 705 հազար դրամ հարկային մուտքերով (202-րդ տեղ):

Մյուս առաջատար բուհերի ցուցանիշները

Խոշոր հարկատուների ցանկում ընդգրկվել են նաև հետևյալ համալսարանները.

• Հայաստանի ազգային պոլիտեխնիկական համալսարան – 798 մլն 193 հազար դրամ (249-րդ տեղ)
• Ռուս-հայկական համալսարան (ՌՀՀ) – 745 մլն 342 հազար դրամ (269-րդ տեղ)
• Հայաստանի պետական տնտեսագիտական համալսարան (ՀՊՏՀ) – 528 մլն 336 հազար դրամ (379-րդ տեղ)
• Ճարտարապետության և շինարարության Հայաստանի ազգային համալսարան (ՃՇՀԱՀ) – 462 մլն 568 հազար դրամ (419-րդ տեղ)
• Խ. Աբովյանի անվան հայկական պետական մանկավարժական համալսարան (ՀՊՄՀ) – 415 մլն 869 հազար դրամ (479-րդ տեղ)
• Վ. Բրյուսովի անվան պետական համալսարան – 362 մլն 271 հազար դրամ (567-րդ տեղ)
• Հայաստանի ազգային ագրարային համալսարան (ՀԱԱՀ) – 308 մլն 541 հազար դրամ (690-րդ տեղ)
• Հայաստանում ֆրանսիական համալսարան (ՀՖՀՀ) – 257 մլն 196 հազար դրամ (805-րդ տեղ)

Բաժանորդագրվեք մեր ալիքին Telegram-ում

Հուլիսի 30-ին ներկայացված տարադրամի փոխարժեքները կանխիկ գործարքների համար հետևյալն են.

ԱՄՆ դոլարի առքի առավելագույն արժեք է սահմանվել 364.50 դրամը, վաճառքի նվազագույն արժեք՝ 367.5 դրամը:

ԱՄՆ դոլարի առքի միջինացված արժեք է սահմանվել 363 դրամը, վաճառքի միջին փոխարժեք՝ 368.30 դրամը:

Եվրոյի առքի առավելագույն արժեք է սահմանվել է 414 դրամը, վաճառքի նվազագույն արժեք՝ 419 դրամը:

Եվրոյի առքի միջինացված արժեք է սահմանվել 411.97 դրամ, վաճառքի միջին փոխարժեք՝ 423.97 դրամ:

Ռուսական ռուբլու առքի առավելագույն արժեք է սահմանվել 4.48 դրամը, վաճառքի նվազագույն արժեք՝ 4.66 դրամը:

Ռուսական ռուբլու առքի միջինացված արժեք է սահմանվել 4.38 դրամը, վաճառքի միջին արժեք՝ 4.77 դրամը:

Բանկերի, փոխանակման կետերի, վարկային կազմակերպությունների ներկայացրած փոխարժեքների վերաբերյալ մանրամասն տեղեկատվությունն՝ այստեղ:

Բաժանորդագրվեք մեր ալիքին Telegram-ում

Ցանկացած պահի մենք ունենք երկու տարբերակ՝ քայլ անել առաջ դեպի աճ կամ վերադառնալ անվտանգ վայր։

Աբրահամ Մասլոու — ամերիկացի հոգեբան, հումանիստական ​​հոգեբանության հիմնադիր

Փոփոխությունը կյանքի օրենքն է։ Եվ նրանք, ովքեր նայում են միայն անցյալին կամ միայն ներկային, անկասկած կբաց թողնեն ապագան։

Ջոն Ֆ. Քենեդի — ամերիկացի քաղաքական գործիչ, ԱՄՆ 35-րդ նախագահ

Հոգու զույգի նպատակն է ցնցել ձեզ, թեթևակի ցնցել ձեր էգոն, բացել ձեզ նոր հնարավորությունների համար, պատռել ձեր սիրտը, որպեսզի լույսը փայլի ներսից, որպեսզի դուք ավելի հուսահատ դառնաք, որպեսզի վերջապես որոշեք փոխել ձեր կյանքը։

Էլիզաբեթ Գիլբերտ — ամերիկացի գրող, «Ուտել, աղոթել, սիրել» բեսթսելլերի հեղինակ

Փոփոխության գաղտնիքը նորը ստեղծելու վրա կենտրոնանալն է, այլ ոչ թե հնի դեմ պայքարելը։

Սոկրատես — հին հույն փիլիսոփա

Նույնիսկ ամենավատ հանգամանքներում կան դրական փոփոխությունների հնարավորություններ։

Էրազմուս Ռոտերդամցի — հոլանդացի փիլիսոփա և աստվածաբան

Ճանապարհի շրջադարձը ճանապարհի վերջը չէ, եթե, իհարկե, ժամանակ ունեք շրջվելու։

Հելեն Քելլեր — ամերիկացի գրող, դասախոս և քաղաքական ակտիվիստ

Այս աշխարհում ամեն ինչ վաղ թե ուշ կործանվում է։ Սա չպետք է հուսահատության պատճառ լինի։ Ոմանք սիրում են կառուցել, ոմանք՝ քանդել։

Օշո — հնդիկ կրոնական և հոգևոր առաջնորդ

Սա կյանքում կարող է պատահել լավագույն բանը։ Երբ ձեզ ազատում են աշխատանքից, դուք դադարում եք քայլել ջրի երեսին և սկսում եք փոփոխություններ կատարել ձեր կյանքում։

Չակ Պալանիկ — ամերիկացի գրող, «Մարտական ​​ակումբ» վեպի հեղինակ

Պարզապես նայեք իրերին այլ կերպ, և կյանքը կհոսի այլ ուղղությամբ։

Յուկիո Միշիմա — ճապոնացի գրող և դրամատուրգ

Առաջընթացն անհնար է առանց փոփոխության, և նրանք, ովքեր չեն կարողանում փոխել իրենց միտքը, չեն կարող ոչինչ փոխել։

Ջորջ Բեռնարդ Շոու — իռլանդացի դրամատուրգ և վիպասան, Նոբելյան մրցանակի դափնեկիր

Բաժանորդագրվեք մեր ալիքին Telegram-ում

Ժամանակակից բիզնես աշխարհում կանայք գնալով ավելի մեծ դեր են ստանձնում՝ ղեկավարելով բազմամիլիարդանոց կորպորացիաներ, ներդրումային հիմնադրամներ և տեխնոլոգիական ընկերություններ։ Նրանց որոշումները ազդեցություն են ունենում համաշխարհային ֆինանսական շուկաների, նորարարությունների, արտադրության և միլիոնավոր մարդկանց առօրյա կյանքի վրա։

Այսօր աշխարհի խոշորագույն ընկերություններից շատերի ղեկին կանգնած են կանայք, որոնք հաջողությամբ իրականացնում են թվային փոխակերպումներ, զարգացնում կայուն բիզնես մոդելներ և նպաստում միջազգային տնտեսության աճին։

1. Մերի Բարրա (Mary Barra)

General Motors-ի նախագահ և գլխավոր գործադիր տնօրեն Մերի Բառան համարվում է ավտոմոբիլային արդյունաբերության ամենաազդեցիկ ղեկավարներից մեկը։

Նրա ղեկավարությամբ General Motors-ը զգալի ներդրումներ է կատարել էլեկտրական ավտոմեքենաների, ինքնավար կառավարման համակարգերի և ծրագրային լուծումների զարգացման ուղղությամբ՝ նպատակ ունենալով ամրապնդել դիրքերը ապագայի ավտոշուկայում։

2. Ջեյն Ֆրեյզեր (Jane Fraser)

Citigroup-ի գլխավոր տնօրեն Ջեյն Ֆրեյզերը պատմության մեջ առաջին կինն է, որը ղեկավարել է ամերիկյան խոշոր գլոբալ բանկերից մեկը։

Նա ղեկավարում է հարյուրավոր միլիարդավոր դոլարների ակտիվներ և իրականացնում է բանկի գործունեության լայնածավալ վերափոխումներ՝ կենտրոնանալով թվայնացման և ռիսկերի կառավարման վրա։

3. Ջուլի Սուիթ (Julie Sweet)

Accenture ընկերության գլխավոր տնօրեն Ջուլի Սուիթը համարվում է թվային տեխնոլոգիաների և բիզնես խորհրդատվության ոլորտի ամենաազդեցիկ ղեկավարներից մեկը։

Նրա ղեկավարությամբ ընկերությունը մեծ ներդրումներ է կատարում արհեստական բանականության, ամպային տեխնոլոգիաների և թվային փոխակերպման նախագծերում՝ համագործակցելով աշխարհի խոշորագույն կազմակերպությունների հետ։

4. Էբիգեյլ Ջոնսոն (Abigail Johnson)

Fidelity Investments-ի նախագահ և գլխավոր տնօրեն Էբիգեյլ Ջոնսոնը ղեկավարում է աշխարհի խոշորագույն ներդրումային և ակտիվների կառավարման ընկերություններից մեկը։

Նա համարվում է համաշխարհային ֆինանսական շուկաների ամենաազդեցիկ ղեկավարներից և ակտիվորեն աջակցում է ֆինանսական տեխնոլոգիաների զարգացմանը։

5. Քորեն Լինչ (Karen Lynch)

CVS Health-ի նախկին գլխավոր տնօրեն Քորեն Լինչը առողջապահական ոլորտի ամենահայտնի ղեկավարներից մեկն է։

Նրա ղեկավարության տարիներին ընկերությունը մեծացրել է ներդրումները թվային առողջապահության, դեղատնային ծառայությունների և բժշկական ապահովագրության ոլորտներում։

6. Էմմա Ուոլմսլի (Emma Walmsley)

GlaxoSmithKline (GSK) դեղագործական ընկերության գլխավոր տնօրեն Էմմա Ուոլմսլին առաջին կինն է, որը ղեկավարել է ընկերությունը։

Նա մեծ ուշադրություն է դարձրել դեղագործական նորարարություններին, պատվաստանյութերի մշակմանը և գիտահետազոտական ծրագրերի ընդլայնմանը։

7. Գեյլ Բուդրո (Gail K. Boudreaux)

Elevance Health ընկերության գլխավոր տնօրեն Գեյլ Բուդրոն առողջապահական ապահովագրության ոլորտի ամենաազդեցիկ ղեկավարներից է։

Նրա ղեկավարությամբ ընկերությունը զարգացնում է թվային առողջապահական ծառայություններ և առողջապահության կառավարման նոր մոդելներ։

8. Մելինդա Ֆրենչ Գեյթս (Melinda French Gates)

Մելինդա Ֆրենչ Գեյթսը հայտնի է որպես ձեռնարկատեր, ներդրող և բարեգործ։

Նա ներդրումներ է կատարում կանանց ձեռներեցության, առողջապահության, կրթության և նորարարական տեխնոլոգիաների զարգացման ծրագրերում՝ աջակցելով աշխարհի բազմաթիվ ստարտափների։

9. Սյուզան Վոյցիցկի (Susan Wojcicki)

Թեև նա այլևս չի ղեկավարում YouTube-ը, Սյուզան Վոյցիցկին շարունակում է համարվել տեխնոլոգիական ոլորտի ամենաազդեցիկ առաջնորդներից մեկը։

Նրա ղեկավարության ընթացքում YouTube-ը դարձավ աշխարհի խոշորագույն վիդեոհարթակներից մեկը՝ ունենալով միլիարդավոր օգտատերեր և ստեղծելով նոր հնարավորություններ բովանդակություն ստեղծողների համար։

10. Սաֆրա Քաց (Safra Catz)

Oracle ընկերության գլխավոր տնօրեն Սաֆրա Քացը տեխնոլոգիական ոլորտի ամենահաջող ղեկավարներից է։

Նա առանցքային դեր է ունեցել Oracle-ի ամպային ծառայությունների ընդլայնման, խոշոր միաձուլումների և միջազգային բիզնեսի զարգացման գործում։

Ինչո՞վ են առանձնանում այս առաջնորդները

Միջազգային փորձագետների կարծիքով՝ այս կանանց հաջողության հիմքում մի քանի ընդհանուր հատկանիշներ են.

• ռազմավարական և երկարաժամկետ մտածողություն,
• նորարարությունների արագ ներդրում,
• արդյունավետ թիմային կառավարում,
• ճգնաժամային իրավիճակներում արագ որոշումներ կայացնելու կարողություն,
• տեխնոլոգիական փոփոխություններին հարմարվելու պատրաստակամություն,
• ֆինանսական կարգապահություն և ռիսկերի արդյունավետ կառավարում։

Կանանց դերը համաշխարհային բիզնեսում

Վերջին տարիներին խոշոր միջազգային ընկերություններում կանանց ներկայացվածությունը ղեկավար պաշտոններում կայուն աճ է գրանցում։ Հետազոտությունները ցույց են տալիս, որ բազմազան ղեկավար կազմ ունեցող կազմակերպությունները հաճախ ցուցաբերում են ավելի բարձր արդյունավետություն, ավելի լավ են կառավարում ռիսկերը և ավելի արագ են հարմարվում շուկայի փոփոխություններին։

Այսօր կանայք ղեկավարում են համաշխարհային ֆինանսների, տեխնոլոգիաների, առողջապահության, ավտոմոբիլային արդյունաբերության և խորհրդատվության ոլորտների առաջատար ընկերությունները՝ ապացուցելով, որ հաջող բիզնեսի հիմքում առաջնորդության հմտություններն են, մասնագիտական փորձը և ռազմավարական տեսլականը։

Բաժանորդագրվեք մեր ալիքին Telegram-ում

Բոլորն են ցանկանում իրենց հանգիստը պլանավորել արդյունավետ։ Շատերը նախընտրում են լինել տարբեր երկրներում, ուսումնասիրել նոր մշակույթներ։ Իսկ թե ուր գնալ, ընտրությունը պայմանավորված է մի շարք հանգամանքներով։

Պետք է խոստովանել, որ ներկայիս անկայուն աշխարհում զբոսաշրջային ուղղություն ընտրելը բարդ է։ Այդուհանդերձ, նույնիսկ այս պայմաններում 2025թ․-ին զբոսաշրջիկների թվաքանակն աշխարհում 2019թ․-ի համեմատ աճել է 4%-ով։

Զբոսաշրջության վերելքը հատկապես տեսանելի է Մերձավոր Արևելքի, Հս․ Ամերիկայի և Հրվ․ Ամերիկայի որոշ հատվածներում։ Դիտարկենք այն 7 երկրները, որոնք ամենաշատն են կորցրել և հակառակը` ներգրավել զբոսաշրջիկների 2025թ․-ին՝ 2019թ․-ի համեմատ․

Զարմանալիորեն զբոսաշրջիկների թվաքանակի 67%-ով աճ է արձանագրել Սաուդյան Արաբիան, որը երկար տարիներ անհասանելի է եղել զբոսաշրջիկների համար։

Զբոսաշրջիկների թվաքանակի աճով երկրորդ տեղում է Մարոկկոն, որը 2025թ․-ին 2019թ․-ի համեմատ ապահովել է 53%-ով աճ։ Այս ուղղությունը նաև Հայաստանում է բավականին հայտնի։

Երրորդ տեղում է Եգիպտոսը՝ 46% աճով։

Զբոսաշրջիկները չեն ցանկանում այցելել Իսրայել, որտեղ 2025թ․-ին 2019թ․-ի համեմատ արձանագրվել է զբոսաշրջիկների թվաքանակի անկում 71%-ով։ Սա, հավանաբար, պայմանավորված է ոչ թե երկրի բազմավեկտոր համագործակցությամբ, այլ միանգամից մի քանի երկրների հետ հակամարտությունների հրահրմամբ և ակտիվ մասնակցությամբ։

Զբոսաշրջիկների թվաքանակի կորստով երկրորդ հորիզոնականում է Իռլանդիան, որտեղ զբոսաշրջիկների թվաքանակը կրճատվել է 32%-ով։ Հաջորդիվ   Արգենտինան է՝ 23% անկումով։

Բաժանորդագրվեք մեր ալիքին Telegram-ում