Category: Civic.am

Կներեք, ուղիղ պիտի հարցնեմ՝ երբևիցե կաշառք վերցրե՞լ եք, թե՞ ոչ. Վիլեն Գաբրիելյանը՝ Հայկ Ֆարմանյանին

Պետական բյուջեի միջոցներով իրականացվող շինարարական ծրագրերի ընթացքի վերահսկողության նպատակով Քաղաքաշինության կոմիտեի նախագահ Եղիազար Վարդանյանը հերթական շրջայցն է կատարել կոմիտեի համակարգմամբ իրականացվող մի քանի ծրագրերի շինարարական հրապարակներ։ Այս մասին տեղեկացնում են Քաղաքաշինության կոմիտեից:

Արագածոտնի մարզում նա դիտարկել է Մալխաս և Ռոման Ամոյանների անվան նոր մարզադպրոցի կառուցման ծրագրի ընթացքը, շինարարի հետ քննարկել շինհրապարակում աշխատանքների կազմակերպմանն առնչվող հարցեր։ Իրականացվում են նկուղային հարկի բետոնացման, ջրամեկուսացման աշխատանքներ։

Հաջորդ կանգառը Ծաղկահովիտի առողջության կենտրոնի շինհրապարակում էր, որտեղ կատարվում են արտաքին բարեկարգման, շենքի երեսապատման աշխատանքներ։

Շրջայցը շարունակվել է Քուչակի միջնակարգ դպրոցում։ Կոմիտեի համակարգմամբ իրականացվում է դպրոցի նորոգման ծրագիր։ Արդեն ավարտված է ներքին հարդարումը, գույքի տեղադրումից առաջ ընթանում են մաքրման աշխատանքներ։ Իրականացվում են նաև բարեկարգման, մարզադաշտի, մարզահրապարակի և մարզադահլիճի նախապատրաստման աշխատանքներ։

Կոմիտեի նախագահն ուսումնասիրել է նաև Մելիքգյուղի միջնակարգ դպրոցի նորոգման ծրագրի ընթացքը։ Այստեղ ավարտվում են ներքին հարդարման աշխատանքները, տեղադրվում է որոշ դասասենյակների և մարզադահլիճի վինիլային հատակը, իրականացվում են արտաքին բարեկարգման, շենքի երեսապատման աշխատանքներ։

Հաջորդիվ կոմիտեի նախագահը եղել է Երևանի Սմբատ Բյուրատի անվան N 125 հիմնական դպրոցում, որի նորոգման աշխատանքներն ավարտական փուլում են։ Եղիազար Վարդանյանը կապալառուին հանձնարարել է ավելացնել աշխատուժը՝ ծրագիրը ուսումնական նոր տարվան ընդառաջ ավարտին հասցնելու համար։

Կոմիտեի նախագահը բոլոր ծրագրերի կապալառուների հետ քննարկել է շինարարության ընթացքի վերաբերյալ հարցեր, կատարել դիտարկումներ և տվել հանձնարարականներ։

Կառավարությունը քննարկում է 2027 թվականի հունվարի 1-ից մինչև 200.000 դրամ աշխատավարձ ստացող անձանց առողջության համապարփակ ապահովագրության համակարգում ներառելու հնարավոր տարբերակները: ՀՀ վարչապետ Նիկոլ Փաշինյանը պարզաբանել է, որ այս սեգմենտի համար հատուկ մոտեցում է մշակվում՝ հաշվի առնելով ստվերային շրջանառության ռիսկերը:

Խոսելով նպատակների մասին՝ վարչապետը նշեց. «Աշխատավարձերի ցածր սեգմենտում մեր համոզմունքով և իմացությամբ գործում է ստվերային որոշակի սխեմա, և Կառավարության համար խնդիր է նաև լուծել սոցիալական խնդիրը, բայց չխրախուսել ստվերը: Սա է պատճառը, որ այսպիսի քննարկումներ ենք ծավալում»:

Ըստ ներկայացված սցենարի՝ 2027 թվականին ապահովագրական վճարի բաշխումը կլինի հետևյալը. «Մեր մտածածը հետևյալն է, որ 2027 թվականի ընթացքում գուցե Կառավարությունը սուբսիդավորի անհրաժեշտ 10.800 դրամ ծախսի 4400 դրամը, աշխատողները վճարեն 2000 դրամ՝ այն 2000 դրամը, որոնք նախկինում վճարում էին «Զինապահ» հիմնադրամին, և պակասող 4400 դրամ հատվածը վճարեն գործատուները»,- ասաց Նիկոլ Փաշինյանը:

Վարչապետը հավելեց, որ 2028 թվականից մոդելը կփոխվի՝ կապվելով համընդհանուր հայտարարագրման հետ. «2028 թվականի հունվարի 1-ից արդեն գուցե թե մենք գործարկենք հետևյալ սցենարը, որ 10.800 դրամ ծախսի 6000 դրամը վճարի աշխատողը, որն ինքն արդյունքում հետ է ստանալու որպես սոցիալական կրեդիտ՝ համընդհանուր հայտարարագիրը լրացնելու պարագայում: Այսինքն՝ գործնականում քաղաքացու կյանքում շատ բան չի փոխվում: Իսկ մնացած պակասող 4800 դրամը շարունակի վճարել գործատուն»:

Նիկոլ Փաշինյանը նաև հորդորեց գործատուներին վերանայել իրենց որոշումները և հնարավորինս շատ աշխատողների վճարել 200.000 դրամից բարձր աշխատավարձ, որպեսզի նրանք ներառվեն ընդհանուր համակարգում:

Անդրադառնալով մատուցվող ծառայությունների որակին՝ նա ընդգծեց. «Որպեսզի մատուցվող ծառայությունների որակը լինի պատշաճ, համակարգը պետք է լինի ֆինանսապես առողջ, որովհետև որակը դա ծախս է: Մենք խնդիր ենք դրել, որ 2029 թվականի հունվարի 1-ի դրությամբ բնակչության բոլոր շերտերը պետք է ներառված լինեն համակարգում»:

Կառավարությունը նախատեսում է առաջիկա մեկ-երկու ամսվա ընթացքում կայացնել վերջնական որոշում՝ համակարգի ամբողջական ներդրման վերաբերյալ:

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության երրորդ վարչությունում քննվող քրեական վարույթի նախաքննության ընթացքում  իրականացված լայնածավալ վարութային և ապացուցողական գործողությունների արդյունքում առերևույթ փաստական տվյալներ են ձեռք բերվել այն մասին, որ ՀՀ-ում բնակվող օտարազգի քաղաքացիները օժանդակել են մաքսանենգությամբ՝ առանձնապես խոշոր չափերով՝ 25.5 կգ ափիոն և 3 կգ մարիխուանա տեսակի թմրամիջոցներն ապօրինի ՀՀ տեղափոխելուն: Այս մասին տեղեկացնում են ՀՀ քննչական կոմիտեից:

Մասնավորապես՝ վերոհիշյալ թմրամիջոցները ձեռք բերելուց հետո օտարազգի քաղաքացիներից մեկը փորձել է մաքսանենգությամբ ՀՀ-ից դեպի Գերմանիա ուղղությամբ՝ 2, Մեծ Բրիտանիա ուղղությամբ՝ 1 փաթեթ, ընդհանուր՝ 13.8 կգ քաշով ափիոն տեսակի թմրամիջոցի պարունակությամբ էլեկտրական ռելեներ ուղարկել, սակայն վերջինս ձերբակալվել է ՀՀ ՊԵԿ աշխատակիցների կողմից:

Ձերբակալված Մ.Ք.-ն ՀՀ ՊԵԿ աշխատակիցների ուղեկցությամբ մեկնել է իր բնակության վայր և ներկայացրել ընդհանուր 8677 գրամ քաշով ափիոն, 2680 գրամ քաշով մարիխուանա տեսակի թմրամիջոցների փաթեթներ, ենթադրյալ թմրամիջոցի պարունակությամբ չհրկիզվող 1 պահարան, որոնք վարույթի շրջանակում առգրավվել են: Նույն պահին ձերբակալվել են հանցավոր խմբի մյուս անդամներ, օտարազգի քաղաքացիներ՝ Ռ.Շ.-ն և Մ.Ա.-ն, ներկայացվել վարույթն իրականացնող մարմին: 

Օտարազգի քաղաքացիների բնակության հասցեում կատարված խուզարկության ընթացքում, ինչպես նաև չհրկիզվող պահարանի զննությամբ հայտնաբերվել և վերցվել են առանձնապես խոշոր չափերով թմրամիջոցներ:

Այսպիսով, նախնական կշռմամբ առգրավվել է ընդհանուր՝ 25.5 կգ ափիոն և 3 կգ մարիխուանա տեսակի թմրամիջոց, որի շուկայական արժեքը կազմում է շուրջ 1 մլրդ 193 մլն 445 հզր ՀՀ դրամ:

Ձերբակալված անձանցից Ռ.Շ.-ի և Մ.Ք.-ի նկատմամբ հսկող դատախազի որոշմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 3-րդ մասի 2-րդ կետով (թմրամիջոցների ապօրինի շրջանառությունն իրացնելու նպատակով կամ դրանք ապօրինի իրացնելու) և 44-399-րդ հոդվածի 3-րդ մասի 2-րդ կետով (թմրամիջոցների մաքսանենգության փորձը), իսկ Մ.Ա.-ի նկատմամբ՝ 393-րդ հոդվածի 3-րդ մասի 2-րդ կետով (թմրամիջոցների ապօրինի շրջանառությունն իրացնելու նպատակով կամ դրանք ապօրինի իրացնելու), 46-399-րդ հոդվածի 3-րդ մասի 2-րդ կետով (թմրամիջոցների մաքսանենգությանն օժանդակելը) և 44-399-րդ հոդվածի 3-րդ մասի 2-րդ կետով (թմրամիջոցների մաքսանենգության փորձը):

Վերջիններիս նկատմամբ որպես խափանման միջոց կիրառվել է կալանքը:

Քրեական վարույթի նախաքննությունը շարունակվում է, իրականացվում են մեծածավալ ապացուցողական և վարութային գործողություններ՝ առանձնապես խոշոր չափերով թմրամիջոցները ՀՀ-ում ձեռք բերող այլ անձանց ինքնությունը բացահայտելու ուղղությամբ»,- ասվում է հաղորդագրությունում:

Պարոն Ֆարմանյան, ԹՐԻՓՓ-ի հետ կապված էլի ունե՞ք մտավախություններ, համաձայն չե՞ք ձեր ղեկավարի հետ. Գրիգորյան

ԵԱՏՄ-ից հեռացնելու մեխանիզմ գոյություն չունի․ մաքսային գոտում չի կարող լինել պատժամիջոց, եթե կա՝ դադարում է այդպիսի կառույց լինելուց․ Եղոյան

Ադրբեջանի նախագահ Իլհամ Ալիևը հարցազրույց է տվել Նախիջևան այցի շրջանակում՝ հայտարարելով, որ ԹՐԻՓՓ նախագծի շրջանակներում Հայաստանի տարածքով Ադրբեջանից Նախիջևան էլեկտրահաղորդման գծի կառուցման նախագիծը պատրաստ է: 

Նրա խոսքով՝ ադրբեջանցի մասնագետներն արդեն վերլուծություն են իրականացրել և հստակեցրել այն վայրերը, որտեղ կարող են տեղադրվել էլեկտրահաղորդման գծերի հենասյուները։

Ալիևը նաև հայտարարել է, որ ԹՐԻՓՓ նախագիծն արդեն սկսվել է: Նրա խոսքով՝ օգոստոսի 8-ին ԱՄՆ նախագահ Դոնալդ Թրամփի հետ հեռախոսազրույցի ժամանակ երկու կողմերը համաձայնության են եկել, որ նախագիծը կիրականացվի «մոտ ապագայում»:

«ԹՐԻՓՓ նախագծի շրջանակներում Ադրբեջանի տարածքում կառուցվող երկաթուղին կհասնի Հայաստանի սահմանին արդեն հաջորդ տարի: Հորադիզ-Աղբանդ մայրուղին գործնականում պատրաստ է»,- նշել է նա:

Իլհամ Ալիևի խոսքով՝ Նախիջևանի երկաթուղու նախագծով հետաքրքրված է Եվրամիությունը։

«Միության ներկայացուցիչներն արդեն այցելել են Նախիջևան, որտեղ տեղում ծանոթացել են իրավիճակին։ Եվրամիությունը, ինչպես նաև մի շարք այլ միջազգային կազմակերպություններ և պետություններ, հետաքրքրված են այս տրանսպորտային երթուղով և ցանկանում են դառնալ ծրագրի մասնակից»,- ընդգծել է նա։

Ալիևը շեշտել է, որ Նախիջևանի երկաթգծի վերականգնման դեպքում կկառուցվի Ադրբեջանն Իրանին կապող երկրորդ երկաթգիծը. «Հյուսիս-հարավ տրանսպորտային միջանցքն ուղղված է դեպի Պարսից ծոց։ Այնտեղից այն կարող է ձգվել մինչև Պակիստան, որը գտնվում է այս տարածաշրջանին մոտ»: