Category: Civic.am

Վարչապետ Նիկոլ Փաշինյանը տեսանյութ է հրապարակել՝ տեղեկացնելով Երիտասարդության միջազգային օրվա առթիվ նախատեսված միջոցառման մասին։

«Այսօր Երիտասարդության միջազգային օրն է, որը կնշենք օգոստոսի 22-ին՝ Սևանի ափին, «Վարչաֆեստ»-ում», — հրապարակված տեսանյութին կից գրել է վարչապետը։

ՀՀ մարդու իրավունքների պաշտպանի՝ որպես կանխարգելման ազգային մեխանիզմի նախաձեռնությամբ քննարկումներ են անցկացվել «Արթիկ» և «Աբովյան» քրեակատարողական հիմնարկներում մշտադիտարկման ընթացքում արձանագրված խնդիրների և դրանց լուծման ուղղությամբ իրականացվող քայլերի վերաբերյալ։

Քննարկումները վարել է ՄԻՊ աշխատակազմի կանխարգելման ազգային մեխանիզմի իրականացման համակարգող-խոշտանգումների և վատ վերաբերմունքի կանխարգելման վարչության պետ Լաուրա Գասպարյանը։

Ողջույնի խոսքում Լաուրա Գասպարյանն ընդգծել է նման ձևաչափով քննարկումների կարևորությունը՝ նշելով, որ դրանք հնարավորություն են տալիս ոչ միայն բարձրաձայնելու մշտադիտարկման ընթացքում արձանագրված խնդիրները, այլև քննարկելու դրանց լուծման գործնական մեխանիզմները։

«Մենք ողջունում ենք համագործակցության պատրաստակամությունը՝ մշտադիտարկման արդյունքում արձանագրված մի շարք խնդիրների լուծման հարցում, այդ թվում՝ օրենսդրական նախաձեռնությունների շրջանակում։ Միևնույն ժամանակ, դեռևս մտահոգիչ են մնում մի շարք համակարգային խնդիրներ, և մեր ակնկալիքն է, որ դրանց հաղթահարման ուղղությամբ իրականացվեն հետևողական ու արդյունավետ քայլեր»,- նշել է Լաուրա Գասպարյանը։

Քննարկումներն անցկացվել են երկու փուլով։ Առաջին փուլում Պաշտպանի ներկայացուցիչները քննարկում են ունեցել ՀՀ առողջապահության նախարարության ու նախարարության ենթակայության «Քրեակատարողական բժշկության կենտրոն» ՊՈԱԿ-ի ներկայացուցիչների հետ։

Քննարկման ընթացքում անդրադարձ է կատարվել ազատությունից զրկված անձանց առողջության պահպանման իրավունքի ապահովմանը՝ բժշկական օգնության և սպասարկման կազմակերպմանը, բժշկական փաստաթղթերի վարմանը, ենթադրյալ խոշտանգման դեպքերի փաստաթղթավորմանը, իրազեկված համաձայնության ապահովմանը, դեղորայքի և բժշկական պարագաների ապահովմանը, նեղ մասնագիտական և հոգեբուժական ծառայությունների հասանելիությանը, ԱՐՄԵԴ էլեկտրոնային առողջապահության համակարգի հասանելիությանը, հեռաբժշկության կիրառմանը, ինչպես նաև օտարերկրացիների բժշկական զննության ընթացքում փաստաթղթերի պատշաճ թարգմանության ապահովմանը և բժշկական ոլորտին առնչվող այլ խնդիրների։

Երկրորդ փուլում քննարկումն անցկացվել է ընդլայնված ձևաչափով։ Քննարկմանը մասնակցել են նաև ՀՀ արդարադատության նախարարության Քրեակատարողական ծառայության պետ Ծովինար Թադևոսյանը, ՀՀ արդարադատության նախարարության և Քրեակատարողական ծառայության ներկայացուցիչները։

Քննարկման ընթացքում անդրադարձ է կատարվել միջգերատեսչական համագործակցությանը վերաբերող հարցերին, այդ թվում՝ ազատությունից զրկված անձանց առողջապահական բուժհաստատություններ տեղափոխելու, ազատությունից զրկված ծնողների հետ պահվող մանկահասակ երեխաների բժշկական օգնության և սպասարկման, սանիտարահիգիենիկ պայմանների և համաճարակային իրավիճակի պահպանման և վերահսկման, ինչպես նաև բժշկական գաղտնիքի պահպանման հարցերին։

Հանդիպման ընթացքում Պաշտպանի ներկայացուցիչներին ներկայացվել են արդեն իսկ նախաձեռնված առանձին լուծումները, ինչպես նաև քննարկվել են դեռևս չլուծված խնդիրների հաղթահարման հնարավոր ուղիները, այդ թվում՝ միջգերատեսչական համագործակցությունն ամրագրող փաստաթղթերի մշակման հարցը։

Քննարկման մասնակիցները վերահաստատել են նման ձևաչափով համագործակցությունը շարունակելու պատրաստակամությունը՝ ընդգծելով դրա կարևորությունը արձանագրված խնդիրներին արագ արձագանքելու և դրանց համատեղ լուծումներ գտնելու տեսանկյունից։

Մարդու իրավունքների պաշտպանը ևս մեկ անգամ  ընդգծել է, որ ազատությունից զրկված կամ այլ կերպ պետության իրավասության ներքո գտնվող անձանց իրավունքների ապահովման համար պետությունը կրում է պատասխանատվություն:

Ազատությունից զրկման վայրերում մարդու իրավունքների պաշտպանության և պատշաճ պայմանների ապահովման հարցերը մշտապես գտնվում են Մարդու իրավունքների պաշտպանի անմիջական ուշադրության ներքո:

Այսօր՝ օգոստոսի 12-ին, խոշոր հրդեհ է տեղի ունեցել Երևանում։ Ժամը 00:10-ի սահմաններում ահազանգ է ստացվել, որ Արցախի փողոցի հասցեներից մեկում գործող պահեստային մասում ավտոմեքենա է այրվում։

Shamshyan.com-ի տեղեկություններով՝ տուժածներ չկան։

Այրվել է բեռնատարում բարձված անկողնային պարագաներ։

ՊԵԿ-ում համակարգային կոռուպցիայի մասին խոսե՞լ եք, թե՞ այդ բարքերը ձեզ բավարարել են. Մանավազյանը՝ Ֆարմանյանին

Եսթեր Սահակյանը վերանշանակվել է վարչապետի արարողակարգի պատասխանատուի պաշտոնում։

«Ղեկավարվելով «Հանրային ծառայության մասին» օրենքի 8-րդ հոդվածի 2.1-ին մասով և 9-րդ հոդվածի 10-րդ մասով՝ Վարչապետի արարողակարգի պատասխանատուի ժամանակավոր պաշտոնակատար Եսթեր Սահակյանին վերանշանակել վարչապետի արարողակարգի պատասխանատուի պաշտոնում»,- նշվում է վարչապետ Նիկոլ Փաշինյանի որոշման մեջ։

Այո, եղել են կոռուպցիոն դրսևորումներ, բայց թե ովքեր են դրանց ճարտարապետները՝ չգիտեմ. Ֆարմանյան

Կներեք, ուղիղ պիտի հարցնեմ՝ երբևիցե կաշառք վերցրե՞լ եք, թե՞ ոչ. Վիլեն Գաբրիելյանը՝ Հայկ Ֆարմանյանին

Պետական բյուջեի միջոցներով իրականացվող շինարարական ծրագրերի ընթացքի վերահսկողության նպատակով Քաղաքաշինության կոմիտեի նախագահ Եղիազար Վարդանյանը հերթական շրջայցն է կատարել կոմիտեի համակարգմամբ իրականացվող մի քանի ծրագրերի շինարարական հրապարակներ։ Այս մասին տեղեկացնում են Քաղաքաշինության կոմիտեից:

Արագածոտնի մարզում նա դիտարկել է Մալխաս և Ռոման Ամոյանների անվան նոր մարզադպրոցի կառուցման ծրագրի ընթացքը, շինարարի հետ քննարկել շինհրապարակում աշխատանքների կազմակերպմանն առնչվող հարցեր։ Իրականացվում են նկուղային հարկի բետոնացման, ջրամեկուսացման աշխատանքներ։

Հաջորդ կանգառը Ծաղկահովիտի առողջության կենտրոնի շինհրապարակում էր, որտեղ կատարվում են արտաքին բարեկարգման, շենքի երեսապատման աշխատանքներ։

Շրջայցը շարունակվել է Քուչակի միջնակարգ դպրոցում։ Կոմիտեի համակարգմամբ իրականացվում է դպրոցի նորոգման ծրագիր։ Արդեն ավարտված է ներքին հարդարումը, գույքի տեղադրումից առաջ ընթանում են մաքրման աշխատանքներ։ Իրականացվում են նաև բարեկարգման, մարզադաշտի, մարզահրապարակի և մարզադահլիճի նախապատրաստման աշխատանքներ։

Կոմիտեի նախագահն ուսումնասիրել է նաև Մելիքգյուղի միջնակարգ դպրոցի նորոգման ծրագրի ընթացքը։ Այստեղ ավարտվում են ներքին հարդարման աշխատանքները, տեղադրվում է որոշ դասասենյակների և մարզադահլիճի վինիլային հատակը, իրականացվում են արտաքին բարեկարգման, շենքի երեսապատման աշխատանքներ։

Հաջորդիվ կոմիտեի նախագահը եղել է Երևանի Սմբատ Բյուրատի անվան N 125 հիմնական դպրոցում, որի նորոգման աշխատանքներն ավարտական փուլում են։ Եղիազար Վարդանյանը կապալառուին հանձնարարել է ավելացնել աշխատուժը՝ ծրագիրը ուսումնական նոր տարվան ընդառաջ ավարտին հասցնելու համար։

Կոմիտեի նախագահը բոլոր ծրագրերի կապալառուների հետ քննարկել է շինարարության ընթացքի վերաբերյալ հարցեր, կատարել դիտարկումներ և տվել հանձնարարականներ։

Կառավարությունը քննարկում է 2027 թվականի հունվարի 1-ից մինչև 200.000 դրամ աշխատավարձ ստացող անձանց առողջության համապարփակ ապահովագրության համակարգում ներառելու հնարավոր տարբերակները: ՀՀ վարչապետ Նիկոլ Փաշինյանը պարզաբանել է, որ այս սեգմենտի համար հատուկ մոտեցում է մշակվում՝ հաշվի առնելով ստվերային շրջանառության ռիսկերը:

Խոսելով նպատակների մասին՝ վարչապետը նշեց. «Աշխատավարձերի ցածր սեգմենտում մեր համոզմունքով և իմացությամբ գործում է ստվերային որոշակի սխեմա, և Կառավարության համար խնդիր է նաև լուծել սոցիալական խնդիրը, բայց չխրախուսել ստվերը: Սա է պատճառը, որ այսպիսի քննարկումներ ենք ծավալում»:

Ըստ ներկայացված սցենարի՝ 2027 թվականին ապահովագրական վճարի բաշխումը կլինի հետևյալը. «Մեր մտածածը հետևյալն է, որ 2027 թվականի ընթացքում գուցե Կառավարությունը սուբսիդավորի անհրաժեշտ 10.800 դրամ ծախսի 4400 դրամը, աշխատողները վճարեն 2000 դրամ՝ այն 2000 դրամը, որոնք նախկինում վճարում էին «Զինապահ» հիմնադրամին, և պակասող 4400 դրամ հատվածը վճարեն գործատուները»,- ասաց Նիկոլ Փաշինյանը:

Վարչապետը հավելեց, որ 2028 թվականից մոդելը կփոխվի՝ կապվելով համընդհանուր հայտարարագրման հետ. «2028 թվականի հունվարի 1-ից արդեն գուցե թե մենք գործարկենք հետևյալ սցենարը, որ 10.800 դրամ ծախսի 6000 դրամը վճարի աշխատողը, որն ինքն արդյունքում հետ է ստանալու որպես սոցիալական կրեդիտ՝ համընդհանուր հայտարարագիրը լրացնելու պարագայում: Այսինքն՝ գործնականում քաղաքացու կյանքում շատ բան չի փոխվում: Իսկ մնացած պակասող 4800 դրամը շարունակի վճարել գործատուն»:

Նիկոլ Փաշինյանը նաև հորդորեց գործատուներին վերանայել իրենց որոշումները և հնարավորինս շատ աշխատողների վճարել 200.000 դրամից բարձր աշխատավարձ, որպեսզի նրանք ներառվեն ընդհանուր համակարգում:

Անդրադառնալով մատուցվող ծառայությունների որակին՝ նա ընդգծեց. «Որպեսզի մատուցվող ծառայությունների որակը լինի պատշաճ, համակարգը պետք է լինի ֆինանսապես առողջ, որովհետև որակը դա ծախս է: Մենք խնդիր ենք դրել, որ 2029 թվականի հունվարի 1-ի դրությամբ բնակչության բոլոր շերտերը պետք է ներառված լինեն համակարգում»:

Կառավարությունը նախատեսում է առաջիկա մեկ-երկու ամսվա ընթացքում կայացնել վերջնական որոշում՝ համակարգի ամբողջական ներդրման վերաբերյալ: