Category: Civic.am

Հաջորդ շաբաթ եվրոպացի առաջնորդների հետ Հայաստան կգա նաև Կանադայի վարչապետը՝ Եվրոպական քաղաքական համայնքի գագաթնաժողովին մասնակցելու։ Այս մասին տեղեկացնում է Եվրահանձնաժողովի կայքը։ Մարկ Քարնին կլինի եվրոպական այս ձևաչափի հիմնադրումից ի վեր առաջին ոչ եվրոպացի առաջնորդը, ով որպես հյուր կմասնակցի այս հավաքին։

Ըստ պաշտոնական հաղորդագրության, գագաթնաժողովը կանցնի «Կառուցելով ապագան. միասնություն և կայունություն Եվրոպայում» կարգախոսի ներքո։

«Երևանում քննարկումները կկենտրոնանան ժողովրդավարության դիմադրողականության ամրապնդման, հաղորդակցությունների զարգացման և տնտեսական ու էներգետիկ անվտանգության ամրապնդման վրա։ Մասնակիցները կքննարկեն՝ ինչպես կարող են ավելի սերտ համագործակցելով և համակարգված գործողություններով նպաստել ավելի դիմացկուն, անվտանգ և միասնական եվրոպական տարածքի ստեղծմանը», – հայտարարել է Եվրահանձնաժողովը։

Հաջորդ շաբաթ եվրոպացի առաջնորդների հետ Հայաստան կգա նաև Կանադայի վարչապետը՝ Եվրոպական քաղաքական համայնքի գագաթնաժողովին մասնակցելու։ Այս մասին տեղեկացնում է Եվրահանձնաժողովի կայքը։ Մարկ Քարնին կլինի եվրոպական այս ձևաչափի հիմնադրումից ի վեր առաջին ոչ եվրոպացի առաջնորդը, ով որպես հյուր կմասնակցի այս հավաքին։

Ըստ պաշտոնական հաղորդագրության, գագաթնաժողովը կանցնի «Կառուցելով ապագան. միասնություն և կայունություն Եվրոպայում» կարգախոսի ներքո։

«Երևանում քննարկումները կկենտրոնանան ժողովրդավարության դիմադրողականության ամրապնդման, հաղորդակցությունների զարգացման և տնտեսական ու էներգետիկ անվտանգության ամրապնդման վրա։ Մասնակիցները կքննարկեն՝ ինչպես կարող են ավելի սերտ համագործակցելով և համակարգված գործողություններով նպաստել ավելի դիմացկուն, անվտանգ և միասնական եվրոպական տարածքի ստեղծմանը», – հայտարարել է Եվրահանձնաժողովը։

ՀԷՑ-ի շուրջ 3.700 աշխատակից այսօր վարձատրվել է լրացուցիչ համահարթեցված պարգևավճարով՝ մարտ ամսվա համար. յուրաքանչյուրը 30.000-ական ՀՀ դրամի չափով (հարկերը՝ ներառյալ): Այս մասին ֆեյսբուքյան իր էջում գրել է ՀԷՑ ժամանակավոր կառավարիչ Ռոմանոս Պետրոսյանը:

 

«ՀԷՑ-ի ժամանակավոր կառավարման նախորդ ութ ամիսներին լրացուցիչ պարգևատրումներն առնչվել են ամսական 1.500-ից 1.800 աշխատակիցների՝ ովքեր ունեին մինչև 200 հազար ՀՀ դրամ (հարկերը՝ ներառյալ) համախառն վարձատրության շեմ և պարգևատրման չափը սահմանված էր 20.000 ՀՀ դրամ (հարկերը՝ ներառյալ)։

 

Սկսած մարտ ամսից՝ մեր աշխատակիցների վարձատրության շեմի փաստացի բարձրացումը վերաբերելի կլինի ՀԷՑ-ի՝ մինչև 250 հազար ՀՀ դրամ (հարկերը՝ ներառյալ) համախառն վարձատրության շեմ ունեցող բացառապես բոլոր աշխատակիցներին՝ անկախ մասնագիտական և ծառայողական կարգավիճակից ու ցուցաբերած արդյունքային ցուցանիշներից, իսկ լրացուցիչ պարգևատրման սահմանաչափը սահմանվել է 30.000 ՀՀ դրամ (հարկերը՝ նեդառյալ):

 

ՀԷՑ-ի աշխատակիցների գրեթե 50%-ին առնչվող այս բարեփոխման արդյունքում վերջիններիս աշխատավարձերը փաստացի աճել են 12-ից 25%-ի չափով, իսկ նման որոշման իրագործման համար անհրաժեշտ ֆինանսական միջոցներն աշխատավարձային ֆոնդում գեներացվել են թե՛ ի հաշիվ ՀԷՑ-ի գլխավոր տնօրենության ու մասնաճյուղերի տնօրենների՝ ի սկզբանե իրենց պարգևավճարներից հրաժարման արդյունքում, և թե՛ այլ ուղղություններով ուռճացված ծախսերի կանխարգելման ու բացառման շնորհիվ։

 

Շնորհակալություն եմ հայտնում ՀԷՑ-ի բոլոր բարեխիղճ, ազնիվ և պետականակենտրոն աշխատակիցներին։

 

ՀԷՑ-ը ծառայում է մեր ժողովրդին»,- գրել է նա։

«Մատենադարան» Մ. Մաշտոցի անվան հին ձեռագրերի գիտահետազոտական ինստիտուտում մեկնարկել է «Հիշողության կերպարանքները․ ձեռագիր և տպագիր ժառանգության պահպանման և վերականգնման նորագույն տեխնոլոգիաները» խորագրով 15-րդ միջազգային հոբելյանական սեմինարը, որն անցկացվում է ԿԳՄՍ նախարարության և Հայաստանում ԵՄ պատվիրակության աջակցությամբ։

Բացման խոսքով հանդես են եկել ԿԳՄՍ նախարար, Մատենադարանի հոգաբարձուների խորհրդի նախագահ Ժաննա Անդրեասյանը, Մատենադարանի տնօրեն Արա Խզմալյանը և Հայաստանում ԵՄ պատվիրակության ղեկավար, դեսպան Վասիլիս Մարագոսը։

Ողջունելով ներկաներին և շնորհավորելով սեմինարի 15-ամյակի առթիվ՝ Ժաննա Անդրեասյանն ընդգծել է, որ այն դարձել է զարգացող հարթակ և ձևավորել մեծ ցանց՝ ընդգրկելով շուրջ 40 երկրի ավելի քան 140 կառույցի․ «Գրավոր ժառանգության պահպանմամբ զբաղվող կարևորագույն կառույցներն այս կամ այն կերպ առնչվել կամ մասնակցել են սեմինարին։ Սա փաստում է՝ սեմինարը դարձել է հարթակ, որտեղ մենք վարում ենք ամենակարևոր խոսակցությունները գրավոր ժառանգության պահպանման և վերականգնման ուղղությամբ»:

Նրա խոսքով՝ սեմինարի օրակարգը բազմաշերտ է և հնարավորություն է տալիս մասնագետներին քննարկել խնդիրներ, գտնել լուծումներ։ Ժաննա Անդրեասյանի գնահատմամբ՝ գրավոր ժառանգության պահպանումն ու վերականգնումն այսօր առավել քան կարևոր են ոչ միայն հիշողությունը պահպանելու և սերունդներին փոխանցելու, այլև այն ճանաչելու և վերաիմաստավորելու տեսանկյունից։

«Մենք կարիք ունենք մեր գրավոր ժառանգությանն առնչվող պատմություններն ավելի խորությամբ և բազմաշերտորեն ճանաչելու։ Ժամանակակից տեխնոլոգիաների զարգացումը նոր հնարավորություններ է տալիս՝ ապահովելու գրավոր ժառանգության ուսումնասիրությունն ու հասանելիությունը թվային միջավայրում՝ այն դարձնելով հանրային հիշողության մաս»,- ընդգծել է Ժաննա Անդրեասյանը՝ շեշտելով, որ Մատենադարանը դարձել է զարգացման և նոր կարողությունների ձևավորման կարևոր միջազգային հարթակ։

«Այսօր մենք ունենք շուրջ 145 միջազգային կառույցների մասնակցություն՝ վերականգնման կենտրոններ, գրադարաններ, թանգարաններ և արխիվներ։ Սեմինարի թեմատիկ ընդգրկումը նույնպես լայն է՝ սկսած գրավոր ժառանգության ֆիզիկական և կենսաքիմիական խնդիրներից մինչև թվայնացում, լազերային վերականգնում և բարձր տեխնոլոգիաների կիրառում։ Այս ամենը կարելի է ամփոփել մեկ գաղափարով՝ միասնական պատասխանատվություն միջազգային գրավոր ժառանգության հանդեպ։ Պետք է գիտակցենք, որ հիշողությունը միայն գրերի ֆիզիկական ներկայությունը չէ, այլ դրանց թիկունքում կանգնած մարդկային կենսագրությունը։ Ձեռագրերը պատմության մատնահետքերն են, իսկ Մատենադարանի ձեռագրերում այդ հետքերն ունեն շոշափելի կոնկրետություն»,- իր խոսքում նշել է Մատենադարանի տնօրեն Արա Խզմալյանը։

ՀՀ-ում Եվրոպական միության պատվիրակության ղեկավար, դեսպան Վասիլիս Մարագոսը ողջույնի խոսքում ընդգծել է մշակութային ժառանգության պահպանման գործում համատեղ հանձնառության կարևորությունը։ «Եվրոպական միությունը հպարտ է աջակցել Հայաստանին՝ պահպանելու հարուստ մշակութային ժառանգությունը։ Մեծ պատիվ է լինել Մատենադարանի գործընկերն այս կարևոր աշխատանքում։ Ուրախ ենք միանալ այս նախաձեռնությանը՝ միջազգային ջանքերը կենտրոնացնելու ձեռագրային և տպագիր ժառանգության պահպանման ուղղությամբ»,- նշել է նա։

Միջոցառման շրջանակում ԿԳՄՍ նախարար Ժաննա Անդրեասյանը նախարարության մեդալով պարգևատրել է սեմինարի երկարամյա մասնակից, ԱՄՆ Կոնգրեսի գրադարանի մասնագետ Թամարա Օհանյանին։

Միջոցառման ընթացքում իրականացվել են նաև «Հայկական մանրանկարչական արվեստ» նամականիշի մարման արարողությունը, ինչպես նաև Մատենադարանի արաբատառ ձեռագրերի ուսումնասիրման և վերականգնման լաբորատորիայի բացումը։

Վարչապետի աշխատակազմի ղեկավար Արայիկ Հարությունյանը մասնակցել է «Հայաստանում մասնակցային կառավարման գործընթացում երիտասարդների ներգրավվածության խթանում» նոր նախաձեռնության մեկնարկային հանդիպմանը։

Նախաձեռնությունն իրականացնում է ՀՀ կառավարությունը՝ Գերմանիայի և Շվեյցարիայի կառավարությունների աջակցությամբ։ Այն ուղղված է մասնակցային բյուջետավորման գործընթացներում երիտասարդների ներգրավվածության բարձրացմանը։ Մեկնարկային հանդիպման նպատակն է` ընդհանուր պատկերացում ձևավորել նախաձեռնության նպատակների, շրջանակի և ակնկալվող արդյունքների վերաբերյալ։ Այն կծառայի որպես հարթակ՝ տեսակետների փոխանակման, հիմնական առաջնահերթությունների և մարտահրավերների բացահայտման, ինչպես նաև ինստիտուցիոնալ պատասխանատվության և ներգրավվածության ապահովման համար։

Արայիկ Հարությունյանը հանդես է եկել ողջույնի խոսքով, որում մասնավորապես նշել է․

«Հարգելի՛ գործընկերներ,
Տիկնայք և պարոնայք, սիրելի՛ երիտասարդներ,

ուրախ եմ ողջունել ձեզ այս սրահում։ Այսօր մենք հավաքվել ենք ոչ թե հերթական ծրագիրը սկսելու, ազդարարելու, այլ միասին նոր մշակույթ ձևավորելու համար։

Շատ ուրախ եմ, որ այս ծրագիրն իրականացվում է, որովհետև մենք այս ուղղությամբ շատ ենք աշխատել և շատ ենք կարևորել, և գոհունակությամբ ուզում եմ նշել, որ հասել ենք այս հանգրվանի։

Եկեք լինենք անկեղծ. մենք հաճախ ենք խոսում բարեփոխումների մասին, բայց պետք է խոստովանենք, որ դրանք միշտ չէ, որ տալիս են այն արդյունքը, որին սպասում է քաղաքացին։ Ինչո՞ւ, որովհետև օրենքներ փոխելը հեշտ է, բայց մտածողություն, մշակույթ և վարքագիծ փոխելը՝ շատ դժվար։ Մենք հասկացել ենք մի կարևոր բան. առանց մարդկանց իրական մասնակցության, ներգրավվածության նույնիսկ ամենալավ ծրագիրը կարող է պարզապես մնալ թղթի վրա։

Այստեղ է, որ ձեր դերը, սիրելի՛ երիտասարդներ, դառնում է առանցքային և վճռորոշ։ Մենք ձեզ չենք դիտարկում որպես «վաղվա օրվա» կադրեր, այս արտահայտությունը ես չեմ սիրում։ Դուք այսօրվա՛ գործող անձինք եք։ Ձեր կրթությունը, նորարար միտքը և նույնիսկ ձեր քննադատական հայացքն այն է, ինչ պետք է պետական համակարգին՝ ավելի արդյունավետ և նպատակային դառնալու համար։

Եվ հենց մասնակցային կառավարման մեխանիզմներն են այն գործիքը, որի միջոցով այս ներուժը կարող է վերածվել կոնկրետ արդյունքի: Այդ մեխանիզմները մեզ համար ոչ թե լրացուցիչ գործիք են, այլ՝ պետական կառավարման էական բաղադրիչ։ Եվ սա ասում եմ ամենայն անկեղծությամբ և վստահությամբ։ Այն հնարավորություն է տալիս քաղաքացիներին դառնալ որոշումների կայացման իրական մասնակից, իսկ պետական մարմիններին՝ ավելի ճշգրիտ արձագանքել հանրային կարիքներին։

Համայնքներում մենք հաջողել ենք մասնակցային բյուջետավորումը, որը կարծում եմ, այս տարիների մեր լավագույն ձեռքբերումներից մեկն է, և այն պարզապես ֆինանսական գործիք չէ։ Սա վստահության կամուրջ է քաղաքացու և պետության միջև։ Երբ դուք մասնակցում եք որոշում կայացնելուն, դուք դառնում եք այդ որոշման տերը։ Ես ուզում եմ հիշեցնել, որ այդ ծրագրերի, եթե չասեմ մեծամասնությունը, բայց մի զգալի հատվածը վերաբերում էր երիտասարդներին և պատանիներին։ Իմացել եմ, որ պատանիները մեծերին ներգրավել են, որպեսզի իրենց ուզած նախագծերը քվեարկվեն և անցնեն, և անցել են։

Մասնակցության դերը շատ ավելի լայն է մեզ համար։ Առջևում նաև կարևոր քաղաքական իրադարձություններ են՝ ընտրություններն են, և ձեզնից շատերի համար սա լինելու է քաղաքացիական առաջին լուրջ քայլը։ Մեր նպատակն է, որ ձեր մասնակցությունը չսահմանափակվի միայն ընտրական տեղամաս գնալով։ Մենք ուզում ենք, որ դուք լինեք ներգրավված, բայց ներգրավված ոչ թե բուն ընտրություններին, այլ՝ ընտրությունից ընտրություն ընկած ողջ ժամանակահատվածին։ Այսինքն՝ ընտրություններն ավարտվեցին, և պետք չէ սպասել հաջորդ 5 տարվա այս կարևոր երկու, երեք ամիսներին, այլ պետք է ներգրավված լինել, որպեսզի այն ծրագրերը, որոնք կան ձեր մտքում, և այն ծրագրերը, որոնք առաջարկում է գործող Կառավարությունը, իրականացվեն, իրականացվեն համագործակցաբար և որակով։

Մեր առաջընթացն այս ուղղությամբ գրանցել ենք ՀՀ Կառավարության տարբեր ճյուղերի, համայնքների, քաղաքացիական հասարակության և միջազգային գործընկերների համատեղ և նվիրված ջանքերի արդյունքում։ Բայց մեր գլխավոր նպատակն է, որ այս մոդելները դառնան կայուն և աշխատեն ինչպես ազգային մակարդակում, այնպես էլ՝ Հայաստանի բոլոր համայնքներում։

Սիրելի՛ երիտասարդներ, օգտագործե՛ք այս հարթակը։

Մենք այստեղ ենք ձեզ լսելու և ձեր գաղափարները գործնական մեխանիզմների վերածելու համար։ Մենք ուզում ենք ստեղծել մի Հայաստան, որտեղ դուք ոչ թե ուղղակի տեսնում եք փոփոխությունները, այլ հենց դո՛ւք այդ փոփոխությունների հեղինակն եք։

Շնորհակալություն և հուսով եմ, որ մեկ տարի անց մենք նորից կհավաքվենք այստեղ, կամփոփենք, ձեռքբերումները կարձանագրենք, խնդիրները կլուծենք, նոր առաջարկները կընդունենք և առաջ կգնանք»։

Այս նախաձեռնությունը միտված է խթանելու առավել ներառական և թափանցիկ մասնակցային կառավարում տեղական մակարդակում՝ ապահովելով, որ երիտասարդներն իմաստալից մասնակցություն ունենան տեղական որոշումների կայացման գործընթացներում, այդ թվում՝ մասնակցային բյուջետավորման և քաղաքացիական մասնակցության այլ գործընթացներում։ Նախաձեռնությունը կիրականացվի երիտասարդական կենտրոնների և ավագ դպրոցների միջոցով՝ զուգորդվելով իրազեկման բարձրացման միջոցառումներով, կարողությունների զարգացման դասընթացներով և առցանց ներգրավման գործիքներով։

«Ազգային ժողովի կանոնակարգ» սահմանադրական օրենքի 8-րդ հոդվածի 1-ին մասի 5-րդ կետի և 138-րդ հոդվածի 1-ին և 2-րդ մասերի համաձայն՝ Ազգային ժողովի «Քաղաքացիական պայմանագիր» խմբակցությունը Պետական-իրավական հարցերի մշտական հանձնաժողովի նախագահի պաշտոնում թեկնածու է առաջադրել Արուսյակ Ջուլհակյանին: Այդ մասին հայտնում են ԱԺ-ից:

Ապրիլի 28-ին՝ տեղական ժամանակով ժամը 16:02-ին (Գրինվիչի ժամանակով ժամը 12։02-ին), ՀՀ ՆԳՆ սեյսմիկ պաշտպանության տարածքային ծառայության սեյսմոլոգիական ցանցը գրանցել է աշխարհագրական կոորդինատներով Թուրքիա՝ Կարս քաղաքից 43 կմ հյուսիս, օջախի 10 կմ խորությամբ 3․9 մագնիտուդով երկրաշարժ։

Էպիկենտրոնային գոտում ստորգետնյա ցնցման ուժգնությունը կազմել է 5 բալ:

Երկրաշարժը զգացվել է Շիրակի մարզի Գյումրի քաղաքում, Ամասիա, Զարիշատ, Վահրամաբերդ և Մարմաշեն գյուղերում՝ 2-3 բալ ուժգնությամբ:

Ապրիլի 28-ին՝ տեղական ժամանակով ժամը 16:02-ին (Գրինվիչի ժամանակով ժամը 12։02-ին), ՀՀ ՆԳՆ սեյսմիկ պաշտպանության տարածքային ծառայության սեյսմոլոգիական ցանցը գրանցել է աշխարհագրական կոորդինատներով Թուրքիա՝ Կարս քաղաքից 43 կմ հյուսիս, օջախի 10 կմ խորությամբ 3․9 մագնիտուդով երկրաշարժ։

Էպիկենտրոնային գոտում ստորգետնյա ցնցման ուժգնությունը կազմել է 5 բալ:

Երկրաշարժը զգացվել է Շիրակի մարզի Գյումրի քաղաքում, Ամասիա, Զարիշատ, Վահրամաբերդ և Մարմաշեն գյուղերում՝ 2-3 բալ ուժգնությամբ:

Հայաստան-Թուրքիա հարաբերությունների կարգավորման շրջանակներում ձեռք բերված պայմանավորվածությունների համաձայն՝ ապրիլի 28-ին Կարսում տեղի է ունեցել Գյումրի-Կարս երկաթգծի վերականգնման և գործարկման՝ Հայաստան-Թուրքիա համատեղ աշխատանքային խմբի հանդիպումը: Այս մասին տեղեկացնում են ՀՀ ԱԳՆ-ից:

Տարածաշրջանի տրանսպորտային հաղորդակցությունների ընդլայնման համատեսքստում կողմերն ընդգծել են Գյումրի-Կարս երկաթգծի շուտափույթ գործարկման կարևորությունը:

ՀՀ ԱԳ նախարար Արարատ Միրզոյանը հայտարարել է, որ ծավալուն աշխատանքներից հետո այսօր տեղի կունենա Փարիզում ՀՀ դեսպանության նոր շենքի բացումը. «Կհամաձայնեք՝ հիանալի արդյունք է ստացվել, մեր դիվանագետներին մաղթում ենք արգասաբեր գործունեություն»,-նշել է նախարարը։