Category: Civic.am

Աշտարակ համայնքի Ուշի բնակավայրի մանկապարտեզը վերակառուցվել է․ վարչապետ

Իտալիայում
Ռուսաստանի դեսպան Ալեքսեյ Պարամոնովին կանչել են երկրի ԱԳՆ այն բանից հետո, երբ պրոպագանդիստ
Վլադիմիր Սոլովյովը «Սոլովյով Live» ալիքի իր շոուի եթերում վիրավորել է Իտալիայի վարչապետ
Ջորջիա Մելոնիին: Արտաքին գործերի նախարար Անտոնիո Տայանին հայտարարել է, որ
պաշտոնական բողոք կներկայացվի դեսպանին։

Իր շոուի
հեռարձակումներից մեկում Սոլովյովը Իտալիայի կառավարության ղեկավարին անվանել է
«ֆաշիստ անասուն», ինչպես նաև հայտարարել. «Դավաճանությունը նրա երկրորդ անունն է.
նա դավաճանել է Թրամփին, որին նախկինում հավատարմության երդում էր տվել»։

Ռուսաստանի
դեսպանը, հաղորդում է ՏԱՍՍ-ը, տարակուսանք է հայտնել, որ իրեն ԱԳՆ են կանչել՝
«հայտնի ռուս լրագրողի, թող որ շատ տաղանդավոր և ժողովրդի մեջ հայտնի, խոսքերի
պատճառով, որոնք հնչեցվել են իր սեփական մասնավոր առցանց ալիքով»։

Սոլովյովին
պատասխանել է նաև անձամբ Մելոնին։ Իտալիայի կառավարության ղեկավարը X սոցցանցում
գրել է, որ «ռեժիմի կատաղի պրոպագանդիստը իր բնույթով չի կարող ո՛չ
հետևողականության, ո՛չ էլ ազատության դասեր տալ»։

«Ի
տարբերություն ուրիշների՝ մենք թելերով կապված չենք, չունենք տերեր, և մեզ
հրամաններ չեն տալիս»,- հավելել է նա։

Ապարան համայնքի Երնջատափ բնակավայրի Եղիշե Չարենցի անվան միջնակարգ դպրոցը վերանորոգվել է․ վարչապետ

Lufthansa
ընկերությունը հայտարարել է մինչև 2026 թվականի հոկտեմբերը մոտ 20.000 չվերթների
չեղարկման մասին։ Այս մասին հայտնում է The Wall Street
Journal-ը (WSJ):

Որոշումը
կայացվել է Եվրոպայում ավիակերոսինի լուրջ դեֆիցիտի և վառելիքի գների կրկնապատկման
ֆոնին, որն առաջացել է Իրանի հակամարտության ու Հորմուզի նեղուցի շրջափակման
պատճառով։

Չեղարկումները
հիմնականում կանդրադառնան ցածր շահույթ ունեցող եվրոպական երթուղիների վրա. այդ
ուղղություններով օրական կրճատվել է 120 չվերթ։ Արդեն արձանագրվում է տոմսերի գների
աճ. որոշ երթուղիներում վառելիքի պատճառով թռիչքների արժեքը բարձրացել է 80-100
եվրոյով։ Ակնկալվում է, որ այս միջոցները ընկերություններին թույլ կտան խնայել մոտ
40,000 տոննա ավիակերոսին։ Չվերթների չեղարկումները կհանգեցնեն ուղևորահոսքի 1%-ով
կրճատման։

Կրճատումները
տեղի են ունեցել այն օրը, երբ ԵՄ տրանսպորտի նախարարները հանդիպել են քննարկելու ավիավառելիքի
դեֆիցիտը կանխելու ծրագրերը: Միջազգային էներգետիկ գործակալությունը (ՄԷԳ)
զգուշացրել է, որ Եվրոպայում մնացել է ավելի քիչ, քան վեց շաբաթվա պաշար: Տրանսպորտի
հարցերով եվրահանձնակատար Ապոստոլոս Ցիցիկոստասը հայտարարել է, որ ԵՄ-ն
ուսումնասիրում է այլընտրանքային՝ ամերիկյան ավիակերոսին գնելու հնարավորությունը,
որը չի օգտագործվում Եվրոպայում, և կարող է թույլ տալ ավիաընկերություններին ավելի
մեծ ծավալներով լիցքավորվել տարածաշրջանից դուրս:

Կապանի «Սյունիք» օդանավակայանը նաև միջազգային թռիչքներ իրականացնելու բավականին մեծ պոտենցիալ ունի։  Այս մասին հայտարարել է ՀՀ վարչապետ Նիկոլ Փաշինյանը՝ ներկայացնելով իշխող «Քաղաքացիական պայմանագիր» կուսակցության նախընտրական ծրագիրը։

«Մենք Կապանի «Սյունիք» օդանավակայանին պետք է տանք միջազգային օդանավակայանի կարգավիճակ, և այդ գործընթացն արդեն իսկ սկսվել է։

Իհարկե, «Սյունիք» օդանավակայանը հիմա էլ կարողանում է որոշակի չափի օդանավեր ընդունել, և, եթե անհրաժեշտություն լինի, թռիչքուղու  կարողությունների որոշակի մեծացման ուղղությամբ աշխատանքներ կիրականցվեն, որպեսզի ավելի մեծ օդանավեր ընդունելու հնարավորություն լինի։

Մեր հաշվարկները ցույց են տալիս, որ «Սյունիք» օդանավակայանը նաև միջազգային թռիչքները իրականացնելու բավականին մեծ պոտենցիալ ունի»,- ասել է Նիկոլ Փաշինյանը։

Ապրիլի 21-ին՝ ժամը 17:00-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում հերթական օպերատիվ տեղեկություններն են ստացվել, որ Նոր Արեշ թաղամասի 12-րդ փողոցի տներից մեկում դի կա։

Shamshyan.com-ի հաղորդմամբ նշված տանը ոստիկանները հայտնաբերել են տղամարդու դի։

Դեպքի փաստով քննչական բաժնում «սպանություն» (հանկարծամահություն) հատկանիշներով նախաձեռնվել է քրեական վարույթ։ Մահացածը օտարերկրացի է, ում ինքնությունը այս պահին ճշտվում է։ Նախաքննության շահերից ելնելով որոշ հանգամանքներ չեն հրապարակվում։

Ապրիլի 21-ին՝ ժամը 17:00-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևանի քրեական վարչությունում հերթական օպերատիվ տեղեկություններն են ստացվել, որ Նոր Արեշ թաղամասի 12-րդ փողոցի տներից մեկում դի կա։

Shamshyan.com-ի հաղորդմամբ նշված տանը ոստիկանները հայտնաբերել են տղամարդու դի։

Դեպքի փաստով քննչական բաժնում «սպանություն» (հանկարծամահություն) հատկանիշներով նախաձեռնվել է քրեական վարույթ։ Մահացածը օտարերկրացի է, ում ինքնությունը այս պահին ճշտվում է։ Նախաքննության շահերից ելնելով որոշ հանգամանքներ չեն հրապարակվում։

Հայաստան-Ֆրանսիա հարաբերությունները ռազմավարական են, որոնց հիմքում դրված են անվտանգային հարցերը: Այս մասին ասել է ԱԺ Հայաստան-Ֆրանսիա բարեկամական խմբի անդամ Արմեն Խաչատրյանը Ֆրանսիայի Սենատի Ֆրանսիա-Հայաստան բարեկամական խմբի ղեկավար Ժիլբեր-Լյուկ Դըվինազի գլխավորած պատվիրակության հետ հանդիպմանը:

Ապրիլի 21-ին կայացած հանդիպմանը մասնակցել են Հայաստան-Ֆրանսիա բարեկամական խմբի անդամներ Վահե Ղալումյանը, Բաբկեն Թունյանը, Ռուստամ Բաքոյանը, Լուսինե Բադալյանը, Զարուհի Բաթոյանը, Գայանե Եղիազարյանը և Էդուարդ Աղաջանյանը:

Արմեն Խաչատրյանը խոսել է երկու երկրների խորհրդարանների սերտ փոխհարաբերություններից, բարձր գնահատել բազմաբնույթ հարցերում Ֆրանսիա-Հայաստան բարեկամական խմբի ցուցաբերած օժանդակությունը:

Հանդիպմանն անդրադարձ է եղել ՀՀ-ԵՄ համագործակցության ընդլայնմանը: ԱԺ պատգամավորները ներկայացրել են եվրոպական համայնքին միանալու հարցում մեր երկրի կողմից իրականացվող քայլերը: Կարևորվել է ԵՄ վիզաների ազատականացման գործընթացը:

Հյուրերին մանրամասներ են ներկայացվել Հայաստանի և Ադրբեջանի միջև հաստատված խաղաղության գործընթացից, կարևորվել է «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի իրագործումը, ինչը, Արմեն Խաչատրյանի խոսքով, կնպաստի Հայաստանի և Եվրոպայի միջև տնտեսական համագործակցության զարգացմանը:

Ֆրանսիա-Հայաստան բարեկամական խմբի ղեկավարը, շնորհակալություն հայտնելով ջերմ ընդունելության համար, խոսել է երկկողմ բարձր մակարդակի հարաբերություններից ու տարբեր բնագավառներում գործակցությունը խորացնելու հնարավորության մասին՝ այդ հարցում արժևորելով բարեկամական խմբերի ակտիվ դերակատարությունը:

Աշխատանքի և սոցիալական հարցերի նախարար Արսեն Թորոսյանն այցելել է Վարդենիսի շուրջօրյա մասնագիտացված խնամքի կենտրոն և ԱՍՀ նախարարության կողմից արտապատվիրակման միջոցով Վարդենիսում հաշմանդամություն ունեցող անձանց սոցիալ-վերականգնողական ծառայություններ մատուցող «Աստղավարդ» ՀԿ ցերեկային կենտրոն։

Ինչպես հայտնել է նախարարությունը, Թորոսյանը խորհրդակցություն է անցկացրել Վարդենիսի շուրջօրյա մասնագիտացված խնամքի կենտրոնի ղեկավար կազմի և աշխատակիցների հետ․ քննարկվել են խնամքի ծառայությունների որակի բարելավմանն առնչվող մի շարք հարցեր։

«Աստղավարդ» ՀԿ ցերեկային կենտրոնում Արսեն Թորոսյանը ծանոթացել է հաշմանդամություն ունեցող անձանց մատուցվող սոցիալ-վերականգնողական ծառայություններին, իրականացվող ծրագրերին, քննարկել դրանց ընդլայնման հնարավորությունները։