Category: Civic.am

ԱՄՆ նախագահ Դոնալդ Թրամփը հայտարարել է միջուկային ծրագրի վերաբերյալ Իրանի դիրքորոշման մեջ առկա հակասությունների մասին՝ մատնանշելով Թեհրանի փակ և հրապարակային հայտարարությունների միջև եղած անհամապատասխանությունը։ Այս մասին նա ասել է The New York Post թերթին տված հարցազրույցում։

Ըստ Թրամփի՝ անձնական շփումներում իրանական կողմը պատրաստակամություն է հայտնում հրաժարվել միջուկային զենքից, սակայն հրապարակավ շարունակում է պնդել ուրան հարստացնելու իր իրավունքը։

«Նրանք ուղիղ երեսիդ ասում են, որ ազատվում են ողջ միջուկային զենքից, ամեն ինչ ոչնչացված է։ Իսկ հետո գնում են մամուլի մոտ ու ասում. «Ոչ, մենք ուզում ենք ուրան հարստացնել»։ Այնպես որ, մենք դա կպարզենք», — նշել է նա։

Հիշեցնենք, որ փետրվարի 28-ին ԱՄՆ-ն և Իսրայելը սկսել են ռազմական գործողություններ Իրանի դեմ և ավիահարվածներ հասցրել մի շարք քաղաքների։ Նույն օրը հարվածների հետևանքով սպանվել է Իրանի գերագույն առաջնորդ Ալի Խամենեին։ Ի պատասխան՝ Իրանը հրթիռային հարվածներ է հասցնել Իսրայելի տարածքին և հարձակվել Պարսից ծոցի երկրներում գտնվող ամերիկյան ռազմաբազաների վրա։

Իրանը, ԱՄՆ-ն և նրանց դաշնակիցները 2026 թվականի ապրիլի 8-ի գիշերը պայմանավորվածություն են ձեռք բերել երկու շաբաթով հրադադար հաստատելու մասին։ ԱՄՆ-Իրան բանակցությունները տեղի կունենան ապրիլի 11-ին Պակիստանում։

ՀՀ կրթության, գիտության, մշակույթի և սպորտի նախարարության աջակցությամբ Երևանում ապրիլի 11-12-ը կանցկացվի սամբոյի աշխարհի գավաթի խաղարկության հերթական փուլը, որին 22 երկրի ավելի քան 550 մարզիկ կմասնակցի:

Սամբոյի աշխարհի գավաթին Հայաստանի տղամարդկանց և կանանց հավաքականները հանդես կգան ամբողջական կազմերով՝ թե՛ մարզական, թե՛ մարտական սամբոյում:

Տղամարդկանց մարզական սամբո

58 կգ՝ Կարեն Սարգսյան և Դավիթ Հովսեփյան

64 կգ՝ Գևորգ Մանուկյան և Արմեն Աղումյան

71 կգ՝ Մեսրոպ Նիկոյան և Կառլեն Մահինյան

79 կգ՝ Ալեքսան Ստեփանյան և Էրիկ Ղազարյան

88 կգ՝ Արման Եսայան

98 կգ՝ Շահեն Օհանյան և Արսեն Հայրապետյան

+ 98 կգ՝ Դավիթ Հարությունյան և Գրիգոր Բեկնազարյան

Կանանց մարզական սամբո

50 կգ՝ Աննա Այվազյան

54 կգ՝ Ժաննա Վարդանյան և Ռուզաննա Բալասանյան

59 կգ՝ Անի Մարտիրոսյան

65 կգ՝ Մելինե Մամիկոնյան և Ելենա Հայկազունի

72 կգ՝ Սեդա Արամյան և Սյուզաննա Մանուկյան

+ 80 կգ՝ Աննա Մկրտչյան

Տղամարդկանց մարտական սամբո

58 կգ՝ Նարեկ Գոգինյան և Զավեն Արզումանյան

64 կգ՝ Մայիս Ներսեսյան և Տիգրան Գրիգորյան

71 կգ՝ Ռադիկ Ղուկասյան և Վիգեն Մարտիրոսյան

79 կգ՝ Գևորգ Ազատյան և Սերյոժա Գրիգորյան

88 կգ՝ Թաթուլ Ավագյան և Լեոնիդ Մելիքյան

98 կգ՝ Սամվել Ղարիբյան

+98 կգ՝ Մխիթար Թեմուրյան և Նորիկ Խուրշուդյան

Կանանց մարտական սամբո

50 կգ՝ Արփինե Ամիրյան և Իռենա Պետրոսյան

54 կգ՝ Արփինե Մնացականյան և Մարիամ Ստեփանյան

59 կգ՝ Սրբուհի Հովակիմյան

80 կգ՝ Եկատերինա Ժիգալովա

+ 80 կգ՝ Ագափի Հարությունյան

Մրցումները կանցկացվեն Երևանի «Գազպրոմ Արմենիա» ուսումնասպորտային համալիրում: Ապրիլի 11-ին՝ ժամը 17:30-ին, նախատեսված է մրցաշարի բացման հանդիսավոր արարողությունը:

Մրցաշարն անցկացվում է երրորդ անգամ: Երևանում են տեղի ունեցել նաև 2024 և 2025 թվականների գավաթի խաղարկությունները։

ԱԺ «Քաղաքացիական պայմանագիր» խմբակցության պատգամավոր Ծովինար Վարդանյանը «Ֆեյսբուք»-ի իր էջում անդրադարձել է Սամվել Կարապետյանի սպասվող կենդանի ելույթին։

«Ասում է՝ պատմական օր է լինելու, Սամվել Կարապետյանը կխոսի։

Բա այստեղ ո՞նց չասես՝ ցը՜մփ։

Հուսանք, որ նրա ուղերձը տեսագրություն չի, այլ կենդանի խոսք: Դե, որ իսկապես պատմական լինի»:

ԿԸՀ նախագահ Վահագն Հովակիմյանը խորհրդարանական ճեպազրույցի ընթացքում հայտարարել է, որ մինչ նախընտրական քարոզարշավի մեկնարկը քաղաքական ուժերի համար գովազդի սահմանափակումներ նախատեսված չեն։

Նրա խոսքով՝ սահմանափակումները գործում են միայն քարոզարշավի պաշտոնական մեկնարկից հետո։ Հովակիմյանը նաև նշել է, որ ցանկալի է, որպեսզի քաղաքական ուժերը նախընտրական փուլից առաջ ևս ակտիվ լինեն և գովազդ տեղադրեն լրատվամիջոցներում՝ նպաստելով ոլորտի զարգացմանը։

Անդրադառնալով նախընտրական ծախսերի սահմանաչափին՝ ԿԸՀ նախագահը տեղեկացրել է, որ քաղաքական ուժերը կարող են քարոզարշավի նպատակով ծախսել մինչև 800 միլիոն դրամ։

Նա պարզաբանել է, որ այդ ծախսերը կարող են ուղղվել տարբեր նպատակների՝ ներառյալ գովազդի տեղադրումը, շտաբների վարձակալությունը, միջոցառումների կազմակերպումը և քարոզչական նյութերի տպագրությունը՝ համաձայն Ընտրական օրենսգրքի պահանջների։

Հրապարակվել են Քոչարյանի, Ծառուկյանի
և Կարապետյանի ընտրական ցուցակները։ ԱԺ նախագահ Ալեն Սիմոնյանն այդ ցուցակներն անվանել
է սերժաքոչարյանական։

Թեմայի վերաբերյալ զրուցել ենք
Երկրապահ կամավորական միության հիմնադիր անդամ, 
«Կոռնիձոր» ջոկատի հրամանատար Արա Խուդավերդյանի հետ։

«Նույն կարծիքին եմ. 2008 թվականին
ընդդեմ ՀՀ-ի և ընդդեմ այդ ժամանակվա ընտրությունների մասսան է, չէի ցանկանա տեսնել
ՀԱԿ-ի միավորումը այդ բռնի և բռի կազմակերպությանը, նրանք միավորվել են տարբեր ցուցակներում։
Վերջում կմիավորվեն և կփորձեն հակադրվել ՔՊ-ի ցուցակների հետ»,- ասաց Արա Խուդավերդյանը։
  

Նրա խոսքով՝ այդ մարդկանց քաղաքական
ու նախընտրական ձեռագիրը չի փոխվում, քանի որ արդեն հրապարակումներ եղան, թեկուզ կաշառքի
նախնական պայմանավորվածությունների մասին, նրանք պետք է նույն եղանակով փորձեն դա,
իսկ դա հակասում է ՀՀ գործող իշխանությունների սկզբունքներին, ՀՀ օրենքին ու Սահմանադրությանը։

 «2020 թվականից ի վեր այդ մարդկանց հիմնականում տեսել
ենք միտինգային գործընթացների մեջ՝ ընդդեմ Հայաստանի, Հայոց պետականության։ Հիմա մեզ
համար զարմանալի չէ, որ պետք է հայտնվեին այս կամ այն ցուցակներում՝ անունը դնելով,
թե մենք հների հետ կապ չունենք»,- նշեց Արա Խուդավերդյանը։

Մանրամասն՝ տեսանյութում

Լիլիթ Թադևոսյան

Ցավոք, բոլոր հարցերը չէ, որ լուծված են. Բաքվում դեռ կան պահվող հայ անձինք. Միրզոյան

Ցավոք, բոլոր հարցերը չէ, որ լուծված են. Բաքվում դեռ կան պահվող հայ անձինք. Միրզոյան

Ցավոք, բոլոր հարցերը չէ, որ լուծված են. Բաքվում դեռ կան պահվող հայ անձինք. Միրզոյան

Վարչապետ Նիկոլ Փաշինյանի գլխավորությամբ տեղի է ունեցել Հայաստանի Հանրապետության վարչապետին կից Գիտության և տեխնոլոգիաների զարգացման խորհրդի հինգերորդ նիստը:

Օրակարգի շրջանակում ներկայացվել են Կիսահաղորդչային արդյունաբերության զարգացման, Ռոբոտատեխնիկայի և Արհեստական բանականության զարգացման պետական ծրագրերի նախագծերը, Բարձր տեխնոլոգիաների ոլորտի զարգացման ռազմավարական ծրագրի նախագիծը և Վարչապետին կից Հայաստանի գիտության և տեխնոլոգիաների զարգացման խորհրդի հետագա գործունեության վերաբերյալ նախագիծը:

Մինչ օրակարգային հարցերի ներկայացումը, Ազգային ժողովի նախագահի տեղակալ Հակոբ Արշակյանն իր ներածական խոսքում նշել է, որ օգոստոսի 8-ին Հայաստանի և ԱՄՆ-ի միջև կնքված համաձայնագրի շրջանակում, որտեղ ներառված են նաև ռոբոտաշինության, արհեստական բանականության և կիրահաղորդիչների ուղղությամբ Հայաստանի և ԱՄՆ միջև համագործակցության կետերը, նոր հնարավորություններ են ստեղծվել Հայաստանում այս ոլորտների զարգացման համար և ներկայացվող երկու նախագծերը հենց կիսահաղորդիչների, արհեստական բանականության ու ռոբոտաշինության վերաբերյալ են։ Նրա խոսքով՝ այս նախագծերը աշխատանքային խմբերի, մասնավոր գործընկերների, ինչպես նաև Նորարարության հայկական հիմնադրամի համագործակցությամբ ծավալուն աշխատանքի արդյունքն են:

Նորարարության հայկական հիմնադրամի տնօրեն Անահիտ Սարգսյանը մանրամասներ է ներկայացրել Կիսահաղորդչային արդյունաբերության զարգացման պետական ծրագրի նախագծի վերաբերյալ: Նախ անդրադարձ է կատարվել կիսահաղորդիչների ոլորտի գլոբալ նկարագրին, ընդգծվել, որ արհեստական բանականությունն աննախադեպ արագությամբ ընդլայնում է ոլորտի տնտեսական ազդեցությունը: Մանրամասներ են ներկայացվել Հայաստանում գործող կիսահաղորդիչների ԳՀՓՄ (R&D) կենտրոնների, Հայաստանի կիսահաղորդչային դիրքավորման, կրթության և ենթակառուցվածքների զարգացման վերաբերյալ: Անահիտ Սարգսյանն անդրադարձել է 2032թ. Հայաստանի կիսահաղորդիչների ճարտարագիտական էկոհամակարգի զարգացման տեսլականին և այս համատեքստում ընդգծել մարդկային կապիտալի զարգացման ու տնտեսական ազդեցության հեռանկարները:

ARCS.ai խորհրդի փոխնախագահ Կարեն Էգուիազարյանը մանրամասներ է ներկայացրել Ռոբոտատեխնիկայի և արհեստական բանականության զարգացման պետական ծրագրի նախագծի վերաբերյալ, անդրադարձ կատարել ժամանակակից տեխնոլոգիական մրցավազքում ռոբոտիկայի և արհեստական բանականության որոշիչ դերակատարմանը և Հայաստանում առկա ենթակառուցվածքների զարգացման հնարավորություններին: Զեկուցողը ներկայացրել է տաղանդների ներգրավվման, կրթական և հետազոտական առաջնահերթ ուղղություններով անելիքները, էկոհամակարգի ձևավորման ու տնտեսական ազդեցության հեռանկարները:

Բարձր տեխնոլոգիական արդյունաբերության նախարարի տեղակալ Ռուբեն Սիմոնյանն իր հերթին նշել է, որ ինչպես ներկայացրել էր նախորդ նիստում, բարձր տեխնոլոգիաների ոլորտի զարգացման ռազմավարական ծրագրի նախագծի հետ կապված աշխատանքները շարունակվում են և այս ժամանակահատվածում իրականացվել են գործողությունների ծրագրի մշակման հետ կապված աշխատանքները: Ըստ այդմ՝ իրականացվում են Կառավարության և շահագրգիռ կողմերի հետ ռազմավարական թիրախների վերջնականացման, հանրային շահագրգիռ կողմերի հետ հենասյունային մակարդակի միջոցառումների վավերացման աշխատանքները, խորհրդակցություններ են անցկացվում տեխնոլոգիական և ակադեմիական համայնքի հետ՝ իրագործելիության վերաբերյալ, Հայաստանի ռազմավարական ուղղությունների հետ համապատասխանեցման ուղղությամբ։ Ընդգծվել է, որ ռազմավարական ծրագիրը կենտրոնանում է երկու ուղղությունների վրա՝ ԱԲ ինժեներիա և խելացի թվային համակարգեր և Deep-Tech ինժեներիա, նախատիպավորում և ներկառուցված համակարգեր՝ որպես բարձր տեխնոլոգիական էկոհամակարգի զարգացման հիմնական հենասյուներ և առաջնահերթ ոլորտներում համակարգված աճի հիմք:

Ազգային ժողովի նախագահի տեղակալ Հակոբ Արշակյանը ներկայացրել է Վարչապետին կից Հայաստանի գիտության և տեխնոլոգիաների զարգացման խորհրդի հետագա գործունեության վերաբերյալ նախագիծը, անդրադարձել խորհրդի կազմի համալրման հարցին:

Ներկայացված նախագծերի շուրջ խորհրդի անդամները ներկայացրել են իրենց դիտարկումներն ու առաջարկությունները: Ընդգծվել է Կառավարության կողմից իրականացվող և նախատեսվող ծրագրերի հետ նախագծերի համադրության կարևորությունը՝ վերջինների առավել արդյունավետ իրականացման տեսանկյունից:

Ամփոփելով քննարկումները և ընդգծելով բարձր տեխնոլոգիաների միջոցով տնտեսական փոխակերպման կարևորությունը՝ վարչապետը հանձնարարել է պատասխանատուներին ներկայացված նախագծերի շրջանակում աշխատանքային քննարկումներ կազմակերպել և ներկայացնել դրանց իրականացման ինստիտուցիոնալ մեխանիզմները: