Category: Civic.am

Ցավոք, բոլոր հարցերը չէ, որ լուծված են. Բաքվում դեռ կան պահվող հայ անձինք. Միրզոյան

Վարչապետ Նիկոլ Փաշինյանի գլխավորությամբ տեղի է ունեցել Հայաստանի Հանրապետության վարչապետին կից Գիտության և տեխնոլոգիաների զարգացման խորհրդի հինգերորդ նիստը:

Օրակարգի շրջանակում ներկայացվել են Կիսահաղորդչային արդյունաբերության զարգացման, Ռոբոտատեխնիկայի և Արհեստական բանականության զարգացման պետական ծրագրերի նախագծերը, Բարձր տեխնոլոգիաների ոլորտի զարգացման ռազմավարական ծրագրի նախագիծը և Վարչապետին կից Հայաստանի գիտության և տեխնոլոգիաների զարգացման խորհրդի հետագա գործունեության վերաբերյալ նախագիծը:

Մինչ օրակարգային հարցերի ներկայացումը, Ազգային ժողովի նախագահի տեղակալ Հակոբ Արշակյանն իր ներածական խոսքում նշել է, որ օգոստոսի 8-ին Հայաստանի և ԱՄՆ-ի միջև կնքված համաձայնագրի շրջանակում, որտեղ ներառված են նաև ռոբոտաշինության, արհեստական բանականության և կիրահաղորդիչների ուղղությամբ Հայաստանի և ԱՄՆ միջև համագործակցության կետերը, նոր հնարավորություններ են ստեղծվել Հայաստանում այս ոլորտների զարգացման համար և ներկայացվող երկու նախագծերը հենց կիսահաղորդիչների, արհեստական բանականության ու ռոբոտաշինության վերաբերյալ են։ Նրա խոսքով՝ այս նախագծերը աշխատանքային խմբերի, մասնավոր գործընկերների, ինչպես նաև Նորարարության հայկական հիմնադրամի համագործակցությամբ ծավալուն աշխատանքի արդյունքն են:

Նորարարության հայկական հիմնադրամի տնօրեն Անահիտ Սարգսյանը մանրամասներ է ներկայացրել Կիսահաղորդչային արդյունաբերության զարգացման պետական ծրագրի նախագծի վերաբերյալ: Նախ անդրադարձ է կատարվել կիսահաղորդիչների ոլորտի գլոբալ նկարագրին, ընդգծվել, որ արհեստական բանականությունն աննախադեպ արագությամբ ընդլայնում է ոլորտի տնտեսական ազդեցությունը: Մանրամասներ են ներկայացվել Հայաստանում գործող կիսահաղորդիչների ԳՀՓՄ (R&D) կենտրոնների, Հայաստանի կիսահաղորդչային դիրքավորման, կրթության և ենթակառուցվածքների զարգացման վերաբերյալ: Անահիտ Սարգսյանն անդրադարձել է 2032թ. Հայաստանի կիսահաղորդիչների ճարտարագիտական էկոհամակարգի զարգացման տեսլականին և այս համատեքստում ընդգծել մարդկային կապիտալի զարգացման ու տնտեսական ազդեցության հեռանկարները:

ARCS.ai խորհրդի փոխնախագահ Կարեն Էգուիազարյանը մանրամասներ է ներկայացրել Ռոբոտատեխնիկայի և արհեստական բանականության զարգացման պետական ծրագրի նախագծի վերաբերյալ, անդրադարձ կատարել ժամանակակից տեխնոլոգիական մրցավազքում ռոբոտիկայի և արհեստական բանականության որոշիչ դերակատարմանը և Հայաստանում առկա ենթակառուցվածքների զարգացման հնարավորություններին: Զեկուցողը ներկայացրել է տաղանդների ներգրավվման, կրթական և հետազոտական առաջնահերթ ուղղություններով անելիքները, էկոհամակարգի ձևավորման ու տնտեսական ազդեցության հեռանկարները:

Բարձր տեխնոլոգիական արդյունաբերության նախարարի տեղակալ Ռուբեն Սիմոնյանն իր հերթին նշել է, որ ինչպես ներկայացրել էր նախորդ նիստում, բարձր տեխնոլոգիաների ոլորտի զարգացման ռազմավարական ծրագրի նախագծի հետ կապված աշխատանքները շարունակվում են և այս ժամանակահատվածում իրականացվել են գործողությունների ծրագրի մշակման հետ կապված աշխատանքները: Ըստ այդմ՝ իրականացվում են Կառավարության և շահագրգիռ կողմերի հետ ռազմավարական թիրախների վերջնականացման, հանրային շահագրգիռ կողմերի հետ հենասյունային մակարդակի միջոցառումների վավերացման աշխատանքները, խորհրդակցություններ են անցկացվում տեխնոլոգիական և ակադեմիական համայնքի հետ՝ իրագործելիության վերաբերյալ, Հայաստանի ռազմավարական ուղղությունների հետ համապատասխանեցման ուղղությամբ։ Ընդգծվել է, որ ռազմավարական ծրագիրը կենտրոնանում է երկու ուղղությունների վրա՝ ԱԲ ինժեներիա և խելացի թվային համակարգեր և Deep-Tech ինժեներիա, նախատիպավորում և ներկառուցված համակարգեր՝ որպես բարձր տեխնոլոգիական էկոհամակարգի զարգացման հիմնական հենասյուներ և առաջնահերթ ոլորտներում համակարգված աճի հիմք:

Ազգային ժողովի նախագահի տեղակալ Հակոբ Արշակյանը ներկայացրել է Վարչապետին կից Հայաստանի գիտության և տեխնոլոգիաների զարգացման խորհրդի հետագա գործունեության վերաբերյալ նախագիծը, անդրադարձել խորհրդի կազմի համալրման հարցին:

Ներկայացված նախագծերի շուրջ խորհրդի անդամները ներկայացրել են իրենց դիտարկումներն ու առաջարկությունները: Ընդգծվել է Կառավարության կողմից իրականացվող և նախատեսվող ծրագրերի հետ նախագծերի համադրության կարևորությունը՝ վերջինների առավել արդյունավետ իրականացման տեսանկյունից:

Ամփոփելով քննարկումները և ընդգծելով բարձր տեխնոլոգիաների միջոցով տնտեսական փոխակերպման կարևորությունը՝ վարչապետը հանձնարարել է պատասխանատուներին ներկայացված նախագծերի շրջանակում աշխատանքային քննարկումներ կազմակերպել և ներկայացնել դրանց իրականացման ինստիտուցիոնալ մեխանիզմները:

ԱԺ առողջապահության հարցերի մշտական հանձնաժողովը ապրիլի 10-ին անցկացրել է «Առողջության համընդհանուր ապահովագրության համակարգի ներդրման 100 օրը» թեմայով աշխատանքային քննարկում։

Հանձնաժողովի նախագահ Վանիկ Օհանյանը կարևորել է համակարգի ներդրումը՝ այն գնահատելով որպես պատմական և անհրաժեշտ քայլ, որը միտված է բնակչության կյանքի որակի բարելավմանը։

ՀՀ առողջապահության նախարար Անահիտ Ավանեսյանը ներկայացրել է համակարգի ներդրումից հետո առաջին երեք ամիսների տվյալները։ Նա հիշեցրել է, որ «Առողջության համընդհանուր ապահովագրության մասին» օրենքը ուժի մեջ է մտել 2025 թվականի դեկտեմբերի 25-ից, իսկ 2026 թվականի հունվարի 1-ից մեկնարկել է համակարգի փուլային ներդրումը։

Նախարարի խոսքով՝ համակարգի շահառուների թիվը հասել է 1 միլիոն 700 հազարի՝ գերազանցելով նախնական կանխատեսումները։ Նրա պարզաբանմամբ՝ աճը պայմանավորված է նաև աշխատաշուկայում գրանցված տեղաշարժերով, մասնավորապես՝ մինչև 200 հազար դրամ աշխատավարձ ստացող քաղաքացիների մի մասի անցումով ավելի բարձր վարձատրության խմբեր։

Եռամսյակի ընթացքում համակարգի շրջանակում ծառայություններ է ստացել 614 հազար 226 շահառու, որոնց մեծ մասը 65 և բարձր տարիքի քաղաքացիներ են։ Միայն մարտ ամսին պետպատվերի շրջանակում առաջին անգամ սպասարկվել է 67 979 քաղաքացի (փետրվարին՝ 42 հազար, հունվարին՝ 16 հազար)։

Ներկայացված տվյալների համաձայն՝

• 
  իրականացվել է շուրջ 68 հազար վիրահատություն,
• 
  կատարվել է 1 միլիոն 386 հազար ամբուլատոր հետազոտություն,
• 
  դուրս է գրվել 458 հազար դեղատոմս։

Համակարգում ներկայում ներառված է շուրջ 2400 ծառայություն, և նախատեսվում է դրա հետագա լրամշակում՝ հիմնվելով կուտակվող տվյալների վրա՝ առանց կտրուկ փոփոխությունների։

Ծառայություններից օգտվածների 58 տոկոսը կանայք են, 42 տոկոսը՝ տղամարդիկ։ 0–18 տարեկան 646 հազար շահառուներից համակարգի ծառայություններից օգտվել է 28 տոկոսը։

Նախարարն ընդգծել է, որ իրականացված ակտուարական հաշվարկները ցույց են տալիս համակարգի ֆինանսական հավասարակշռությունը՝ մուտքերի և ծախսերի միջև։

Նա նաև նշել է, որ հիվանդանոցային համակարգում հերթերը հիմնականում վերացել են, և քաղաքացիները կարող են անհրաժեշտ ծառայությունները ստանալ 2–3 շաբաթվա ընթացքում։

Անահիտ Ավանեսյանը կարևորել է նաև բժշկական հաստատություններում անհարկի ծառայությունների բացառումը՝ բարձրացնելով համակարգի արդյունավետությունը։

Ապրիլի 19-ին ավտոերթով նշում ենք Հյուսիս-հարավի Գյումրի տանող հատվածի պաշտոնական բացումը։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը:

Շարժվելու ժամի և տեղի մասին կիրազեկենք զանգով։ Սիրում եմ բոլորիդ»,- գրել է վարչապետը:

Ապրիլի 19-ին ավտոերթով նշում ենք Հյուսիս-հարավի Գյումրի տանող հատվածի պաշտոնական բացումը։ Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը:

Շարժվելու ժամի և տեղի մասին կիրազեկենք զանգով։ Սիրում եմ բոլորիդ»,- գրել է վարչապետը:

Բոլորիդ հրավիրում եմ՝ ձեր ավտոմեքենաներով, գնում ենք Գյումրիում մեր սիրելի գյումրեցիների հետ լավ օր անցկացնելու. վարչապետ

Շիրակի մարզի Աղին բնակավայրի տարածքում տեղի ունեցած ավտովթարի դեպքի առթիվ նախաձեռնվել է քրեական վարույթ: Այս մասին 1Լurer.am-ի հարցմանն ի պատասխան հայտնեցին ՔԿ-ից:

«Քրեական վարույթ է նախաձեռնվել Քրեական օրենսգրքի 342-րդ հոդվածի 3-րդ մասի (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելը, որն անզգուշությամբ առաջացրել է երկու կամ ավելի մարդու մահ) հատկանիշներով: Նշանակվել են դատաբժշկական փորձաքննություններ»,- հայտնեցին ՔԿ-ից:

Ավելի վաղ տեեկացրել էինք, որ ապրիլի 10-ին՝ ժամը 11։51-ին, ՆԳՆ 112 օպերատիվ կառավարման կենտրոն ահազանգ է ստացվել, որ Շիրակի մարզի Աղին բնակավայրի մոտակայքում մեքենաները կողաշրջվել են, ներսում կան երեխաներ։ Պարզվել էր, որ բախվել են BMW և Opel մակնիշների ավտոմեքենաները։ Մահացել է հինգ քաղաքացի, իսկ երեք երեխա տեղափոխվել է բժշկական կենտրոն։ Առողջապահության նախարարությունից էլ տեղեկացրել էինք, որ պատահարի հետևանքով կա 6 զոհ, տուժածների վիճակն էլ ծանր և ծայրահեղ ծանր է:

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 10-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանի Կենտրոն վարչական շրջան՝

11:00–17:00 Սարի Թաղ փողոց 2-10, 6-10 շարքեր միակողմանի, Սարի Թաղ փողոց 2-10 շարքերի առանձնատներ մասնակի, Սարի Թաղ փողոց 8 շարք 177-225 առանձնատներ, Չարենցի փողոց 1-ին նրբանցք 12-113 առանձնատներ, Չարենցի փողոց 113 շենք, Ալեք Մանուկյան փողոց 10, 15, 15ա, 17 շենքեր, Այգեստան փողոց 7, 1-18 առանձնատներ, Հ. Շահինյան փողոց 1, 2, 11, 12 առանձնատներ, Թումանյան փողոց 40 շենք,

Երևանի Քանաքեռ-Զեյթուն վարչական շրջան՝

11:00-17:00 Ռուբինյանց փողոց 27/4-27/21 շենքեր և 27/6 առանձնատուն,

Երևանի Ավան վարչական շրջան՝

11:00–15:00 Ավան՝ 4-րդ փողոց 3-րդ և 4-րդ նրբանցքների առանձնատներ, Դ. Մալյան փողոց 4/1, 7-23 առանձնատներ, Խուդյակովի փողոց 1/2 շենք, «Մառանիկ», «Վահագն», «Միհրան Պողոսյան» ՍՊԸ-ներ և հարակից ոչ բնակիչ-բաժանորդներ,

Երևանի Նոր Նորք վարչական շրջան՝

11:00–15:00 Նոր Նորք 2-րդ զանգված՝ Ն. Ստեփանյան փողոց 11, 13 շենքեր, Մոլդովական փողոց 30, 30/1, 32, 32/1, 36 շենքեր և հարակից տարածքների առանձնատներ, «Այ-Նետ», «Էքսպրես-Գեղամ», «Նյու Յորք», «Շուգատուր» ՍՊԸ-ներ և հարակից ոչ բնակիչ-բաժանորդներ,

Երևանի Աջափնյակ վարչական շրջան՝

10:00-16:00 Ք․Քըրքորյան փողոց 1/6 (Պարկ Բրիջ) և Հասմիկի փողոց,

Երևանի Մալաթիա-Սեբաստիա վարչական շրջան՝

10:00-16:00 Րաֆֆու փողոց 111 շենք, Ա․ Բաբաջանյան փողոց 34, 38 շենքեր և հարակից ոչ բնակիչ-բաժանորդներ,

Երևանի Շենգավիթ վարչական շրջան՝

10:00-16:00 թիվ 98 դպրոց, թիվ 131 մանկապարտեզ, Նորագավիթ թաղամաս, 1‑ին փողոց, շենք 95ա հասցե՝ «Շենգավիթի թիվ 5 մշակույթի կենտրոն», Նորագավիթ 1, 3, 7, 8 փողոցների, 1-ին փողոց 3-րդ նրբանցքի առանձնատներ և հարակից ոչ բնակիչ-բաժանորդներ,

11:00-15:00 Ներքին Շենգավիթ 9 փողոցի առանաձնատներ և հարակից ոչ բնակիչ-բաժանորդներ,

Երևանի Էրեբունի վարչական շրջան՝

10:00-16:00 Քաջազնունու փողոցի առանձնատներ և հարակից ոչ բնակիչ-բաժանորդներ, Ռոստոմի փողոցի առանձնատներ և հարակից ոչ բնակիչ-բաժանորդներ,

Արմավիրի մարզ՝

11:00–13:00 Արմավիր քաղաք՝ Մխիթար Հերացու փողոց, «Պետրոս Զաքար» գազալցակայան, Լուկաշին գյուղի գինեգործարան, Նորապատ գյուղ մասնակի,

11:00–17:00 Արագած, Ակնալիճ, Այգեկ գյուղերն ամբողջությամբ, Բաղրամյան գյուղ մասնակի,

Արագածոտնի մարզ՝

11:00-13:00 Շենավան և Հարթավան գյուղեր,

Արարատի մարզ՝

11:00–12:30 Կանաչուտ, Դեղձուտ և Այգեստան գյուղեր մասնակի,

11:00–13:00 Այնթափ և Նոր Խարբերդ գյուղեր մասնակի,

11:00–14:00 Վեդի քաղաք՝ Արարատյան, Սազայի Նիկողոսյան, Պուշկինի, Կամոյի և Նար-Դոսի փողոցներ, Մաշտոցի փողոց մասնակի, Սիսավան և Արարատ գյուղեր մասնակի,

13:30–15:00 Մրգավան գյուղ մասնակի,

14։00-16։00 Սուրենավան գյուղ և հարակից ոչ բնակիչ-բաժանորդներ,

Վայոց Ձորի մարզ՝

10:00–15:00 Կարմրաշեն, Հեր Հեր և Մալիշկա գյուղեր,

11:00–13:30 Գետափ գյուղ մասնակի,

11:00–14:00 Վայք քաղաք՝ Շահումյան փողոց, Իսրայել Օրու փողոցներ մասնակի, Ջերմուկի խճուղին մասնակի և հարակից առանձնատներ, Եղեգնաձոր քաղաք՝ Երևանյան խճուղի 1, 96, 98 հասցեներ, Աղավնաձոր գյուղ մասնակի, Արփի գյուղ,

Կոտայքի մարզ՝

11:00-13:00 Ջրվեժ՝ Բագրևանդ թաղամաս մասնակի,

11։00-14։00 Բալահովիտ գյուղ մասնակի,

11:00–16:00 Եղվարդ քաղաք՝ Անտառտնտեսություն թաղամասն ամբողջությամբ և հարակից ոչ բնակիչ-բաժանորդներ, Քասախ գյուղ մասնակի և հարակից ոչ բնակիչ-բաժանորդներ, Զովունի համայնք՝ 34, 35, 36, 37 փողոցների բաժանորդներ, Պարույր Սևակի, Արաբկիրի և Ն. Ավետիսյան փողոցներ, Գարեգին Նժդեհի փողոց 1-3-5-9-9/1 շենքեր, Վազգեն Սարգսյան փողոց 5-7-9 շենքեր, Վազգեն Սարգսյան փողոց 1-ին փակուղի, Սեդրակ Ջալալյան, Ա. Հարությունյան, Կարեն Դեմիրճյան, Շիրազի, Խաչանովի և Վահան Տերյան փողոցներ, Գառնի գյուղ՝ քարափի այգետնակներ,

11։00-17։00 Առինջ գյուղ մասնակի, Զորավան, Արագյուղ, Բուժական, Սարալանջ գյուղեր և հարակից ոչ բնակիչ-բաժանորդներ, «Ալխալյա» ՍՊԸ, «Ալրեյամի ֆարմ» ՍՊԸ, «Զորավան» ԲԲԸ, «Նաիրյան» ԲԲԸ, Սեփականատեր «Մ. Գևորգյան», Սեփականատեր «Գ. Պետրոսյան», Սեփականատեր «Սամվել Ամիրխանյան», Սեփականատեր «Անահիտ Վարդանյան», Սեփականատեր «Կ. Փիլոյան», Սեփականատեր «Զ. Կարապետյան», Սեփականատեր «Մ. Հարությունյան», Սեփականատեր «Հ. Բաղդասարյան», Սեփականատեր «Դ. Հայրապետյան», Սեփականատեր «Շ. Ղազարյան», «Վիվա Արմենիա» և «Յուքոմ» ընկերությունների բջջային օպերատորի կայաններ, Եղվարդ քաղաք մասնակի և հարակից ոչ բնակիչ-բաժանորդներ, «Նաիրի» հիվանդանոց, «Թոմ շին բետոն» ՍՊԸ, «Ուռենի» ՍՊԸ, «Եղվարդ ալրաղաց» ՍՊԸ, «Արմբերրի» ՍՊԸ, «Էլիտա» ՍՊԸ, Ասֆալտի գործարան, Շիրազի թաղամաս, Պ. Սևակի թաղամաս, Արայի թաղամաս, Սեփականատեր «Մ. Ավետիսյան», Սեփականատեր «Ս. Վարդանյան», Նար-Դոսի, Կոմիտասի և Աբովյան փողոցներ մասնակի,

13:00–14:00 Նոր Գեղի գյուղ՝ «Կոյուղի» թաղամաս և հարակից ոչ բնակիչ-բաժանորդներ, Արզնի համայնք և հարակից ոչ բնակիչ-բաժանորդներ, Բյուրեղավան քաղաք և հարակից ոչ բնակիչ-բաժանորդներ մասնակի, «Բյուրեղաշող» ՍՊԸ, «Գոլդեն Ֆլաուե» ՍՊԸ, «Արզնի Էքսպրես» ՍՊԸ, «Վյակ» ՍՊԸ, «Էյ Էլ Թի» ՍՊԸ, «Արզնի Գրուպ» ՍՊԸ, «Արզնի Էսթետիկա» ՍՊԸ, «Լուսիմա» ՍՊԸ, «Արզնի Առողջարան» ՍՊԸ, Հանգստի գոտի, ԱՁ «Կ. Պողոսյան», ԱՁ «Ա. Ահարոնյան», Սեփականատեր «Մ. Հարությունյան», Սեփականատեր «Նարեկ Առաքելյան», «Նարեկ-95» ԼՏԸ, «Կոյուղի» թաղամաս, «Մանո» թաղամաս, «Սեփականատեր «Վ. Մանուկյան», «Սանատորիա» թաղամաս, «Խաչմերուկ» թաղամաս, «Սեփականատեր Վ. Հակոբյան», «Գետաշեն» թաղամաս, «Սառնարան» թաղամաս, «Գերեզմաններ» թաղամաս, «Գյուղապետարան» թաղամաս,

Գեղարունիքի մարզ՝

11:00–13:00 Ներքին Գետաշեն բնակավայրն ամբողջությամբ և հարակից ոչ բնակիչ-բաժանորդներ,

11:00–16:00 Հայավանք, Բերդկունք, Լճափ և Ծովազարդ գյուղերի բնակիչ-բաժանորդներ, «Ռոյալ Ֆիշ» ռեստորանային համալիր, «ԱԼԻՔ» գազալցակայան, Լճափ գյուղին հարակից գազալցակայան, «Յուքոմ» ընկերության բջջային կայան, «Աքվատիք» ՍՊԸ, Ծովազարդ գյուղին հարակից «Պալունի Հայրապետյան» գազալցակայան և «Օնիկ Գասպարյան» ԱՁ-ն,

11:00–17:00 Վարդաձոր բնակավայր մասնակի և հարակից ոչ բնակիչ-բաժանորդներ,

12:00–16:00 Զոլաքար բնակավայրն ամբողջությամբ և հարակից ոչ բնակիչ-բաժանորդներ,

11:30–16:00 Կախակն գյուղ մասնակի,

10:00–12:00 Ակունք գյուղ՝ 13-րդ փողոց, 1-ին փակուղի 16/1, 16/3, 16/8 հասցեներ, 16-րդ փողոց, 9-րդ փողոց, 1-ին նրբանցք, 9-րդ փողոց 3-րդ նրբանցք, 9-րդ փողոց 6-րդ նրբանցք,

12:20–14:20 Ակունք գյուղ՝ 13-րդ փողոց, 1-ին փակուղի, 1-ին նրբանցք, Սարալանջ 13-րդ փողոց

14:20–16:10 Ակունք գյուղ՝ 16/1 փողոց, 16/2 փողոց, 16/3 փողոց, 9-րդ փողոց,

Տավուշի մարզ՝

10:00-12:00 Իջևան քաղաք՝ Երևանյան փողոց մասնակի,

12:30-14:30 Իջևան քաղաք՝ Մեհրաբյան, Մյասնիկյան և Սպանդարյան փողոցներ մասնակի,

Լոռու մարզ՝

11:00-16:00 Օձուն, Աքորի, Կաճաճկուտ, Ամոջ և Հագվի գյուղեր,

Շիրակի մարզ՝

11։00-14։00 Աշոցքի տարածաշրջան՝ Հարթաշեն գյուղ 3-րդ փողոց,

Սյունիքի մարզ՝

10:00–12:00 Սառնակունք, Ծղուկ և Սպանդարյան գյուղեր,

10:00–13:00 Տեղ գյուղ մասնակի,

11:00–16:00 Դարբաս գյուղ մասնակի,

11:00–14:00 Արավուս գյուղ, Տեղ գյուղ մասնակի,

14:30–16:30 Գորիս քաղաք՝ Ավանգարդ փողոց,

16:30–17:00 Գորիս քաղաք՝ Արզումանյան, Սաթյան և Սարյան փողոցներ:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:

2026թ. ապրիլի 8-ին կայացած ՄԱԿ Տնտեսական և Սոցիալական Խորհրդի լիագումար նիստի ընթացքում Հայաստանի Հանրապետությունն ընտրվել է Հանցավորության կանխարգելման և քրեական արդարադատության հանձնաժողովի (CCPCJ) անդամ՝ 2027-2029թթ. համար, ինչպես նաև Բնակչության և զարգացման հանձնաժողովի (CPD) անդամ՝ 2026-2030թթ. համար։ Այս մասին հայտնում է ՄԱԿ-ում ՀՀ մշտական ներկայացուցչությունը։

«Հայաստանի ընտրությունն արտացոլում է հայաստանյան կողմի աճող ներգրավվածությունն ու հանձնառությունը՝ միջազգային համագործակցության խթանման, արդարադատության համակարգերի ամրապնդման և գլոբալ զարգացման առաջնահերթությունների առաջմղմանը նպաստելու ուղղությամբ։

Հանցավորության կանխարգելման և քրեական արդարադատության հանձնաժողովը հանդիսանում է հանցավորության կանխարգելման և քրեական արդարադատության ոլորտում քաղաքականություն մշակող ՄԱԿ գլխավոր մարմինը։

Հայաստանը նաև ընտրվել էր Հանձնաժողովի անդամ՝ 2024-2026թթ. համար և ներկայումս անդամակցում է նշյալ մարմնում։ Վերընտրվելով նոր՝ 2027-2029թթ. ժամանակահատվածի համար Հայաստանը կշարունակի իր ակտիվ ներդրումն ունենալ Հանձնաժողովի աշխատանքներին՝ կառուցողական ներգրավվածության և միջազգային գործընկերների հետ համագործակցության միջոցով՝ խթանելով երկխոսությունը և փորձի փոխանակումը հանցավորության կանխարգելման և քրեական արդարադատության ոլորտներում։

Բնակչության և զարգացման հանձնաժողովը կարևոր հարթակ է բնակչության դինամիկայի, ժողովրդագրական միտումների և կայուն զարգացմանն առնչվող հարցերի քննարկման համար։

Հայաստանն ակտիվ ջանքեր կգործադրի Հանձնաժողովի շրջանակներում՝ աջակցելով ներառական քննարկումները և նպաստելով համատեղ նախաձեռնություններին, որոնք միտված են գլոբալ մակարդակում բնակչության և զարգացման հիմնարար խնդիրների լուծմանը»,- ասվում է հաղորդագրության մեջ։