Category: Mamul.am

Փաստաբան Լուսինե Մարտիրոսյանը ֆեյսբուքյան իր էջում գրել է․ ««Հսկող դատախազի որոշմամբ, վերացվեց Դավիթ Մինասյանի կալանքը, հենց նոր Դավիթն ազատ արձակվեց Արմավիր ՔԿՀ-ից»:

Հակակոռուպցիոն կոմիտեի խոսնակ Մարինա Օհանջանյանը ֆեյսբուքյան էջում գրել է․

«Ի պատասխան ԶԼՄ հարցումների
     Հաշվի առնելով մեղադրյալ Գոհար Ղումաշյանի օրինական վարքագիծն ապահովող և դրան խոչընդոտող բոլոր հնարավոր հանգամանքները, այդ թվում՝ վերջինիս անչափահաս երեխաներ ունենալը, որպես խափանման միջոց տնային կալանք կիրառելու վերաբերյալ միջնորդություն է ներկայացվելու դատարան»։

Ուկրաինան և Գերմանիան պաշտպանական համագործակցության համաձայնագիր են ստորագրել։ Այս մասին մամուլի ասուլիսի ժամանակ հայտարարել է Գերմանիայի կանցլեր Ֆրիդրիխ Մերցը։ Նրա խոսքով՝ ձեռք են բերվել պայմանավորվածություններ նոր օգնության փաթեթի վերաբերյալ, որը վերաբերում է հակաօդային պաշտպանությանը, հեռահար զինատեսակներին, անօդաչու սարքերին և զինամթերքին։

Ուկրաինայի նախագահ Վլադիմիր Զելենսկին հայտարարել է, որ Գերմանիան Եվրոպայում թիվ 1 օգնություն տրամադրողն է Ուկրաինայի պաշտպանության հարցում։

«Մենք արդեն ունենք 10 ստորագրված փաստաթուղթ։ Մասնավորապես, ՀՕՊ-ի վերաբերյալ, որը մեզ համար ամենահրատապներից մեկն է։ Խոսքը ՀՕՊ հրթիռների, մասնավորապես` PAC-2 հրթիռների և IRIS-T համակարգերի արձակման կայանքների մասին է։ Մենք շնորհակալ ենք դրանց համար»,- նշել է Զելենսկին։

Գոհար Ղումաշյանի դեպքն առանձնահատուկներից է, որովհետև այն կապված է ուղիղ նախընտրական շրջանի հետ, ենթատեքստը՝ ուղիղ ընտրական գործընթացների հետ: Սա շատերը կընկալեն որպես նախընտրական ճնշում, վախի մթնոլորտի ձևավորում, ինչը իշխանությունների վարկածով կարող է փոխել ընտրությունների պատկերը, ինչպես նաև նվազեցնել մասնակցությունը:
     Ձևական կանանց իրավունքներից խոսողները, կանանց առաջնորդության մասին թրեյնինգներ անելով գումար վաստակողները կլռեն, որովհետև իրանց խոսքը բացառապես քաղաքական կոնյուկտուրայով է պայմանավորված։
     Թեպետ աշխատում եմ հնարավորինս քիչ խոսել հատկապես նախընտրական շրջանում ներքին քաղաքական գործընթացների մասին, բայց նման դեպքերին պետք է տալ գնահատական, որովհետև լռությունը կդարձնի այն շղթայական` մեկին խոսքի համար, մեկին թարս նայելու համար, մեկին ուղղակի` հավեսի համար…»։

ԱՄՆ-ի ռազմածովային ուժերի տասնչորս նավ տեղակայված է Արաբական ծովում: Նրանց թվում կա հարվածային խումբ՝ գլխավորությամբ միջուկային շարժիչով ավիակիր USS Abraham Lincoln-ի: Այս մասին տեղեկացնում է ԱՄՆ-ի ռազմածովային ինստիտուտի (USNI) զեկույցը։

Ապրիլի 13-ին՝ այն օրը, երբ Վաշինգթոնն սկսեց շրջափակել Հորմուզի նեղուցը, Արաբական ծովում տեղակայվեց USS Abraham Lincoln-ից, ինչպես նաև USS Spruance և USS Petersen ականակիրներից կազմված հարվածային խումբ։ Այնտեղ տեղակայված է նաև USS Tripoli նավից, USS New Orleans ամֆիբիական տրանսպորտային նավահանգստից և USS Rushmore դեսանտային նավից կազմված դեսանտային խումբ։

Հարվածային և դեսանտային խմբերից բացի, Արաբական ծովում անկախ տեղակայված են ևս ութ ականակիրներ, այդ թվում՝ USS Murphy-ն, որը Peterson-ի հետ միասին ապրիլի 11-ին անցել է Հորմուզի նեղուցով՝ ականազերծման առաքելության շրջանակներում։ USS George HW Bush ավիակիրը շուտով կմիանա տարածաշրջանում գտնվող ռազմածովային ուժերին, հաղորդում է USNI-ն։

Ապրիլի 11-ին «Աբրահամ Լինքոլն» ատոմային ավիակիրը, երկու այլ նավերի ուղեկցությամբ, գտնվում էր Օմանի ծոցի եզրին՝ Իրանի ափից 200 կիլոմետր հարավ։ Մերձավոր Արևելքի պատերազմի սկզբից ի վեր ատոմային ավիակիրներն այդքան մոտ չեն մոտեցել Իրանի տարածքին։

ԱՄՆ-ն Իրանին առաջարկել է ոչ թե միջուկային գործունեության լիակատար արգելք, այլ աշխատանքների 20-ամյա «դադարեցում», որը թույլ կտար Թեհրանին ոչ ընդմիշտ հրաժարվել հարստացման իրավունքից, գրում է The New York Times-ը՝ հղում կատարելով իր աղբյուրներին:

Սակայն Իրանը, ըստ NYT-ի աղբյուրների, պնդել է ավելի կարճ՝ հինգ տարվա ժամկետի վրա։ Նմանատիպ առաջարկ քննարկվել էր փետրվարին Ժնևում ԱՄՆ-ի և Իրանի բանակցությունների ընթացքում և դարձել էր այն գործոններից մեկը, որոնցից հետո Թրամփը որոշել է անցնել ռազմական սցենարի, գրում է լրատվամիջոցը։

Նշվում է, որ բանակցություններում մնում են նաև այլ առանցքային անհամաձայնություններ՝ Հորմուզի նեղուցով նավերի ազատ անցումը և Իրանի կողմից «ՀԱՄԱՍ»-ի և «Հեզբոլլահ»ի աջակցության դադարեցումը: Այնուամենայնիվ, գլխավոր խոչընդոտը մնում է Իրանի կողմից իր միջուկային ծրագրից հրաժարվելու, ենթակառուցվածքները ապամոնտաժելու և վառելիքի պաշարները դուրս բերելու հարցը:

Միջազգային իրավապաշտպան, փաստաբան Ռոբերտ Ամստերդամի ֆեյսբուքյան գրառումը․ «Այն, ինչ տեղի է ունենում Գոհար Ղումաշյանի հետ, դուրս է բանականության և մարդկայնության ցանկացած սահմաններից: Քաղաքական ուժի անդամին բերման են ենթարկել, և այս պահին քննվում է նրա կալանավորման միջնորդությունը՝ բարեգործական գործունեության իրականացման արգելքը խաթարելու անհեթեթ կասկածանքով։
     Սա բացահայտ հիշաչար վրեժխնդրություն է: Գոհարը նորածին երեխայի մայր է, ում քառասուն օրականը նոր է լրացել: Կրծքով կերակրող մոր նկատմամբ նմանատիպ իրավական գործընթաց նախաձեռնելը՝ հիմնված նման շինծու պատրվակների վրա, սարսափեցնող է և անմարդկային։
     Սա այլևս իրավական գործընթաց չէ, այլ բարոյականության անկում և քաղաքական ընդդիմախոսներին դաժանությամբ լռեցնելու ամոթալի փորձ։ Ոչ մի պետություն չի կարող իրեն ժողովրդավար համարել, երբ մարդու տարրական իրավունքներն ու արժանապատվությունը ստորադասվում են քաղաքական շահերին։

Եվրոպական հանձնաժողովը հետաձգել է Ուկրաինային 90 միլիարդ եվրոյի ֆինանսավորման առաջին տրանշերի տրամադրման ծրագրերը մինչև 2026 թվականի երկրորդ կեսը, Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի խոսնակ Բալա Ույվարին։

Սա պատասխան էր այն հարցին, թե արդյոք Հունգարիայի վարչապետ Վիկտոր Օրբանի պարտությունը խորհրդարանական ընտրություններում թույլ կտա ապաշրջափակել Ուկրաինային 90 միլիարդ եվրոյի տրամադրման բյուջետային և ռազմական ֆինանսավորման ծրագիրը, որը նախատեսված է 2026 և 2027 թվականների համար։

Ներկայում Հունգարիան և Սլովակիան դեռևս չեն հանել ծրագրի նկատմամբ իրենց վետոն։

Հունգարիան արգելափակում է Ուկրաինային տրամադրվող վարկը, քանի որ վերջինը խոչընդոտում է ռուսական նավթի տարանցմանը «Դրուժբա» խողովակաշարով։ Իսկ Գերմանիայի կանցլեր Ֆրիդրիխ Մերցը մեղադրել է Օրբանին ԵՄ անդամ պետությունների միջև հավատարմության սկզբունքը խախտելու մեջ։

Ավելին, Ուկրաինայի առաջնորդ Վլադիմիր Զելենսկին սպառնացել է Հունգարիայի վարչապետի կոնտակտային տվյալները տրամադրել Ուկրաինայի զինված ուժերին, եթե նա շարունակի արգելափակել վարկը։ Եվրոխորհրդարանը Զելենսկու սպառնալիքներն անվանել է «միջազգային սկանդալ» և մեղադրել Եվրոհանձնաժողովին ԵՄ անդամ չհանդիսացող պետությանն ավելի շատ պաշտպանելու մեջ, քան անդամ պետությանը։

Իսրայելի պաշտպանության նախարար Իսրայել Կացը երեքշաբթի օրը հայտարարել է, որ հարստացված ուրանի` Իրանից դուրսբերումն Իսլամական Հանրապետության դեմ ռազմական արշավը դադարեցնելու կարևորագույն պայման է։
     Կացի խոսքով՝ Իրանը ներկայում չունի միջուկային ծրագիր և միջուկային զենք ստեղծելու հնարավորություն։ «Հարստացված ուրանի հարցը մնում է բաց, որը կարող է հիմք հանդիսանալ [միջուկային – խմբ.] նախագիծը վերսկսելու փորձի համար, այդ իսկ պատճառով ԱՄՆ-ն և Իսրայելը այս նյութի` Իրանից դուրսբերումը համարել են արշավը դադարեցնելու կարևորագույն պայման», – հայտարարել է նախարարը՝ ըստ նախարարության մամուլի ծառայության։

«Հարցաքննության է հրավիրվել նաև մեր մյուս գործընկերուհին՝ Վերժինե Ստեփանյանը, որը «Ուժեղ Հայաստան» կուսակցության Վայքի գրասենյակի պատասխանատուն է»,- այս մասին Հակակոռուպցիոն դատարանի մոտ լրագրողների հետ զրույցում հայտնեց «Ուժեղ Հայաստան» կուսակցության մամուլի քարտուղար Մարիաննա Ղահրամանյանը՝ ընդգծելով, որ նա 2 անչափախաս երեխաների մայր է։

«Իրավապահները նրան ուղեկցել են Եղեգնաձորի քննչական մարմին, նրա հետ այս պահին իր փաստաբան կա։ Մեզ անհայտ հանգամանքներում, անհայտ ու անհասկանալի անհասկանալի պատճառներով Վերժինե Ստեփանյանը ուղեկցվել է իրավապահ մարմինների կողմից համապատասխան բաժին և ըստ ամենայնի հարցաքննվում է։ Դեռ չգիտենք ինչի համար․․․ Սա գործող թույլ իշխանությունների կողմից փորձ է՝ մեր կանանց միջոցով փորձել ճնշել մեզ․․․ Մենք սա գնահատում ենք որպես իրենց թուլության հերթական դրսևորում»,- հավելեց Ղահրամանյանը։