Category: Mamul.am

Իրանի արտաքին գործերի նախարար Աբբաս Արաղչին հեռախոսազրույց է ունեցել Պակիստանի բանակի հրամանատար Ասիմ Մունիրի հետ՝ Իսրայելի կողմից Իրանում և Լիբանանում հրադադարի խախտումների վերաբերյալ։ «Ռիա նովոստի»-ի փոխանցմամբ՝ այս մասին հաղորդել է Իրանի արտաքին գործերի նախարարությունը։
     «Մենք քննարկել ենք Իսրայելի կողմից Իրանում և Լիբանանում հրադադարի խախտումների հարցը»,- նշվում է նախարարության հայտարարության մեջ։

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Իրավիճակը շատ նման է 2018թ. ապրիլ-մայիսին:
     Գուժում ենք Նիկոլի հերթական վերարտադրությունը, եթե ամեն ինչ մնա այսպես:
     Գուժում ենք դրանից հետո գալիք զուլումը:
     Քաղաքականությամբ զբաղվող կամ հետևող հազարավոր մարդիկ գիտեն, որ ճիշտ ենք ասում:
     Գիտեն նաև Նիկոլի վերարտադրության գինը:
     Գիտեն, բայց ձև են անում, որ լավ չեն հասկանում: Վախենում են անգամ մի «լայք» դնել:
     Ինչպես 2018թ. ապրիլ-մայիսին:
     Գիտեն ու նստած սպասում են աղետին:
     Հույսով, որ ճանապարհին մի բան «կկպցնեն» կամ կլինեն «հաղթողների» բանակում:
     Ղարաբաղը դաս չեղավ»:

ՌԴ ԱԳ նախարարության պաշտոնական ներկայացուցիչ Մարիա Զախարովան այսօր ճեպազրույցի ժամանակ անդրադառնալով լրագրողի խնդրանքին՝ մեկնաբանել վերջին շրջանում ՀՀ ԱԺ նախագահ Ալեն Սիմոնյանի հայտարարությունները, սկսել է անզուսպ ծիծաղել։

«Ես չեմ ուզում լրջորեն մեկնաբանել էմոցիոնալ գործիչների ոչ միանշանակ հայտարարությունները՝ մանավանդ ՀԱՊԿ-ի վերաբերյալ, ինչ ասես, որ չենք լսել․․․ »,- ասել է Զախարովան:

ԱՄՆ նախագահ Դոնալդ Թրամփը հայտարարել է, որ Իրանն ուրան չի հարստացնի։

«Միացյալ Նահանգները սերտորեն կհամագործակցի Իրանի հետ, որտեղ, մեր կարծիքով, շատ արդյունավետ ռեժիմի փոփոխություն է տեղի ունեցել։ Ուրանի հարստացում չի լինի, և Միացյալ Նահանգները, համագործակցելով Իրանի հետ, կփորի և կհեռացնի (B-2 ռմբակոծիչների հարվածներից) խորը թաղված ողջ միջուկային «փոշին»»,- գրել է նա Truth Social սոցիալական ցանցում։

Նրա խոսքով՝ համապատասխան օբյեկտները գտնվում են ԱՄՆ տիեզերական ուժերի «արբանյակային դիտարկման» ներքո, և հարձակման պահից ի վեր ոչինչ դուրս չի բերվել։

Նշենք, որ հրադադարի մասին հայտարարությունից հետո Իրանի ազգային անվտանգության բարձրագույն խորհուրդը հայտարարել էր, որ Վաշինգթոնը ընդունել է Թեհրանի 10 կետանոց առաջարկը, որոնց թվում էր Իսլամական Հանրապետության ուրան հարստացնելու իրավունքը։

Այսօր՝ ապրիլի 8-ին, խոշոր ու ողբերգական ավտովթար է տեղի ունեցել Լոռու մարզում։ Ժամը 16:30-ի սահմաններում Վանաձոր-Սպիտակ ավտոճանապարհի 10-րդ կմ հատվածում բախվել են «DAF» մակնիշի բեռնատարն ու «ՎԱԶ 21014»-ը։ Ինչպես հայտնում է ֆոտոլրագրող Գագիկ Շամշյանը՝ վթարի հետևանքով 2 հոգի տեղում մահացել են, 2 հոգի բուժօգնություն ստանալու նպատակով տեղափոխվել են «Սպիտակ» բժշկական կենտրոն։

«DAF» բեռնատարը բարձված է եղել երկաթե պարագաներով, այդ թվում՝ ամրաններով։

Քաղաքագետ Արա Պողոսյանի ֆեյսուքյան գրառումը. «Անչափ ուրախ եմ, որ խաղաղության հասնելու հույս կա, բայց.
     Հաշվի պետք է առնել այն հանգամանքը, որ Թրամփը սիրում է «բլեֆային քաղաքականություն» և երբեք միանշանակորեն չի կարելի վերաբերվել Թրամփի հայտարարություններին:
     Մյուս կողմից` Իրանը խաղաղության հասնելու և իր վրա չհարձակման երաշխիք ունենալու համար պետք է հասնի մերձավորաևելյան հիմնական հակամարտության փաթեթային լուծման`
     1. Պաղեստինի և Գազայի հարցի լուծում,
     2. Լիբանանի և Հեզբոլլահի խնդրի լուծում,
     3. Իրանի խաղաղ միջուկային ծրագրի երաշխավորում և իհարկե`
     4. առաջնային և երկրորդային պատժամիջոցների չեղարկում:
     Այս խնդիրներից թեկուզ մեկի լուծման հետաձգումը միշտ նոր հակամարտության պատճառ կարող է դառնալ, հաշվի առնելով, որ Իսրայելը դեռևս շարունակելու է մնալ կոնֆլիկտածին պետություն»:

ԱՄՆ զինված ուժերը պատրաստ են վերսկսել Իրանի դեմ ռազմական գործողությունը, բայց հույս ունեն, որ դրա անհրաժեշտությունը չի լինի։ Այս մասին հայտարարել է ԱՄՆ զինված ուժերի շտաբերի պետերի միացյալ կոմիտեի նախագահ, գեներալ Դեն Քեյնը։

«Պարզ ասենք՝ հրադադարը դադար է, և միացյալ ուժերը պատրաստ են, եթե հրաման լինի կամ անհրաժեշտություն առաջանա, վերսկսել մարտական գործողությունները նույն արագությամբ և ճշգրտությամբ, ինչ մենք ցուցադրել ենք վերջին 38 օրվա ընթացքում։ Բայց հույս ունենք, որ դրան չի հասնի», – լրագրողներին ասել է Քեյնը։

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը․ «Քանի որ Ռուսաստանը սկսում է արգելել հայկական կոնյակի, վայ, կներեք, բրենդիի, ծաղիկների ու մի շարք այլ ապրանքների ներմուծումը, ապա ճիշտ ժամանակն է, որ Փաշինյան Նիկոլը ցույց տա, որ Եվրոպան իր մեջքին կանգնած է: Իհարկե, մեջքին կանգնելը ոչ բառի բուն իմաստով:
     ՔՊ-ականները համոզում էին, որ այլընտրանքային շուկաներ կգտնեն եվրոպական ու Արաբական թերակղզու երկրներում: Դե թող հիմա Եվրոմության հետ պայմանավորվեն, որ թույլ տան, ասենք մի արկղ կոնյակ ու 10 կգ պանիր Եվրոմիության տարածք մտցնել: Իհարկե, նման բան եվրոչինովնիկները թույլ չեն տալու: Նիկոլին օգնելու իրենց ռեսուրսը սահմանափակվում է մի քանի կապեկ շպրտելով` երևակայական «հիբրիդային պատերազմի» դեմն առնելու նպատակով, որն այստեղ հավանաբար ծախսվում է ֆեյքերի բանակ բուծելու վրա:
     Փաշինյան Նիկոլի արկածախնդիր քայլերի պատճառով Հայաստանի տնտեսության օդերը փակվում են: Կոլապսի ենթարկված տնտեսությամբ ու ավերված անվտանգային համակարգով շատ ավելի հեշտ է ժողովրդին վախեցնելով համոզել, որ սովամահ չլինելու ու չկոտորվելու միակ տարբերակը արևմտյան Ադրբեջան դառնալն է»:

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը․ «Ավտոներկրողներն ահազանգում են, որ արդեն երկու օր է՝ չեն կարողանում մաքսազերծել ԱՄՆ-ից ներմուծվող ավտոմեքենաները։
     Որպես պատճառաբանություն բերվում է փաստաթղթերի անհամապատասխանելիությունը։ Բանն այն է, որ ԱՄՆ-ից ներկրվող որոշ մեքենաների փաստաթղթերում առկա է մետաղաջարդոն մակնշումը, ինչն էլ մաքսայինի աշխատակիցները գնահատում են խոչընդոտ՝ ՀՀ օրենսդրությամբ սահմանված կարգով մաքսազերծում իրականացնելու համար։
     Մինչդեռ, նախկինում նման տեսակի փաստաթղթերը երբևէ խնդիր չեն առաջացրել նույն մաքսավորների շրջանում։ Եթե անգամ կա ներքին որոշում, ինչու նախապես չեն տեղեկացվել ներմուծողները։
     Այսպիսի անհասկանալի դիրքորոշման հետևանքով այս պահին 14-15 ավտոմեքենա շարունակում է մնալ մաքսատանը։
     ՀՀ ՊԵԿ-ի ուշադրությունը հրավիրում եմ խնդրի շուրջ՝ ակնկալելով պարզաբանում և շուտափույթ լուծում»:

ՊԵԿ նախկին ղեկավար Դավիթ Անանյանի ֆեյսբուքյան գրառումը․ «Տարածաշրջանը մտնում է մի փուլ, որտեղ երկար ժամանակ կուտակված լարվածության թնջուկը կարծես մոտենում է իր հանգուցալուծմանը։
     ԱՄՆ-Իրան հակադրությունը, որը ամիսներ շարունակ պահում էր ամբողջ տարածաշրջանը պայթյունի եզրին, այսօր տեղափոխվում է բանակցային հարթություն։ Սա դեռ խաղաղություն չէ, և առավել ևս՝ վերջնական համաձայնություն չէ։ Բայց սա արդեն այն կետն է, որտեղ ուժի լեզուն սկսում է զիջել հաշվարկի լեզվին։
     Իրանը խոսում է առավելագույն պահանջների լեզվով, ԱՄՆ-ը՝ զսպման ու վերահսկման տրամաբանությամբ, բայց ամենակարևորը՝ կողմերը կանգ են առել։
     Եվ երբ կանգ են առնում նման մասշտաբի բախումները, դա արդեն ինքնին շրջադարձ է։
     Մեզ համար սա պարզապես արտաքին նորություն չէ։ Սա մեր անվտանգության, մեր տնտեսության, մեր ապագայի վրա անմիջական ազդեցություն ունեցող հանգույց է։
     Եթե այս թնջուկը իսկապես սկսի լուծվել, ապա փոխվելու է ոչ միայն տարածաշրջանի ուժային հավասարակշռությունը, այլև այն միջավայրը, որի մեջ մենք պետք է կայացնենք մեր քաղաքական և տնտեսական որոշումները»: