Category: Mamul.am

ԻՔՄ ծրագրերի համակարգող Դանիել Իոաննիսյանը ֆեյսբուքյան իր էջում գրել է․ «Մի րոպե։ Այսինքն, եթե նորածնի մայրը հանցանք է անում, ի՞նչ, անմե՞ղ է դառնում։ Բա ուրի՞շ։
     Հակակոռուպցիոն կոմիտեի հրապարակված ձայնագրությունից և Գոհար Ղումաշյանի որոշ հրապարակային ելույթներից բավականին որոշակի է դառնում Քրեական օրենսգրքի 221-րդ հոդվածով նախատեսված արարքի կատարված լինելը։ Հետևապես, քրեական հետապնդման հիմքերը կասկածի տակ դնելու առիթ չկա։
     Ուրիշ հարց, որ խափանման միջոց ընտրելիս, բնականաբար, պետք է հաշվի առնել նորածին երեխայի առկայությունը։ Եվ եթե խափանման միջոցը կալանք ընտրվեր, ես ինքս ցույցի դուրս կգայի։
     Բայց կալանք չընտրվեց, հետևապես, հիմք ընդունելով առկա հրապարակային տեղեկությունները, հանգիստ խղճով կարելի է պնդել, որ այս դեպքում իրավապահ մարմինները գործել են ճիշտ, օրինաչափ ու համաչափ»։

Երևանի Հակակոռուպցիոն դատարանում ընթանում է Սամվել Կարապետյանի գործով դատական նիստը, որտեղ կքննվի խափանման միջոցի փոխման հարցը։

Հիշեցնենք, որ Սամվել Կարապետյանը ձերբակալվել էր 2025թ․ հունիսի 18-ին, այնուհետև դատարանի որոշմամբ՝ կալանավորվել։ Այժմ նրա նկատմամբ որպես խափանման միջոց կիրառված է տնային կալանքը։

Արևմտյան երկրները փորձում են իրենց կանոնները սահմանել Կենտրոնական Ասիայի տարածաշրջանում և Հարավային Կովկասում, հայտարարել է ՌԴ ԱԳ նախարար Սերգեյ Լավրովը։

«Կենտրոնական Ասիայում ծավալվում է հետաքրքիր աշխարհաքաղաքական պայքար՝ պայմանավորված Արևմուտքի փորձերով՝ այստեղ ևս սահմանել իր կանոնները, առաջատար դեր խաղալ այն հարցում, թե ինչպես պետք է կազմակերպեն իրենց կյանքը Կենտրոնական Ասիայի պետությունները և ում հետ պետք է կառուցեն իրենց հարաբերությունները։ Նույնը, գուցե ոչ այնքան ակնհայտ, արդեն դրսևորվում է նաև Հարավային Կովկասում»,- հայտարարել է Սերգեյ Լավրովը՝ Պեկինում կայացած ասուլիսի ընթացքում։

Իրանի իշխանությունները ծրագրում են հատուկ ռեժիմ մշակել Հորմուզի նեղուցի համար, որն ունի աշխարհաքաղաքական նշանակություն, РИА Новости-ին տված հարցազրույցում հայտնել է Իսլամական Հանրապետության կառավարության պաշտոնական ներկայացուցիչ Ֆաթեմեհ Մոհաջերանին։

«Հորմուզի նեղուցը մեր երկրի հատուկ սեփականությունն է: Ինչպես ցանկացած սեփականություն, որն օգտագործվում է որպես տարբեր երկրների հետ փոխգործակցության համար, պահանջում է հատուկ ռեժիմ»,- ասել է Մոհաջերանին:

Նրա խոսքով՝ Իրանը կօգտագործի անհրաժեշտ բոլոր միջոցները, որպեսզի Հորմուզի նեղուցի նկատմամբ ազգային շահերը պահպանվեն:

Լրահավաք
Հեռ.` +374 (10) 55-20-59
Էլ. փոստ` info@mamul.am

Գովազդ
Հեռ.` +374 (91) 99-22-02
Էլ. փոստ` marketing@mamul.am

ԱԺ փոխնախագահ Ռուբեն Ռուբինյանը ֆեյսբուքյան իր էջում տեսանյութ է հրապարակել՝ «Բոլոր ընտրակաշառք բաժանողներն ու վերցնողները ձերբակալվելու են» գրառմամբ։ «Կալուգացի օլիգարխի թիմակիցները հերթական անգամ բռնվել են ընտրակաշառք բաժանելու վրա։ Սա արդեն տարօրինակ չէ, որովհետև մենք գործ ունենք մի ուժի հետ, որը հստակ և նպատակաուղղված ուղարկվել է Հայաստան, որպեսզի գողանա մեր ընտրությունները։ Նրանց թվում է, որ իրենք կարող են գնել Հայաստանի ժողովրդին, նրանք թերևս Հայաստանի ժողովուրդը խառնել են Նիժնի Տապռի բնակչության հետ, բայց ոչինչ, մենք նրանց կբացատրենք՝ որը որից հետո է»,- մասնավորապես ասում է Ռուբինյանը։

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է․ «Իշխանության ապօրինի գործողությունները, կիրառվող անհամաչափ միջոցառումները, կարմիր գծեր չունենալն այլևս զարմանք չեն առաջացնում։
     Մի օր կսադրեն և, ըստ ցանկության, մարդկանց կձերբակալեն, ըստ իրավիճակի՝ քաղաքական մրցակիցներին կմեկուսացնեն, իսկ օրենքն էլ՝ յուրովի մեկնաբանությամբ, կկիրառեն։
     Անչափահասներ, կերակրող մայրեր, հոգևորականներ՝ այս ռեժիմի համար որևէ տարբերություն կամ նշանակություն չունեն։
     Խնդիրն այն է, որ ակտիվ գործող ընդդիմադիր ուժերն իրենց մոտեցումները կառուցեն՝ հիմքում ունենալով իշխանության հակաքաղաքական, հակաիրավական և հակաբարոյական գործիքակազմը»։

Լրահավաք
Հեռ.` +374 (10) 55-20-59
Էլ. փոստ` info@mamul.am

Գովազդ
Հեռ.` +374 (91) 99-22-02
Էլ. փոստ` marketing@mamul.am

Ամերիկյան վարչակազմը Իրանի նկատմամբ ծրագրել էր նույն գործողությունները՝ կապված նավթի վերահսկողության հետ, ինչ Վենեսուելայի դեպքում։ Այս մասին լրագրողների հետ զրույցում հայտnել է ՌԴ ԱԳ նախարար Սերգեյ Լավրովը։

«Վերցրեք, օրինակ, վենեսուելական նավթը. սկզբում նրանք հայտարարեցին, որ [Վենեսուելայի նախագահ Նիկոլաս] Մադուրոյին պետք է ենթարկեցնել, քանի որ նա գլխավոր նարկոբարոնն է։ Եվ հիմա ոչ ոք նույնիսկ չի խոսում թմրանյութերի մասին։ Հիմա ասում են. «Թմրանյութերը Մեքսիկայից են, մենք այնտեղ ինչ-որ համաձայնության ենք եկել, իսկ ինչ վերաբերում է Մադուրոյին, մենք նրան տարանք, այնպես որ հիմա նավթը մերն է»»,- նշել է նախարարը։

«Նույնը նրանք ծրագրել էին Իրանի նկատմամբ։ ԱՄՆ նախագահ Դոնալդ Թրամփը բազմիցս ասել է, որ պատրաստ է վերցնել իրանական նավթը կամ առնվազն պայմանավորվել, որպեսզի Իրանի հետ համատեղ կառավարի իրանական նավթը»,- նշել է Լավրովը։

ԱԺ «Հայաստան» խմբակցության պատգամավոր Արթուր Խաչատրյանը ֆեյսբուքյան իր էջում գրում է․ «Եվս մի «պարզ» վթար Բաղրամյան պողոտայի վրա, որի հետևանքով առավոտյան աշխատանքի շտապող մեր հազարավոր քաղաքացիներ «բանտարկվել» էին կիլոմետրանոց խցանման մեջ: Ակնհայտ է, որ ո՛չ Երևանի քաղաքապետարանը, ո՛չ Ճանապարհային ոստիկանությունը լուծումներ չեն կարողանում գտնել նման դեպքերի համար, թեև Ազգային ժողովը համապատասխան օրենսդրական կարգավորումներ է ընդունել»: