Արևմտյան երկրները փորձում են իրենց կանոնները սահմանել Կենտրոնական Ասիայի տարածաշրջանում և Հարավային Կովկասում, հայտարարել է ՌԴ ԱԳ նախարար Սերգեյ Լավրովը։
«Կենտրոնական Ասիայում ծավալվում է հետաքրքիր աշխարհաքաղաքական պայքար՝ պայմանավորված Արևմուտքի փորձերով՝ այստեղ ևս սահմանել իր կանոնները, առաջատար դեր խաղալ այն հարցում, թե ինչպես պետք է կազմակերպեն իրենց կյանքը Կենտրոնական Ասիայի պետությունները և ում հետ պետք է կառուցեն իրենց հարաբերությունները։ Նույնը, գուցե ոչ այնքան ակնհայտ, արդեն դրսևորվում է նաև Հարավային Կովկասում»,- հայտարարել է Սերգեյ Լավրովը՝ Պեկինում կայացած ասուլիսի ընթացքում։